السلام عليكم ورحمة الله وبركاته
أخواني الأعزاء اقصد تماسيح الأعزاء
كيف الحال شلونكم طيبين؟
حبيت أجيب سلالتكم يالتماسيح ومن وين جايين وش اصلكم يعني وش المكونات اللي تكونتوا منها وصرتوا موجودين على وجه الأرض
هههههههههههههههههههه صدقتوا
المهم
نشوووووووف انواع التماسيح الان ونبي كل تمساح هنا يختار نوعه
ومثل ماتعرفون ان التماسيح لهم انواع:
نوعية من التماسيح تشوفهم في البيت غير وعند الناس غير
أبسط مثال
:
1- يافلان قم ود اختك المستشفى تراها تعبانه يقول هاه وش فيها مافيها الا العافية بس اذا واحد من ربعه تعبان يقوم يطير طيران علشان يوديه المستشفى لا ويرافق معه.
والا يافلان نبي خبز واللي يعافيك جب لنا يقول ماعلي منكم عمركم مااكلتوا سووا ريجيم وعند ربعه يطبخ لهم لاويغسل المواعين بعد .
2- الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوه ساعه عند المرايه متمليح .
3- العجازين:
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي .
4- اذا تبون تعرفون التمساح فوضوي والاا مرتب:
هذي بسيطه شوفوا سيارته:
تجيك السيارة وصخه كلها غبار من يوم شراها ماغسلها لاويقول هذي غبار الوكالة أمحق وكاله لاوكاله ولازفت الا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب .
5- راعي الحق والواجب:
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه.
والا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه سوالف هذي المصيبه.
6- الدلع:
بنت تدلع معقوله تنبلع بس تمساح يتدلع ووووووووووووووووووووووه قهر.
تشوف راسه ماتدري هو راس بنت والا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم .
7- التماسيح النصابيين:
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييويورك طاحت عليها ..وهو زين ان معه ددسن.
ما شفتوا جوالي هذا جايبه من دبي والله ....وهو شاريه من الحراج.
ماتدرون اختاروني لاعب بالمنتخب بس اعتذرت لهم لأني مصاب والدكتور الزهراني يقول لاتلعب لمدة ستة أشهر .. والمشكله تلاقيه مايعرف ولا يشوت الكورة.
لا ويزيد النصب اذا كان الطرف الآخر بنت .
8- المعصب:
وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف.
9- الدلخ:
هذا كل من هب ودب يضحك عليه.
الا في شي دايم يصير يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني.
لا والا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاروه والله بلشه مايدرون انهم بها الأسلوب يخوفون الناس منهم .
10- التمساح المغرور:
ماأدري بعضهم شايف نفسه على ايش شين وقوة عين،وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه .
11- الضعيف:
الضعيف ....... الضعيف والا اقول مافيه ولا واحد منهم ضعيف .
12- راعي التفحيط:
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي .
13- راعي الطرب:
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز .
14-التمساح المغزلجي:
هذولا ساكنين بالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالات وهم مايدرون تروح توري كفيلها الرقم شوف شوف بابا هذا هديه .
ومايمشي الا بجوالين وفي البيت خطين
15- التمساح ابو راس يابس:
هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له ) .
16- التمساح الحساس:
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين .
واااااااااخر نوع من التماسيح
من برا هله هله ومن داخل يعلم الله:
هولاء هم اللى يأجر لك فياقرا ولا بي ام ولا من سيارات الجخ.
وان وقفته قال انا فلان بن فلان آل .. وهو تلقاه سلتوح بن صعلوك مايدرين وين الله حاطه ولا إذا وقف عند الاشاره وانت جمبه رافع كتفه ونافخ نفسه وإذا كان اللى واقف جنبه جمس فيه بنات محترمات ارقبته شوي وتنكسر وهو يناظر فيهم ويطلع هالمعروض ( الرقم بس يكون بخط كبير ) وحالته حاله ولا تلقاءه مأخذ سيارة خاويه بطق العصي علشان المظهر وهو ماعنده ماعند جدتي
ودمتم
لاتزعلووووووووووووون شباب
والا أقول أزعلوا عادي هههههههههههههههههه
نسيت اقول
م
س
ر
و
ق
أخواني الأعزاء اقصد تماسيح الأعزاء
كيف الحال شلونكم طيبين؟
حبيت أجيب سلالتكم يالتماسيح ومن وين جايين وش اصلكم يعني وش المكونات اللي تكونتوا منها وصرتوا موجودين على وجه الأرض
هههههههههههههههههههه صدقتوا
المهم
نشوووووووف انواع التماسيح الان ونبي كل تمساح هنا يختار نوعه
ومثل ماتعرفون ان التماسيح لهم انواع:
نوعية من التماسيح تشوفهم في البيت غير وعند الناس غير
أبسط مثال
:
1- يافلان قم ود اختك المستشفى تراها تعبانه يقول هاه وش فيها مافيها الا العافية بس اذا واحد من ربعه تعبان يقوم يطير طيران علشان يوديه المستشفى لا ويرافق معه.
والا يافلان نبي خبز واللي يعافيك جب لنا يقول ماعلي منكم عمركم مااكلتوا سووا ريجيم وعند ربعه يطبخ لهم لاويغسل المواعين بعد .
2- الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوه ساعه عند المرايه متمليح .
3- العجازين:
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي .
4- اذا تبون تعرفون التمساح فوضوي والاا مرتب:
هذي بسيطه شوفوا سيارته:
تجيك السيارة وصخه كلها غبار من يوم شراها ماغسلها لاويقول هذي غبار الوكالة أمحق وكاله لاوكاله ولازفت الا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب .
5- راعي الحق والواجب:
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه.
والا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه سوالف هذي المصيبه.
6- الدلع:
بنت تدلع معقوله تنبلع بس تمساح يتدلع ووووووووووووووووووووووه قهر.
تشوف راسه ماتدري هو راس بنت والا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم .
7- التماسيح النصابيين:
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييويورك طاحت عليها ..وهو زين ان معه ددسن.
ما شفتوا جوالي هذا جايبه من دبي والله ....وهو شاريه من الحراج.
ماتدرون اختاروني لاعب بالمنتخب بس اعتذرت لهم لأني مصاب والدكتور الزهراني يقول لاتلعب لمدة ستة أشهر .. والمشكله تلاقيه مايعرف ولا يشوت الكورة.
لا ويزيد النصب اذا كان الطرف الآخر بنت .
8- المعصب:
وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف.
9- الدلخ:
هذا كل من هب ودب يضحك عليه.
الا في شي دايم يصير يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني.
لا والا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاروه والله بلشه مايدرون انهم بها الأسلوب يخوفون الناس منهم .
10- التمساح المغرور:
ماأدري بعضهم شايف نفسه على ايش شين وقوة عين،وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه .
11- الضعيف:
الضعيف ....... الضعيف والا اقول مافيه ولا واحد منهم ضعيف .
12- راعي التفحيط:
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي .
13- راعي الطرب:
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز .
14-التمساح المغزلجي:
هذولا ساكنين بالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالات وهم مايدرون تروح توري كفيلها الرقم شوف شوف بابا هذا هديه .
ومايمشي الا بجوالين وفي البيت خطين
15- التمساح ابو راس يابس:
هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له ) .
16- التمساح الحساس:
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين .
واااااااااخر نوع من التماسيح
من برا هله هله ومن داخل يعلم الله:
هولاء هم اللى يأجر لك فياقرا ولا بي ام ولا من سيارات الجخ.
وان وقفته قال انا فلان بن فلان آل .. وهو تلقاه سلتوح بن صعلوك مايدرين وين الله حاطه ولا إذا وقف عند الاشاره وانت جمبه رافع كتفه ونافخ نفسه وإذا كان اللى واقف جنبه جمس فيه بنات محترمات ارقبته شوي وتنكسر وهو يناظر فيهم ويطلع هالمعروض ( الرقم بس يكون بخط كبير ) وحالته حاله ولا تلقاءه مأخذ سيارة خاويه بطق العصي علشان المظهر وهو ماعنده ماعند جدتي
ودمتم
لاتزعلووووووووووووون شباب
والا أقول أزعلوا عادي هههههههههههههههههه
نسيت اقول
م
س
ر
و
ق
شو اللي يخليك تكتب مواضيع طويله ..اختصر ولا قسمهم..اريحلك واريحلنا 
: 
: