الحب لا يحمي المغفلين! 
محمد الدسوقي – عشرينات – 13/2/2005 بكرهك.. بكرهك.. فاكر الكلمة دي.. هى صحيح كلمة أبيض وأسود، وقد لا يكون لها مكان فى دنيا الألوان إلا فى حالة الهزار وبس، ووقتها ممكن الهزار يقلب بجد.. يعنى يتحول الرد من "حلوة وفكرتنى بأفلام زمان" إلى "بتكرهينى طيب روحي وأنت طال...." !
www/ فعلا معاك حق دى تبقى تفاهة، بس المشكلة إن الكلام ده موجود فعلا خصوصا بين السادة المحبين؛ لأن الكلمة عندهم مهما كانت بسيطة بتتحول لبركان يعنى لو تجرأت فى يوم وقلت لحبيبتك "أنت" بدل ما تقولها "حبيبتى" ممكن تروح فيها رقاب... تعالوا نسأل وندور على الكلمة اللى ممكن تزعل إذا سمعتها من شخص بتحبه! بحب توم كروز أستأذن وأبدا بنفسي وأقول بكل صراحة أن مجرد سماعى لكلمة "أكوي هدومك" التى تصرخ بها والدتى كفيلة بأن تجعلنى أكره اليوم من أوله. ولكنى اكتشفت أنني طبيعي جداً عندما قارنت حالي بحال أحمد (22 سنة) الذى يحب خطيبته جدا وممكن يعمل مشكلة "ولا مشكلة الاقتصاد المصري" إذا نادت عليه ودلعته وقالت "يا دودي" لأن أحمد بيعتبرها إهانة فظيعة ليه ميعرفش.. هو كده! يركبه مليون عفريت عندما يسمع " دووووووووودى". صاحبنا التاني، أنور عبد الله (20 سنة) قال وبدون مقدمات "أنا بحبها جدا وممكن أغفر لها أي زلة لسان إلا جملة واحدة مستفزة جدا: "أنا بحب توم كروز"، بصراحة يتملكني إحساس إني بكرهها، ومع ذلك أنا عارف إنها لا تقصد بالجملة أي شيء؛ لأن أنا كمان بحب ميج رايان .. عادي جدا! بس بتضايق برضه"!! برج إيفل شخصيا!! وفى واحد صاحبنا كبير شوية طلب عدم ذكر اسمه "على غرار السادة المسئولين الكبار" ترك خطيبته ورمى دبلتها فى الشارع بسبب كلمة بسيطة جدا.. كانت البنت المسكينة بتحاول "ترسم" بها وتعمل منظر، فكانت مع كل كلمة يقولها ترد قائلة "ريالي " تقصد طبعا "really" حقيقى.. بالإنجليزى يعنى! واحد تاني زي صاحبنا شوية (خلع) من حبيبته بسبب مشاكل كتير كان من ضمنها كلمة ""merci التي كانت بتدلع فيها بشكل كره الراجل فى برج ايفل شخصيا! كله تمام يا ريس! أما شيرين (24 سنة) بتكره جدا النصيحة الدائمة التى تكررها الماما بتاعة هي والتي تقول "يا شيرين فين مكياجك".. "يا شيرين ألبسى جزمة كعب عالي".. المفاجأة إن شيرين بتكره كمان جملة البابا، عندما ينصحها قائلا: "يا شيرين كفاية أكل أنتى تخنتي" أما سوزان (20 سنة) فهي تكره كلمة "كله تمام" التى أصبحت ماركة مسجلة على لسان خطيبها. ومنى(21 سنة) بتكره تعليمات ماما المستفزة وبالتحديد "خللي بالك من نفسك"، وتقول أنا بحب ماما جدا ومتأكدة أنها خايفة على لكن الكلمة مستفزة جدا وأصبحت روتينية من كثرة التكرار. أغرب حاجة كانت عند عبد الرحمن (18 سنة) حيث قال ببساطة أن بحب أصحابي وأهلي، وبكره جدا إنهم يطلقوا على اسم عبد الرحمن لأني بحب اسم وليد جدا .. هو صحيح اسم دلع بس أنا اتعودت عليه وبتضايق جدا من التغيير!
محمد الدسوقي – عشرينات – 13/2/2005 بكرهك.. بكرهك.. فاكر الكلمة دي.. هى صحيح كلمة أبيض وأسود، وقد لا يكون لها مكان فى دنيا الألوان إلا فى حالة الهزار وبس، ووقتها ممكن الهزار يقلب بجد.. يعنى يتحول الرد من "حلوة وفكرتنى بأفلام زمان" إلى "بتكرهينى طيب روحي وأنت طال...." !
www/ فعلا معاك حق دى تبقى تفاهة، بس المشكلة إن الكلام ده موجود فعلا خصوصا بين السادة المحبين؛ لأن الكلمة عندهم مهما كانت بسيطة بتتحول لبركان يعنى لو تجرأت فى يوم وقلت لحبيبتك "أنت" بدل ما تقولها "حبيبتى" ممكن تروح فيها رقاب... تعالوا نسأل وندور على الكلمة اللى ممكن تزعل إذا سمعتها من شخص بتحبه! بحب توم كروز أستأذن وأبدا بنفسي وأقول بكل صراحة أن مجرد سماعى لكلمة "أكوي هدومك" التى تصرخ بها والدتى كفيلة بأن تجعلنى أكره اليوم من أوله. ولكنى اكتشفت أنني طبيعي جداً عندما قارنت حالي بحال أحمد (22 سنة) الذى يحب خطيبته جدا وممكن يعمل مشكلة "ولا مشكلة الاقتصاد المصري" إذا نادت عليه ودلعته وقالت "يا دودي" لأن أحمد بيعتبرها إهانة فظيعة ليه ميعرفش.. هو كده! يركبه مليون عفريت عندما يسمع " دووووووووودى". صاحبنا التاني، أنور عبد الله (20 سنة) قال وبدون مقدمات "أنا بحبها جدا وممكن أغفر لها أي زلة لسان إلا جملة واحدة مستفزة جدا: "أنا بحب توم كروز"، بصراحة يتملكني إحساس إني بكرهها، ومع ذلك أنا عارف إنها لا تقصد بالجملة أي شيء؛ لأن أنا كمان بحب ميج رايان .. عادي جدا! بس بتضايق برضه"!! برج إيفل شخصيا!! وفى واحد صاحبنا كبير شوية طلب عدم ذكر اسمه "على غرار السادة المسئولين الكبار" ترك خطيبته ورمى دبلتها فى الشارع بسبب كلمة بسيطة جدا.. كانت البنت المسكينة بتحاول "ترسم" بها وتعمل منظر، فكانت مع كل كلمة يقولها ترد قائلة "ريالي " تقصد طبعا "really" حقيقى.. بالإنجليزى يعنى! واحد تاني زي صاحبنا شوية (خلع) من حبيبته بسبب مشاكل كتير كان من ضمنها كلمة ""merci التي كانت بتدلع فيها بشكل كره الراجل فى برج ايفل شخصيا! كله تمام يا ريس! أما شيرين (24 سنة) بتكره جدا النصيحة الدائمة التى تكررها الماما بتاعة هي والتي تقول "يا شيرين فين مكياجك".. "يا شيرين ألبسى جزمة كعب عالي".. المفاجأة إن شيرين بتكره كمان جملة البابا، عندما ينصحها قائلا: "يا شيرين كفاية أكل أنتى تخنتي" أما سوزان (20 سنة) فهي تكره كلمة "كله تمام" التى أصبحت ماركة مسجلة على لسان خطيبها. ومنى(21 سنة) بتكره تعليمات ماما المستفزة وبالتحديد "خللي بالك من نفسك"، وتقول أنا بحب ماما جدا ومتأكدة أنها خايفة على لكن الكلمة مستفزة جدا وأصبحت روتينية من كثرة التكرار. أغرب حاجة كانت عند عبد الرحمن (18 سنة) حيث قال ببساطة أن بحب أصحابي وأهلي، وبكره جدا إنهم يطلقوا على اسم عبد الرحمن لأني بحب اسم وليد جدا .. هو صحيح اسم دلع بس أنا اتعودت عليه وبتضايق جدا من التغيير! 
: 
: