كل ما تيجي عيني ف عنيكِ
بأشوف فيهم كلام كتير.....
" يا حبيبي بأعشق هواك..
نفسي أعيش العمر معاك....."
وأستني أسمع شفايفك تقول ع اللي جواكِ
ولا بأسمع منك كلام .... يوصف اللي بيكِ من غرام
مع أني عارف ..... أن هواكِ ...
جواكِ حنين بس أه لو مرة تقوليلي عليه....
يمكن صحيح بأحس بيه....
بس نفسي أسمع منك أنتِ ..... حالك إيه ؟!
بتغيبي عني ليالي ..... وتقولي أنا عندي ظروف...
و بتسيبيني بإنشغالي ... قلقان وهأموت م الخوف....
يا تري ......... هو في إيه ؟!
ده مهما كانت ظروفك ............ أو حتي قلقك وخوفك...
ما يمنعكيش تكلميني .... وتطمنيني عليكِ ...
لو حاسة اللي بيا ....... لما بتغيبي عليا....
و لا كنتي قدرتي يوم تبعدي عني عنيكِ ...
عارف أنك بتحبيني بس عمري ما سمعتها....
نفسي وأنتِ قدام عنيا ... وبين إيديا ...
تقوليلي ع اللي جواكِ ... حاولي تنسي نفسك وقتها.....
أنسي العالم .. وأنسي الدنيا ... وأبقي ساعتها واحدة تانية....
أفتكري بس أنك معايا ... وأني قصاد عنيكِ ....
وكل ما تيجي عنيي ف عنيكِ ...
قوليلي يا روحي علي كل اللي بيكِ ...
متخفيش مني ده أنا أمانك في الدنيا ديا....
وبيتك .... هو عنيا....
ولو لفيتي الدنيا بحالها ... مش هتلاقي اللي يحبك قدي...
تبقي بتحبيني .... بس بترضي ...
تبقي لوحدك .... وأبقي لوحدي ........!!
حاولي تقرب لي ........ وأنسي كل الظروف...
حيلتنا هتعدي علينا ........ ويضيع حُبنا من بين إيدينا ...
فكــــــــــــــــــــــــــــــــــــــــــــــــ ــــــــــــــــــــــــــــري
أعملي .... معـــــــــــــــــــــــــــــــــــــروف ...!!
وحاولي تقربيني ليكِ
أرجـــــــــــــــــــــــــــــــــــــــــــــــ ــــــــــــــــوكِ
: 
: 
: