مواقف لاتنسى

بنت البطحا كتب:

انزين ما بطق
بس تصدقي ماصارلي شي في السوق
دوري مكان غير

صدفة ورد كتب:

آآآآآآآآآآآآآآآآآسف جدا على الخطأ غير المقصود , في ردي السابق

كتبت بنت مسقط , وكنت أقصد بنت السلطان .

أتقدم بالأعتذار الشديد منك أختي بنت السلطان على الخطأ غير المقصود .

صدفة ورد

10*10 كتب:

اناااااااااا فااااااااااااااضي

صدفة ورد كتب:

أشكرك أختي صحارة كول على إتاحة الفرصة لي لتذكر الماضي , وقد كانت رغبتي أني أقرأ من مواقف الآخرين قبل أن أشارك .
ووقوفا عند طلبك وإعجابي الشديد بأختيارك لهذا الموضوع .. لم أستطع إلا أن أحقق رغبتك .
ارجو أني ما أزعجك بموقفي وسردي الركيك .

في عام ...... من نحو ثلاثة أشهر تقريبا حضر بمنزلنا شخص من أقاربنا أسمه فلان , ليبلغني بموافقة الوزارة على أبتعاثي للدراسة بأمريكا ...... أسمي صدفة ورد وعمري ؟؟؟؟؟؟ مولود بمدينة الرياض ومقيم في حي ؟؟؟؟ وأصولنا من قرية وعايشين في مزرعة كبيرة . خمسة أخوان اللي هم أعمامي إضافة للوالد وكان كل واحد منهم يمتلك قصر بالمزرعة ساكن كل أخ مع أسرته وفيه قصر خاص للضيافة لاستقبال الناس اللي يجوون لنا ,
هذي أول سفرة بحياتي خارج المنطقة ... لا .. أذكر أننا سافرنا بالسيارة لمكة وخذنا عمرة ,
أنا من الأشخاص اللي مايحب الاجتماعات مع أصدقاء في مجموعات كبيرة إلا إذا كان هناك واجب أسويه ,

لي أربعة أصدقاء ليسو من أولاد عمي , ونتقابل في شقة لنا , مخلينها كاتمة أسرارنا ... وأحيانا يمر علينا أحد الأصدقاء للسلام وقبل نفتح له الباب نتطامر نلبس غترنا ونتربع على المراكي ونخبي أي شي خارج عن عاداتنا وتقاليدنا , ونستقبله بشكل رسمي . وما نصدق متى يطلع عشان نرجع للجلسة براحة وبدون رسميات .
جلساتنا لا يوجد فيها ما حرم الله , إلا إذا سجائر عادية وتلفزيون ودش وما عندنا نت في ذالك الوقت , وخارج هذه الشقة مانشرب السجائر لأننا أولاد قرية ونخاف على سمعتنا .
جاء وقت السفر لأمريكا , ودعت ( من وداع ) الوالدة الزعلانة اللي مو راضيه أسافر بحجة صغر سني , وودعت الوالد والأخوان والأخوات , فحنا عائلة متماسكة فبعضها بحكم أننا نعيش بمزرعة , وكل واحد يحتاج للآخر ليساعده وأخوان متحابين .

كانت لغتي الانجليزية أقل من صفر .
كنت مسافر لمدينة سياتل , في شمال أمريكا , وكانت الرحلة ترانزيت , على مطار .... , وكنت حاجز بفندق ثماني أدوار خمس نجوم , بسبب أن الرحلة القادمة بتكون في اليوم التالي .
ركبت الطيارة ونزلنا بمطار .... ووصلنا متأخرين بالليل , وأخذت تاكسي , وكأني أطرم , مديت له ورقة مكتوب فيها كامل العنوان , ولما وصلنا الفندق ... قعدت أأشر بأيديني للسواق علامة أن الفندق ثمانية ادوار , والفندق اللي وقفنا عنده أربعة أدوار . ماعبرني السواق وفتح شنطة سيارته وأخذت شنطتي .
دخلت الأستقبال وعطيتهم أسمي , ومايحتاج أقول لكم كيف كان وضعي وأنا أبتسم لهم مثل الغبي , نادى صاحب الاستقبال على حامل الشنط وأعطاه المفتاح وأخذ شنطتي وأشر لي بعيونه علامة لي أن أتبعه .
رحنا اللفت ( الأسنصير ) وكان بأنتظاره أثنين من أهل ....

وصل اللفت وركبنا , وفجأة سأل واحد منهم بأستغراب : هه وين راح الدور السابع ؟ إلا بلحظة ويرنها ضحكة الشخص الثاني قائلا : إهههههههه راح يتمشى .
كان الفندق مكون من بنايتبن , كل بناية من أربع أدوار ,ومكتوب على اللفت الأدوار 2 , 4 , 6 , 8
وكانت غرفتي بالدور السادس ,
ماله داعي أقول لكم أن الشخصين كان شكلهم مو طبيعي , أقصد رايحين فيها .
وصلت الغرفة , وكان الموقف والمنطق يقول زود البقشيش لحامل الحقائب يمكن تحتاج له .
دخلت الغرفة وكان فيها سخان ماء وعشر مغلفات قهوة أمريكي , وكم علبة حليب صغيرة .
سبق وقلت لكم , أنا عايش في مزرعة , ولا يوجد فيها وسائل راحة .
خذت لي نظرة على الغرفة , وبدلت ملابسي , وخذت لي دش , واستعديت للنوم .
استلقيت على السرير , وقعدت أتذكر الوالدة كثير , والوالد وأخواني وأخواتي , وأصدقائي وكانت السفرة بتاخذ وقت طويل موسنة أو سنتين ,
طار عني النوم , وقلت خلني أجهز لي كوب كافي , ومن كوب لكوب لين خلص الحليب , وصرت أشرب الكافي سادة بدون حليب لين طلعت القهوة من أذاني من كثر شرب الأكواب .
جاء وقت رحلتي , وخذت دش وغيرت ملابسي , ونزلت على الاستقبال وطلبت منهم يتصلون على تاكسي لأخذي للمطار . وبعد أخذ وعطاء فهموا اللي أريده منهم ونادوا لي تاكسي .
ركبنا الطائرة وكانت متجهة إلى سياتل , مر ساعة وساعتين وسبع ساعات وتسع ساعات , وكان كل الركاب من أهل الغرب مامعنا عرب .
قلت أبسأل اللي قاعد جنبي , هل نحن متجهين إلى سياتل أو جهة أخرى , طبعا لم يفهم مني ولا كلمة , فرحت أفتح راحة يدي وأقول له ذس سياتل , ويدي الثانيه أشكلها على هيئة طائرة , وما كنت أعرف أسم الطائرة بالأنجليزي , وكنت أقول له يدي هي الطائرة واليد الأخرى هي سياتل وأظهر صوت من فمي على هيئة صوت الطائرة وأخليها توقع على راحة يدي الثانية , صار يناظرني بأستخفاف وأعتقد أنه قال لي : الشرهه على أبوك اللي ركبك الطائرة , ولبسك هالخلاقين اللي مو راكبه على بعض . وقلت يا صدفة ورد أبتسم له فهي لغة العالم كلها , أن شاء الله أنك موغلطان في ركوب طائرة أخرى .
وصلت, وكان بأستقبالي أثنين من أولاد أصدقاء عمي , وكنت أعرفهم معرفة بسيطة , ولما شفتهم طرت فيهم من الفرح , خذوا شنطتي وحطيناها بشنطة سيارتهم , وقالوا لي : لازم نروح الجامعة , عشان عندهم دراسة , ودخلنا الجامعة وخذوني على الكافتيريا , وقالوا لي : لازم تشرب قهوة أمريكية , خجلت أقول لهم عن قصتي مع القهوة , ورديت عليهم : ماعلى كريمن تشرط ,
نادوا على البنت اللي تقدم القهوة وخبروها أني طالب جديد بنفس الجامعة وتوني واصل , وأستأذنوا بحجة أن عندهم كلاس .
قاموا كل الطلبة وبقيت لوحدي في الكافيتيريا , وكانت البنت مركزه عيونها علي , كنت قروي بحت , وكنت أخجل من ظلي , وعشان أبعد عني الأحراج صرت أرتشف القهوة وانا مالي فيها نفس , خلص الكوب , وما اأنتبهت إلا وهي على راسي تبي تصب لي كوب ثاني , حطيت يدي وقلت لها : ثانكيو , وتكمل صب وتملأ الكوب , قلت أكيد ماسمعتني , وقعدت أشرب فالكوب الجديد إلى أن أنتهى , وقلت فنفسي إذا حضرت لتملأ لي الكوب ابرفع صوتي , وحضرت وأبتسمت لها وقلت بصوت مسموع وأنا أهز الكوب ثانكيو علامة أني ما أريد , وملت لي الكوب ثالث مره , أنا خلاص ماعاد لي نفس أبدن ولا فرشفة من الكوب الجديد, وأشعر بحرارة بحلقي من البلاك كفي , وشعرت بضرورة أشرب لي مويه , وقعدت أتذكر معنى كلمة مويه بالأنجليزي , وأهتديت لها , البنت من قعدت وهي تبحلق في هالقروي اللي لسا جاي أمريكا , وأبتسمت لها بخجل وفهمتني وجت تسألني إذا أريد شي , فقلت لها ووتر , وراحت مستغربه وجابت لي زبده بصحن وملععقة صغيرة وحطتها على الطاولة , وراحت تراقبني من جديد أكثر , شو هالولد اللي طالب له زبده مع كفي , خجلت وقلت يالله على الأقل الزبده بتخفف حرارة الكفي بحلقي , وصرت أشرب جغمة كفي وألحقها قطعة زبده .
ماصدقت أن ربعي يجون وقلت لهم القصة , وقلت لهم ليه سويتوا فيني هالمقلب مع البنت , وسألوني شو اللي صار , ورويت لهم القصة
ضحكوا , وسألوها شو اللي صار , وقالت أول مره أشوف واحد يطلب كافي مع زبده , وخبروها اني كنت أطلب مويه لكن أنا قلتها بطريقه وكأني أطلب زبده .
مرت الأيام , وأصبحت هالبنت أعاملها مثل أختي , وزادت المواقف .

الشيء الغريب في أمريكا , أول الأيام تكون أسوأ الأيام وكل مايمر شهر يكون أحسن من الشهر اللي قبله , بعكس بلادنا , إذا رحت عنه بعيد تحن له كثير كثير كثير, وإذا وصلت يكون الشهر اللي يمر أسوأ من اللي قبله .

وسلامتكم , وكثيرة هي المواقف ,
وآسف على الإطالة , وعلى السرد الممل .

محبكم صدفة ورد

مراحب كتب:

$$t

$$t

$$t

أنا

امممممممم راحن كل المواقف من بالي !!
$$t

بتذكر شي وبخبركم مع انه الذاكره عندي سالب واحد هالايام خخخ
|a

يصير تختاروا حد غيري

~!@q