كمالية بنت السلطنة كتب:

مســـــــــــــــــــاءكم طيـــــــــــــــــــب ...



...
مساء الخير ياقلب"ن" تعنى ف الهوى خله
تكبر ف المدى وألفى زهيد"ن" همه إنصافي

تجافى عن مدامعنا وعيا الفكر يوصل له
تعداها حدود الكبر وأمسى كالشجر جافي

يبس هالغصن ياقاسي طريق الماي م أندله
وقفت ف هالأرض حايرعسى يظهر لي الخافي

تغيرت وغدا طبعك غريب بحقده وغله
وصرت أنا من طيوفك أعالج رجفة أطرافي

نسيت الماضي وأوجاعه نسيت أن الهوى عله
عليل"ن" صرت من حبك دوايه قلبك الدافي

نسيت أيامنا الحلوة وباقي عشقنا كله
غديت اليوم متبطر علينا -ولد الأشرافي-

خلاص اليوم بطلنا كفاه القلب من ذله
فوادي من فراق الحب صرّح "ماحصل كافي"

سهاد"ن" فالعيون إرتاب سألت النوم من شله
وأنا الي كـنْت معروفٍ فـحارتنا "الفتى الغافي"

تتوهنا الليالي طوال وضو الفـــجر مامله
صعيب"ن" حلها الأيام ويالــيته حلنا وافي

زعول"ن" طبعه الإنسان ,دمعه بلحظه يهله
وحقيرة هالنفس دايم تعاند بعض الأعرافي

أغني فالخلا مــوال (غريبه مني الزلـــــه)
وأردد بالفخر حالي.. رفيع بقلبي الصافي


كمــالية ...