كنت بأفكر في موضوع معين ولقيت نفسي بأفكر في حاجة تانية خالص وتصورت حوار ممكن يجمع أتنين بيحبوا بعض ممكن يكون إيه الكلام اللي بينهم واللي سايد دلوقتي هو النوع ده من الكلام
يارب تعجبكم وتقولوا لي رأيكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــيارب تعجبكم وتقولوا لي رأيكم
وبتقول لي ..!!
وبتقول لي بلاش تعشقني ...... بتقول لي حبيبي صدقني.
أرجوك ......... بلاش تعشقني.
طب أزاي وأنا روحي فيكِ ؟ .......... وحياتي أديتها ليكِ.
وعشان خاطر عنيكِ .....
مستعد أخلي الدنيا ..... تشوقني.
إيه يعني أيام راحت .............. من غيرك مالهاش لزوم .
ده أنا فرحتي يا حبيبتي لاحت ........ لما أتقابلنا وأتكلمنا من غير لوم.
يادوب بس قالت لي حبيبي....... فارقني.
يمكن تكون خايفة من بكرة معايا...... يمكن تكون شايفة أحسن من هوايا.
ممكن ليه لأ؟! بس أنا برضه عندي حق
ليه ما تحبنيش ومع شوق قلبي تعيش .. وتقول لي حبيبي ما تسبنيش.
لكنها بتقول لي حبيبي فارقني..
.................................................. ........................
ليه مش راضي تفهم ... أنا خلاص نسيتك.
حبيت غيرك ومش عايزة أفتكر أني حتى حبيتك.
ومش محتاجة عنيك تغربني ولا تشرقني.
ما قولت لك بلاش تعشقني.
.................................................. ..................................................
نفسي أعرف أنا بس عملت إيه؟!........ وليه نسيتِ حُبي وقوام نسيتِ لياليه.
أنا عن نفسي ما أعرفش السبب ولا يمكن الفراق علي قلبي إنكتب.
أستاهل أنا كل اللي جري لي ....... عشان سبت أحلامي تسبقني.
وتوديني لعيونك الخاينة ............... بعتيني وبعتي غرامي في ثانية.
كنتي ليا كل شيء في الدنيا ........... سمحت أنا لعيونك الحلوة تسرقني.
و.... جاية دلوقتي تقول لي بلاش تعشقني.
أنا هأشهد عليكِ كلامك ليا أيام زمان عن عِشقك.. شوقِك لقلبي بكل حب وحنان.
وأكيد الكلام ما يرضهوش اللي بتعمليه فيا والشوق في الدنيا بحالها قاعد يبكي عليا.
ونفسي أنساكِ بس بأيدي أنا خليت هواكِ يطوقني.
يحدد حركتي لا اعرف أشوف غيرك أو حتى ألمح
هي يادوب مرة طليت علي غيرك سبتيني من غير ما أشرح.
مين هي في حياتي ؟ .... ما أنتي كل حياتي وليك بس عايش حياتي.
.................................................. ..................................
قال عايش بيا أنا وفرد جناحه علي غيري مش أنا.
طار بجناح الشوق علي أول واحدة قابلها
قال يعني مش شايفاه وهو عمال يشاغلها.
و زعلان أني بأقول له بلاش تعشقني؟!!!
..........................
علي فكرة أنا ما حبتش سواه بس قلت له أني عشقت حد تاني.
يمكن يرجع عن اللي نواه وأرجع من تاني أسقيه من حناني.
بس أزاي قولوا لي ؟! إذا في قربي ناسيني
آمال في بعادي راح يعمل إيه؟!!!!!!!!!!!!
والنوم لعيوني مجافيني من يوم ما شبكني بسحر عنيه.
عشان كده قلت له بلاش تعشقني...
.................................................. .................................
بأعترف ليكِ بهوايا بأعترف كمان بغلطتي
ما حبك هو دوايا ........... ونصيبي وقسمتي.
أعمل إيه تاني بس قول لي .......... ولا أقول لك.....
أشعليني نار أيده هأسكت وما أتكلمش
هي صحيح من غير فايدة بس أنا تحت أمر الرمش.
و مستني منك كلمة تقدر تعشقني...
.................................................. ...................................
أه ما أنا قلت ياما الآه يسمعها ويزيد يا ناس في آساه.
ومسميني في دواوينه قال ليلاه........
كل ده وبيدوقني ليلاتي الآه وعايزني أسامحه وأقول له أعشقني..!!!
أسفة كل اللي هأقولهوله حبيبي ........................... فارقني................................................... .....................................
ده أخر كلام خلاص بعتيني قوام مش هنبني جنة الأحلام اللي حلمنا بيها سوا.
أكيد أنا بأسمع أوهام أياكِ تفرحي اللوام اللي مش عايزين لنا غرام وهيجروا هوا.
أرجعي لي يا ضى عيني .......... ده مين غيرك هينور لي سنيني؟؟
بأبعت لك كل حنيني وبقول لك حبيبتي شوقيني أمتي بقي هتصديقيني؟؟
أن غيرك في قلبي مفيش .... ليه بتحبي تشرقيني؟ وأنا اللي عايزنا سوا نعيش..
هأقول لك لو حتى كرهاني عمري ما هأحب حد تاني
أنتي وبس حبيبتي وحُبك هو جريمتي!!!
في نظرك حبي ليك جريمة وأي واحدة تشوفيني معاها تبقي ليك غريمة؟!!
وبتقول لي بلاش تعشقني ؟؟؟؟؟؟؟؟؟؟؟؟؟؟!
آمال لو كنتي بتحبيني ............
راح تقول لي إيه؟؟؟؟؟؟؟؟؟؟؟؟؟؟؟؟؟؟؟؟؟؟!!
: 
: 
: