بكـيت من كثر الضح ــك
وماتغ ــلى ع ـلى أهـل عمان
الطــيبين 
وإليكــم القصــة
السلام عليكم
وصباحكم ومسائكم مزرعة كيوي في ولاية الدرعيه خلف ديرة تكساس 
الزبده اليوم حبيت اكتب لكم قصه صارت يوم كان عمري 3 ريال << لاتدقق 
بس قبل لاتقرا القصه من الحين تراها طويله يعني اذا كنت فاضي كمل مشوارك واذا كنت مشغول حط انتظار << داري بايخه 
وردود التسليك مانبيها 
المهم نبداء القصه :
نشأ سكرـآآنــوـه في حي من احياء الرياض المعروفه والمرموقه وكان سكرـآنـووـه مملوح وحبوب وطيوب واذا شفته ودك تاكله << بس قرم غيره لا 
وكان يتمتع بالدهاء والحنكه والحكمه والفطنه حتى انه كانت معروفة في شتا بقاع الارض ووصل صيته وذاع << هذي صدز 
المهم مالكم بالطويله
يوم من الايام دخلت المدرسة يوم عمري 3 ريال وانا مجبور لاني كنت ماحب المدارس وماحب السيطره والحجره ومتعود على
السهر وحتى كان ابوي يتحايل علي عشان اروح للمدرسة وانا اقول لا ويجي مره ثانيه يقول روح
وانابوك وانا اقول لا والثالثه بالنعله مع خشتي ويربط الشنطه برقبتي ويحط الفسحه غصب ويشوتني للمدرسه 
فقلت ياولد مالك معاذ ومال المرمطه والتسطير خلك عاقل وروح بدون جلد وجليد كل صبح
وفعلا تعودت على المدرسة وكان ذيك الايام يدرسنا مادة الرياضيآت حسين فهمي << عاد هذي قسم بالله قويه 
ومن خلال هالمدرسة القبيحه كان معي عيال حارتنا صعنب و دم دم وصارت احلى رفاقه مع ان صعنب كان يحذرني ابوي منه
لانه ساقط سنه << بس .. لكن ماش ماقدرت اخليه لا هو ولا دم دم وصرنا كل يوم نجتمع يوميا من الصبح الى الليل وهياته
وتعرف البزران انواع الزحف نطق الجرس وننحاش ونقطع فواتير الكهرب واذا خربناها قعدنا نرجم راعي العسكريم << يقالهم زاحفين 
ويوم من الايام تفاجات انا ودم دم ان صعنب غايب قلنا اكيد الولد صار له شي يامصدوم ولا فيه عنقز 
لانه مافيه امل يغيب ولا يقدر يغيب عشان اخوه الكبير العربجي << كان يتتن .. يتوطا ببطنه ويوم جت الطلعه
طلعنا من المدرسه ونشوف صعنب ذا الطويل لابس طاقيه زري وشماغ منتف وراكب سيكل مزبرق ومركب بوري هوا 
وقاعد يدور عند المدرسه فرحان على طول وقفناه انا و دم دم قلنا له من وين لك ياصعنب ذا السيكل قال ابوي حالف ان اول راتب يستلمه يشتري لي سيكل
وشراه لي امس ونجلس نسولف معه خاقين وعيونا على السيكل وكل ما شطح بسالفه
نقاطعه انا ولا دم دم بسؤال / بكم شريته / تكفى شربك بالبوري / عطنا دوره / بنركب معك 
والصراحه انا في نفسي اقول باقول لبوي يشتري لي سيكل مثل صعنب وحتى دم دم احس انه مثل تفكيري
المهم بعد مارحت انا للبيت وحطيت الشنطه باقرب زاويه ورحت لامي عشان اقولها وابدا بالاقناع
والتحايل من بدري ،، قلت يمه ابي سيكل قالت وشو قلت ابي سيكل زي سيكل صعنب قالت وش
صعنب انت ووجهك قالت لا قصدي فيصل قالت تعال بس تغد وانثبر قلت مابي غدا ابي سيكل وفي اثناء الصراع القوي الحاد بيني
وبين الماما دخل ابوي توه جاي من الدوام قال خير خير وش فيتس انتي وياه وش يبي ذا العله قالت يبي زي سيكل فيصل
ونزل راسه ابوي وخزني بعين مثل خزت عين ذاك عرفتوه ايه
قلت بكل ادب واحترام قسم ،، ابي سيكل ابي سيكل , وما مداني اقول المره الثالثه ابي سيكل الا واشوف
ذيك اليد اللي اللهم ياكافي جايه تمشي مليون واسمع ذاك الصوت اللي تقل صوت زبيريه بجدار
وبعدها بدقيقه حسيت اني انمحطت بكف عنيف مؤلم حاد حار شتاء على بآرد صيفاء خشتي ، وقال بعد بعد ماباقى الا المبزره 
يركبون سياكل قم ضف وجهك قبل اخليك حادث وعبره هنا 
واقوم انا اصيح وحالة ام ام ام امي صعبه وقررت اني اضرب عن الطعام وسوي رجيم ورحت انزويت
بزاوية المقلط ونمت وبينما انا نايم ومفهي واحلم اني راكب سيكل 16 اسود ومكحل بذهبي فيه تغييرات << والله من زين الذوق 
المهم انتبهت واشوف ذيك الرجل اللي ارتفعت فوق وجهي ورجعت بسرعه جنونيه خطره مؤديه للتهلكه
واستقرت بين خدي الايسر والبرطم الفوقي شطفآ بفتحة خشمي الوسطى 
ابوي : انت هنا يالتسلب وحنا ندورك قم يالله وعينك ماتشوف الا كفوف وتتفيل وصرت مهزله صراحه 
،،
،، بعدها طحت من عين نفسي صراحه وبعدها رحت لامي قلت لها ابوي مايحبني قالت لا هو يحبك بس معصب شوي 
قلت طيب مابي بهاجر مابي اصير ولدكم ابروح ادور لي اهل جديدين يحبون ولدهم ويشترون له سيكل << فاهم السيكل غلط 
ولا عطيني 5 ريال بصير اجمع لين اطق لي سيكل وكاله عاد اميمتي حنونه قالت تعال بس تعشا << عطته مخرج
وانا اقول لابوك يشتري لك سيكل جديد
ومن بكرا سبحان الله رجعت من المدرسه ولا اشوف يوم دخلت البيت ذاك المزيون اللي اللهم ياكافي يهبل 
من زينه واقف بهيبة ملك وكبرياء وشموخ جنب الجدار واوقف اناظره وتتغير ملامح خشتي وطلعت مثل كذا >> 
واجي جنبه وامسك دركسونه وكني ماسك قلبي يوم مسكته وترجع الابتسامه الى محياي << حلوه محياي هاه
واتشقق من الوناسه ذاك اليوم واجي عند ابوي عشان اقدم له اسمى ايات الشكر والتقدير وبخربها بوقع له من الفرحه ، قال اسمع
طلعه من البيت بالسيكل مافيه سمعت ولا لا ، قلت سم تامر امر ياعسل انت << يوم راح قلت والله تبطي 
هو راح بس من هنا وانا اطلع من البيت من هنا المهم قابلت اصدقاي الموقرين صعنب و دم دم وقالو حركات وش ذا السيكل
قلت احسن من سيكلك << ياشين البزران 
المهم وحنا نتمشى بالحاره وانا استقبل التهاني والتبريكات من عيال الحاره الباقين بالسيكل الجديد وانا
ماغير اوزع ابتسامات يمين ويسار وخدودي حمرا ومانيب داري عن اللي قدامي وبينما كنت مشغول بتوزيع
الابتسامات طاح كفر السيكل اللي قدام بحفره من حفريات شركة الكهرب وتشقلب وصار الحادث الشنيع << بس جت سليمه 
<< بس جت سليمه اللي اذكره بس صورة سفلت بعيوني وصعنب و دم دم يقولون سلامات سلامات
ندق على الاسعاف ماعليك لاتشيل هم السيكل كلها تقرير وانتهى الموضوع << لاتدقق
ويشيلوني العيال ونرفع السيكل واثره منعفط جنطه اللي قدام والمرتبة مكسوره والرفرف راح فيها
والجلاس متفكك يعني السيكل راح تشليح وصار كوم حديد قلت في نفسي ياولد ابلغ انه مسروق بعدين هونت قلت خاف ماتمشي عليهم 
واروح للبيت مخربها وانا اجر احلى دباشه في عالم قيادة السياكل وادخل للبيت وانا ماسك سيكلي المتعفط ،،،، واقابل ابوي
هو شافني بس وبدا يطلع شرار من عيونه واخواني وراه يناظرون وش يبي يصير بس يقولون علوووي خلاص الله يرحمه 
وانا يوم شفت الوضع كذا وذب ام السيكل من يدي ونحاش وابوي واخواني والبيت كلهم وراي
وابوي يصوت امسكووووووووووه هالتسلب ويقول لاخوي الكبير رح بلغ بلغ ولتفت ورا القى جيش وراي موب اهل 
لين ماحجروني بالحوش وصار ابوي امامي واخوان الغفله اللي مابهم فزعه ونخوه من يميني ويساري ويمسكني
ابوي ويبطحني بالارض ويقول بسم الله والله اكبر قلت انا بس قلبني خروف زي الي ذبحته الاسبوع الي راح ههههههه
ويطب علي شويات كفوف منا وامهات ركب منا ودبل كيك على خفيف لين عضيت الارض
وصرت اكبر حادث وعبره بالبيت لاخواني لدرجة الحين اقول لخوي الصغير تبي سيكل يقول لا لا لا لا لا لا
وبعدها كرهت شي اسمه سيكل واكتشفت بذكائي وبعد ماشغلت بلوتوث مخي ان السيكل وسيله لابو هنود وطقته
لتخليص مشاويرهم موب للترزز والتكشخ والتسكع بالشوراع 
- ارجو اني ماطولت عليكم
بس حبيت انكم تتعضون من قصتي << ليه يعني عندك شك ان فيه اعضاء لازال معهم سيكل 
وشكرآ عفوآ على وقتكم الضايع في قرائة القصه 
<< ولاعاد تتعودها 
وحبيت أبلغكم أن هذه الحـآدثه المريره سبب في ابتعـآدي عن ولآيتنآ اللي مآبهآ بحر
والآن انا اعيش في فرجيينيـآ شرقي الشرقيه ~> كيف كيف 
بس لقد كني ~> احساس غريب
المهم فقدت دم دم و صعنب <~ 
ملطوووش ألطش شـي 
: 
: 
: