القلم البرونزي كتب:

أنزين مادام أنه في وفيات ليش مايتم الأفصاح عنها
أمس في أخبار الساعة العاشرة مساء

أستضافوا في الأخبار واحد نقيب وتكلم وقال أمام الملا أنه الوفيات عددها ستة أشخاص وهم اللي غرقوا في العامرات وقال أنه هناك أشخاص تحت الأنقاذ ولم يتم تحديد الحاله أذا كانوا فاقدين الحياة أم مازالوا على قيد الحياة.
ً

القلم البرونزي كتب:

هذا دور المواطن أتجاه نفسه ما شاء الله عليهم ناس كبيرة وواعية ورغم ذلك أنشوف الأستهتار الزايد من قبل المواطنين يعرضوا نفسهم ويعرضوا رجال الأنقاذ للخطر.... يفكروا رجال الدفاع المدني ملائكة مايموتوا وفيهم جنحان يطيروا أي مكان في حالة جرف وادي..... الدفاع المدني قائم بدورة لتلبية النداء ولكن التنسيق مفقود وبشكل تام ولاتوجد سيطرة في مثل هذه الأمور.

القلم البرونزي كتب:

لا أبشرك أخوي الشرطة فاتحين الشارع للناس يسيروا ويجوا فيه ولا في أي تنبيهات من مركز شرطة العامرات أن الوديان نزلت ولازم يغلق الشارع حتى تفاجأت الناس بالوادي في وجهها.

القلم البرونزي كتب:

إن شاء الله راح يتخذ القرار ولكن الموافقة راح تكون أنه لازم يتم تكسير الرصيف علشان يركب معه أنتر لوك جديد.

pretty_life كتب:

أخوتي الاعزاء انتم تتكلموا عن المجازفات .. وهذا أمر مسلم به وانها شئ غير محبب ,, بس عذرا ,, هل فيكم عارف العامرات وطريقها؟ ولو كنا في مكان خلاص الوادي جا مقابلنا وما في منفذ ,, سيارات ورانا ,, ووادي قدامنا .. والشارع الثاني مرتفع , والشارع اللي نمشي عليه هو مجرى الوادي نفسه وما في مخرج ولا فيه تنبيه انه فيه وادي بيجي !! لوين المهرب ؟؟ محد ينكر وكلنا نعرف أن المجازفة مب زينة وكأنه يرمي نفسه بالتهلكة ,, وهذا كلام مفروغ منه ومحد يبا يناقش فيه لأننا كلنا متفقين عليه ,, لكن النقاش الاهم أن الناس فاجأهم الوادي وباغتهم ,, والدليل ان الكثيرين ماتوا ,, يعني مستحيل لو ناس شافت أن الوادي خطير وما قدرت سيارات تخطيه أنها تروح تخطيه الا اذا ناقصين عقل وتفكير ,, أما في حالة اللي انحبسوا بين جبال عامرات وواديها ,, وين يروحوا؟ الله يرحمهم ويرزقهم الشهادة ,, اللهم آمين,, وفي هالحالة أنا ألوم الدفاع وبكل شدة بعد .. يعني الحين شرطة عامرات هذي ما أول مرة يصير كذا في شارع الفيروز ,, المفروض لما يصير مطر قوي , أقفلوا الشوارع ,, ليش محد عمل شي ,, لولا تدخل الدفاع المدني ما مطرح ومنعهم الدخول من وادي عدي كان العدد زاد ,,
والمشكلة الاهم واللي أبي الجميع يناقشوا فيها بعد اتفاقنا على نقطة ان المجازفة خطأ ,, هو أنه ليش يغطوا عاللي يصير؟ ليش يقولوا ان الضحايا قلايل وكلنا يعلم كم عددهم ؟ وعلى قولة أخونا ,, الجثث في أيام جونو تسبح قدامنا وهم يقولوا رقم ما يدش العقل ,, ليش الانكااار ؟ والله حالة ,, والمسؤولية مشتركة المسؤولين لأنهم جالسين يرموا عالناس اللي تجازف وأغلبهم كانوا مباغتين ,, ولنا لأننا ما ساهمنا في كبت الحقيقة وسكتنا كثير وهالمرة أنا أقول لسكان عامرات ,, هالشارع خطر بمطر أو بدون ,, بوادي أو بدون ,, شارعنا هو شارع خطير ,, أسوء تخطيط شارع شفته في حياتي ,, لا انارة فيه الا بنقطة معينة ,, واللفات قوية جدا وبالليل ما نقدر نشوفها ,, اللوايح على آخر لحظة تظهر لايحة انك بلفة ,, ويالله أمسك السكان ,, والشارع مدقدق , ومكسر وكأنه أفعى ملتوية,, ويمشي على مجرى أكبر وديان العامرات وأقواها وهالوادي من قوته يدمر كل شي قدامه لحد ما يوصل بحر القرم .. بالله عليكم يا اخواني الاعزاء كذا تحويلات ,, والشارع بنص الوادي ؟ ونحن عندنا كل ما صار مطر خفيف نزل الوادي ,, واخترب الشارع ,, حالة بصراحة .. الله يعينا ,, والله يرحم جميع موتانا ويصبر أهاليهم ,, ويااارب يخلص مشروع الشارع الجديد بأقرب وقت ,, يكفينا بلاوي من هالشارع .. كل سنة ضحايا التخطيط الخطأ للشارع يروحوا فيها والكل شايف وساكت. وعموما أنا لا أنكر اللي عملوه الدفاع المدني لولاهم كان أرقام الضحايا زادت ,, بس العتب موجود سواء لهم أو للمسؤولين عن اللي صار.. والتحرك مفروض يتم من قبل ,, وأنا بد أحيي دفاع مدني مطرح ,, يعني عملوا اللي عليهم وزيادة والشهادة في حقهم صغيرة ,, أول ما الامطار زادت وهم مسيطرين عالوضع ومبرمجين كل حاجة وكسيطرين عالشوارع وعلى الحركة اللي بيه,, حتى ما سمعنا ان أي ضحية وقعت في ولاية مطرح لحد وطية.. وسمحولي عالمداخلة , وأنا كثير عجبتني نقاشاتكم كلكم وأسلوبكم في الحوار ,, جميعكم من صاحب الموضوع الى المشاركين فيه ,, واللي عنده صور زيادة ترا لا يبخل علينا ,, واللي عنده صور وديان عامرات فيا ليت لو يحطها ..
وثانيا : ممكن حد يفهمني وش سالفة الانترلوك ؟ وين يعملوا انتر لوك وبأي رصيف ؟

أختكم : بريتي

pretty_life كتب:

أول المشكلة بدأت لما سقطت صخرة عظيمة من فوق الجبل وسدت الشارع والحمد لله ما كان فيه سيارات ,,بس تخيل لو كان فيه ,, والناس من ساعتها ما استبشرت خير بالشارع هذا..

في حادثة جونو والكل عارف باللي صار ومن جونو ولحد الحين والشوارع من شئ لأسوأ


وكمان في حادثة اللي صارت قبل الصيف عن التخطيطات والحادث اللي تكلم عنه الجميع وسكت عنه المسؤولين وهي حادثة البنت في شارع العامرات ونفس الشي بسبب المطر ,, يمكن سمعت عنها,, وتكلموا عنها كثير في مواضيع في الساحة ..
وثالثا اللي صار في هالاسبوع ,, ,,
ومن ناحية الشكوى والله علمي علمك بس حسب ما سمعت انه من بعد اللي صار من حادثة البنت في أيام الامطار قبل الصيف ,, فسمعت شكوى ضد الشركة والمسؤولين ,, بس كل اللي صار انهم عملوا عند اللفات كم لوحة زيادة ,, والشارع مثل ما هو ,, ما تحرك فيه ساكن ,,وقالوا انهم بيخلصوا الشارع بالكثير بعد خمس سنوات ,, ونحن بالانتظار ... عموما الحمد لله تم فتح تحويلة جديدة فوق الجبل وهي تحويلة الشارع الجديد ,, بس هل يا ترا ترا تحل أزمة شارع العامرات ؟؟ أتمنى ,, ان شاء الله


ما يبيلها كلام وأنا أختك ,,تفضل شارع مدخل العامرات وشوف خراب شارعها ,, حياك عندنا وشوف الشارع بنفسك وشوف الوادي وكيف ماشي ,, يعني شارع مفاجآت من صدق,,ترا لسه البقايا مال الوادي موجودة ,, تعرف نحن خلاص تعودنا من الوادي واللي يسويه .. وتعبنا من اللي كل سنة يصير خاصة من بعد أحداث الاعصار ,, لكن لحد الحين ما صار شي ,, ليش؟

واذا كان قصدك أرقام الضحايا ,, واثباتها ,, فيا ليت والله أقدر أثبت وأطلع الحقيقة ,,بس حسب ما سمعت من والدي انه فيه جرايد تتحكى باللي صار في عامرات مع الصور ,, والله أعلم

ومن ناحية قولتك :


فأنا ما أكذب عليك ,, هالشي حاصل ,, محد مهتم وفي نفس الوقت يدعوا الاهتمام ,, يا ليت لو كلنا نرفع يدنا ونحل المشكلة سواء بالوعي من قبل المواطنين أو من خلال ايجاد حلول من قبل المسؤولين ,, والله يعين الجميع

القلم البرونزي كتب:

لا تقولي ماتعرفي كأنك ما بنت هذا البلد

أنتي ماشايفة من ايام الأدارة القديمة لبلدية مسقط وحتى هذا اليوم قلع وتركيب أنترلوك كأنه مسقط بس محتاجة للأنتر لوك فقط او ماتحلو الا بالأنترلوك ؟


وعاد بلاش أستعباط وفهميها ع الطاير يابريتي

pretty_life كتب:

أخي عفريت : تخاذلوا ؟؟,, والله يا ليت أقدر أفيدك ,,عملوا اللي عليهم ؟؟ كمان يا ليت أقدر أفيدك

بس أنا اللي يهمني شي واحد ,, انه هالأمر ينتهي ,, والمشكلة تنتهي ,, ودفاع مدني مال عامرات يبدأ يعد العدى من أول ما يحس أن الاجواء بدت تتغير مثل ما شفت من دفاع مطرح ,, ما أقول انهم ما عملوا اللي عليهم ,, لكن العتب موجود .. والنقص من كلانا كمواطنين وكمسؤولين موجود ,, ونعم هناك مشكلة ,,و نعم يجب أن نحلها ,, تقبل تحيتي لك

3freet كتب:

هيه مشكلة يجب حلها ولكن متى سيتم الحد لهذي المشكلةأام ستستمر معانات مستخدمي تلك الطرق ويتزايد عدد الحوادث على تلك الطرق؛؛؛

pretty_life كتب:

على ايدك ,,,والبركة فيكم وفي كل العمانيين أمثالكم ,, وأنا أتمنى من هالموضوع يوصل الكلام للجميع وبدون استثناء ,,و ان شاء الله تنحل كل مشاكل الشوارع في أقرب وقت ,و من رأيي تعددت الاسباب والمشكلة واحدة ,,يعني مشكلة الزحمة والحوادث وكوارث المناخ كلها تنصب في بحر واحد وهو تنظيم الخطأ للشوارع , هذي وجهة نظري الخاصة ,, وأظن مهما اختلفت آرائنا لكن في النهاية قصدنا واحد ,, هو ايجاد حل ,, وان شاء الله قريب..

القلم البرونزي كتب:

وانا ماغلط عليك أختي

بالعكس جالس أوصلك فكرة وبشكل دعابي

أنا أقول أن الشوارع مهيئة ولكن ليست بالشكل المطلوب

وسئلني أحد الأخوة وما المانع في تهيئة الشوارع فأجبتة أن البلدية جالسة تشتغل ف تركيب الأنتر لوك أول بدل ما يبذلوا كل الجهد لتسوية شارع وادي عدي، اللي كنت تقصديه.