يا طيب قلبي



الله من قلب بطيبته يزيد

يدفع عنه هموما ولها همال

مالك على الهموم تذكر وتعيد

أرمي همومك وخف عنك الأحمال

أنت رميت بسهم بس أخطيت بالتسديد

وعلما بدا منك ما أني له بحمال

وعلومك يا شاعره ما تنطري بتحديد

والنصح ما هو بالفضح وكثر الأقوال

خلي بين قلبك وعقلك تواحيد

وأبحث عن الحق وكون له فعال

الثوب جميلا إبلا تجاعيد

والحرير ما له بالسوق أمثال

قولا وضح لي00 ما لك بالحكي تزييد

وأني بعد متصف بالصدق وحسن الأفعال

معروف بين الناس وراعي الأجاويد

فارس ولد فارس وللفرس خيال

معود نفسي للشدايد وربعي مجاليد

وما لهم في مجلس العرب أنذال

بين العرب نسري موافيد

وما لنا بوسطهم أشداد وأثقال

يا طيبتي ما لي للناس تشديد

قلبي بحر عذب أروي منه كل رحال

وشعرا وصلني ما يقوله غير المطاريد

ناس ما لها للحق أعمال

واللي خرب ما ينصلح إلا بتجديد

وهذي حقيقة وما بها أي جدال

والجرح لين ظهر تخفيه المضاميد

والعود لين مال تعدله الحبال

الله أدعوه يصلح قلبك ويزيد

لك من دين الهدى لسنين أطوال

والعذر لو بدا مني اي تشديد

كلنا لأدم وحواء يا شاعره عيال