اون وريـــــــاح الــلــيـالـي تـــونِـــي
والـبرد فـي جـوفي كـما الغار خاوي
مــاكـن لـــي عــقـل ولا قـلـب كـنـي
جــذعٍ وقـف فـي وجـه الأيـام ذاوي
وبـــي عــبـرة مـحـبـوسةٍ تـمـتـحني
وفي عيني وحلقي وصدري شكاوي
وبــي مـن قـديم الـوقت جـرحٍ مـكني
وبـي مـن جـديدايـام وقـتي مـكاوي
إن قـلـت زانــت خـالـف الـوقت ظـني
وإن قـلـت هـانـت عـاجـلتني بــلاوي
أجـــامـــل ايـــامـــي ولاجــامــلـنـي
هـامـت بــي الـدنـيا هـيـام الـخـلاوي
الــوقــت جــايـر والـلّـيـال اسـهـرنـي
والـحـزن مـا بـين الـضلوع مـتلاوي
أون وكــــلٍ يــحـسـب انــــي اغــنـي
عـلـيل كــلٍ يـحـسب انــي مــداوي
_______
فدوة عيونك لو غدت روح مغليك
وش عاد لو راحت لعينك عشاير
ابيع مايغلى على الكون واشريك
واسوق لا جتني علومك بشاير
وازعل جميع الناس بالحيل وارضيك
واصبر ولو دارت علي الدواير
وآخذ من ايامي لك ايام واعطيك
وان راح عمري لك فلا هو خساير
______
ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لا ذكرت انه حبيبي
دريت اني حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفاالله عنه مما جاني اول
غسل حبه جميع الهم تالي
_________
ياصاحبي هانت عليك المحبه
=لاوحسايف عقب هاك المواثيق
جمر الغضا في وسط قلبي تشبه
=نارٍ حطبها يابسات المعاليق
كاسٍ مليته بالوفا لا تكبه
=خلّه يبلل بالوصل يابس الريق
صبّه بقلبي ثم ملّه وصبّه
=وانكان ودك غرق القلب تغريق
دام الهوى راسي وراسك يهبه
=خذ سجّةٍ ترى زمانك توافيق
والـبرد فـي جـوفي كـما الغار خاوي
مــاكـن لـــي عــقـل ولا قـلـب كـنـي
جــذعٍ وقـف فـي وجـه الأيـام ذاوي
وبـــي عــبـرة مـحـبـوسةٍ تـمـتـحني
وفي عيني وحلقي وصدري شكاوي
وبــي مـن قـديم الـوقت جـرحٍ مـكني
وبـي مـن جـديدايـام وقـتي مـكاوي
إن قـلـت زانــت خـالـف الـوقت ظـني
وإن قـلـت هـانـت عـاجـلتني بــلاوي
أجـــامـــل ايـــامـــي ولاجــامــلـنـي
هـامـت بــي الـدنـيا هـيـام الـخـلاوي
الــوقــت جــايـر والـلّـيـال اسـهـرنـي
والـحـزن مـا بـين الـضلوع مـتلاوي
أون وكــــلٍ يــحـسـب انــــي اغــنـي
عـلـيل كــلٍ يـحـسب انــي مــداوي
_______
فدوة عيونك لو غدت روح مغليك
وش عاد لو راحت لعينك عشاير
ابيع مايغلى على الكون واشريك
واسوق لا جتني علومك بشاير
وازعل جميع الناس بالحيل وارضيك
واصبر ولو دارت علي الدواير
وآخذ من ايامي لك ايام واعطيك
وان راح عمري لك فلا هو خساير
______
ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لا ذكرت انه حبيبي
دريت اني حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفاالله عنه مما جاني اول
غسل حبه جميع الهم تالي
_________
ياصاحبي هانت عليك المحبه
=لاوحسايف عقب هاك المواثيق
جمر الغضا في وسط قلبي تشبه
=نارٍ حطبها يابسات المعاليق
كاسٍ مليته بالوفا لا تكبه
=خلّه يبلل بالوصل يابس الريق
صبّه بقلبي ثم ملّه وصبّه
=وانكان ودك غرق القلب تغريق
دام الهوى راسي وراسك يهبه
=خذ سجّةٍ ترى زمانك توافيق
: 
: