لي ما صار لك بيصــــــــــــــــــــــ ـــــــــــــــــــــــــ ـــــــــــــــــــــــــ ــير

جالس بروحي كتب:

صباح الخير حي الفال من وجهك يبشّر خيــــــــــر
صباح الخير يا ريحة هـلي وكل عــــــربانـــــــــي

صباح الخير يالغالي ويا الوافي عن التقصيـــــــــر
صباحك يعل ما أخلاك يا روحي وريحانــــــــــــي

هلابك هلـّت الدنيا علـّي وخانني التعبيــــــــــــــــر
هلا بك من علـّي تقبل وربـّك يخرس لســـــــانـــي

أنا أشهد جامت إحْظوظي وبدا في دنيتي التغييــــر
وتبـسـّم دهري العابس وزالت كــــل أحزانــــــــي

ألا يا كبرها فرحه علـّي نزلت يا وجه الخــــــــير
بحلـّج في سما كوني وبطـــــير بدون جنحـــانــي

وبكتب لك قصيدي إرموز صعبات(ن) على التشفير
بشـّد أوتار عودي ثم بعزف أعذب الحـــــــــــاني

تجمـّل بس بادلني شعوري وسيب جول الغــــــير
وشوفه كيف مقدارك معي يانور لعــــيـــــــــاني

فلي ما كان لك بيكون ولي ما صار لك بيصيــــر
ولو أحارب العالم وأصير فصوب وحــــــدانـــي

أحبـّك حب عذري(ن) فلا به زيف(ن) وتزويــــر
وداد(ن) منبعه جلبي ويا روحــــي ووجدانــــــي

فكل لحظه تمر إبها معي يزداد لك تجـــــــــــدير
ويجري حبـّك بروحي ك مجرى دم شريــــــاني

إذا تناظرني عيونك أحس بجلبي التخــــديـــــــر
وتقهرْني إسْكرات الموت كـّن الوجت جد حــاني

ولوني جيت أتوصّف تفوج الوصف والتجــــدير
جمالك يا الغلا آيه وحسنك حسـْـــــــن ربّانــــي

أحضـّر لك قبل شوفك سجلات(ن) من التحضير
ومن تقبل يضيع الفكر وإحساسي وبرهــــــــاني

وتسبح بي خيالاتي عن الدنيا في عالم غــــــــير
وأنسى كل من حولي وأعيــش بعالم(ن) ثــــاني

أنا لي مطلب(ن) واحد إذا ما هـــــو عليك إكثير
فيوم أموت يا الغالي عليك إتجهـّز أكـــفانــــــي

وتقرا فاتحة لكتاب إذا سجـّيت فوق إحصــــــير
وتستغفر لي المعبود عســـى أحظى بغفرانـــــي