مذكرات يوم من ايامي في الساحة

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • مذكرات يوم من ايامي في الساحة

      كوكوكوكوكوكوكوع
      يالله هذا الديك من الصبح عاد يسوقع الله يارب تجيه السقعة في راسة
      الانسة نكته--لا تدعي على الديك ان شاء الله السقعة فيك قوم صلي--
      -(اصبحنا واصبح الملك لله يالله نروح نتوضى)
      --وعند المسبح --
      *يالله مو هذا الطابور من الصبح اشوف ماكس في اخر الصف نروح نضحك عليه
      *هلا ماكس مو تسوي هنا
      *ماكس:هذي الحالة توني داخل من نص ساعة وما طاع يطلع
      *اقول لا يكون بطنه يخرطه
      *ما اعرفه هذا نوبا حد عاقل يوكل حلوى ويشرب عليها بيبسي
      *هذا ماكس من ذكاءه المفرط
      *هاه وانته الصادق من بطنه بو يواشله
      *ومو تو الحل اهجسني همل الانتظار
      *تعال ندق عليه
      *لا هاذوع=ه الرجال طلع وحده
      *سلامات توني قالولنا مريض
      *شويه ولد الحلال وتو جلست اقرا جريدة في الحمام وما دريت بالوقت
      *كذاك هيه السالفة يالله خوز انا قدام
      *صعيدي مو انته قدام انا قبلك
      *روح ماكس تعرفني طيب
      *المهم توني تو روح وخبر قوم بو ما حد كماهم يجهزن الريوق
      *عوين نايمات
      *ضربهن بذيك الباكور يلين تمتش عينهن نوبا الرقاد حال البناته
      -------عند الصفرة ---
      *سمسم يقول كلوا لا تخجلوا مني
      *يالله بو يسمعه يقول هنا الغوى
      *ماكس سوي تراه الاكل لذيذ
      *سنيوره مالها ما توكل
      *ماكس اوين مخجله منك
      *يقول توني -ماكس يالله غادر خلي البنت تاكل-
      *مماكس:والله ما اتنقل من هنا
      *اها خلونا نسالها مالش سنيوره
      *ماشي بس تراه كوبرا محصص عليي
      *يالله كوبرا قوم
      *انا مخلص ومودرنها حالكم
      *وابوي زعل الاخ
      *ما شغلنا بو مزعلنه يراضيه
      *ما سمعمعتوا اخر خبر
      *مهوه وراك
      *عوين مكسيما محترقه عند الشارع
      *ماكس:وابوي هين باه
      *ما بعيد عدال الساحة
      *غابت سيارتي واحشرتي
      $$g $$g $$g $$g $$g $$g
    • علوه هذا الباقي

      ---بعد الريوق----
      انا: هين ماكس ما اشوفه
      سمسم: مسكين رايح يشوف المكسيا بو محترقه لا تكون ماله
      توني : لا يكون صدق الخبله
      ابو الحروف : لا تقولي كنتوا تضحكوا عليه
      انا : عجب مهوه انته تظن
      وبعد شويه نشوف ماكس جاي معصب ومعنده عصى
      نساي : غبتوا فيها جماعة ملح جاكم البطل
      انا : سكتوا ولا كنكم مسويين شي
      ماكس :من كذب وقال المكسيما محترقه
      عسل : مالك تشوف علي .انا ما تكلمت
      ماكس : من عجب قال
      عسل :انا سمعت التنين الاحمر يقول
      التنين الاحمر :يالله الكذب تريدوا تعقوها فهذا الفقير. ماكس اانا متريق في المطعم يعني ما انا
      صعيدي :يالله المطعم بمهوه متريق اكيد بحبتين بيض اعرفك حكر
      ماكس :صعيدي لا تغير الموضوع وخبرني من قال
      صعيدي :حاظر بس اظن انه افراه هيه قايلة
      افراح :ايه صعيدي لا تدخلني في الموضوع انا بعيده عن مشاكلكم انته بو قلت
      صعيدي:يالله تقتل القتيل وتمشي علي جنازته نسال ابو الحروف
      ابو الحروف من قال المكسيما محترقه
      ابو الحروف :ما اعرفه
      ماكس :الله يقرعكم قرعة غير ما يضيع جهدي
      صعيدي : اقول ماكس اروح تو احرق المكسيما علشان ما تكون كذبه وما يضيع جهدك
      توني : نوبا فكرة زينه ههههههه
      ماكس : والله اذا ما سكتوا بضربكم وانا رايح
      صعيدي :توني ما زين عليك حرقت الرجال غم .وليش انت قلت انه السيارة محترقه
      توني :مسكين ماكس زعلان لو تروح تو تفقش بيضة فوق راسة تنضج
      انسة نكته :خلى نجرب
      ابو الحروف :روحي انتيه جربي وحالش جائزة ههههه
      انسة نكته : هاعه باه انا اروح اغسل الوعيان
      سلطان الزمان : غيبي غابت عينش وخذي معش عسل وشوق والعاقلة
      صعيدي :تعالوا اليوم العاقلة ما يلها صوت
      عسل : مستحية
      العاقلة : انا مسوية بالمثل بو يقول عند المصيبة خليك بعيد
      عسل : ههههههه ما كذاك المثل .المثل يقول عند المصائب خليك غائب
      انسة نكته :قومن نروح نغسل الوعيان خليكن من سوالف هاذولا الماصخين
      سمسم : قوموا نروح ناخذ لفتين على الساحة
      شوق :خلا مو ورانا
      سلطان الزمان : هاعة ما ناخذ بنات معانا جلسي مكانش
      شوق : روح انته ما حد ما سكنك انا بروح مع توني
      توني : يالله انا تعبان ما اروح معكم
      شوق :غيبوا ما اريد اروح معكم
      انسة نكته :شوق بعدين نروح احنا والشلة نخرف رطب
      صعيدي :من هين هذا الرطب تخرفنه من السيحه والا نمن الجبل
      التنين الاحمر : وانته الصادق صعيدي يخرفن رطب الفحل
      هههههههههههههههههههههههههههههههههههههههه
      خلى بس بنات نريد اليوم قبولي مرق حال الغداء ويالله مع السلامه
      معالي الوزير :بس تعالوا هين قوس قزح
      توني : امس جالسة تخرف رطب وطاحت على راسها
      سمسم : تستاهل من كذاك الساحة هاديه اليوم
      صعيدي :عقبال الانسة نكته وافراح والعاقلة وعسل وشوق وطيف وام الخرفان وابو الحروف
      ابو الحروف :صعيدي كف لسانك
      صعيدي :ابوي حاظر نسيت والله زلت لسان
      ترهيب :خلى نزور قوس قزح من هناك واجب وبعد نضحك شوي
      توني نوبا راي زين خلى


      اكمل بعدين تعبت اليوم$$g
    • ترى ما حرام تحلموا إنه إحنا نحضر لكم ريوق ونغسلكم وعيان .... بس في الواقع شيء ثاني تماما...........
      اذا هنا في الساحة ما قادرين تأخذوا منا لا حق ولا باطل ... أها .. ويش راح يصيرلكم اذا تقابلنا وجه لوجه .. سوري(بالإنكليزي) نسيت إنكم إنتوا يالجنس الخشن ما لكم وجه من كثر الشعر اللي عليه ... واااااااااااااع :D
    • الرسالة الأصلية كتبت بواسطة:عسل
      ترى ما حرام تحلموا إنه إحنا نحضر لكم ريوق ونغسلكم وعيان .... بس في الواقع شيء ثاني تماما...........
      اذا هنا في الساحة ما قادرين تأخذوا منا لا حق ولا باطل ... أها .. ويش راح يصيرلكم اذا تقابلنا وجه لوجه .. سوري(بالإنكليزي) نسيت إنكم إنتوا يالجنس الخشن ما لكم وجه من كثر الشعر اللي عليه ... واااااااااااااع :D

      يالله حر عليي اليوم عسل جيبي المهفة كان تسمحى:D وعصير لومي بعد$$g
    • حلوه سالفه اليوميات هذي..اسميك يالصعيدي عليك كلام عجب..ما اعرف من وين تجيبه..لكن ياللا ما علينا..كيف الحين ..بعدنا ما تغدينا والا كيف؟؟؟والا بعدكم ما خلصتوا طباخ الغدا؟؟ياللا عجلوا وحدي جوعانه ..ولا تنسون السلطه شبااااب..(صعيدي+ماكس+ابو الحروف+معالي الوزير+سمسم) هذولا عليهم الغدا..والباقي عليهم العشا..;)


      طلبيه العشا بتحصلوها تحت صينيه الغدا..لا تغيبوها..$$e


      تحياتي اختكم:$$f

      طــــــيـــــــــف
    • أعجب ما في الأمر فرحة الفتيات بتلك المذكرات
      والدليل على ذلك كثرة ردودهن وانبساطهن
      على الرغم أن ما جاء في تلك المذكرات يسيء إليهن ـ من وجهة نظري ـ

      أما صحيح إنهن ناقصات عقل ودين
      وانهن ربيع من خطف ، وغيز من رد
      :p :p :p
    • وابوه مالك الطوفان كذاك باه كما بو ما عاجبنه :(
      عوين فتيات ما فتيات قال :)
      وبعدين اقولك انا ما كتبت اي شي بغرض الاساءة لاي احد:)
      ولا تاخذ الامور كلها كذاك بحساسية زائدة لانه الموضوع كله
      من بدايته لا يخالف الدين ولا يسئ لاحد يعني ما ضارنك :)
      اسف اذا كنت فهمتك خطا لاكن كلامك يدل على انك جاد:)
    • رد على الطوفان احم

      الرسالة الأصلية كتبت بواسطة:الطوفان
      [B]أعجب ما في الأمر فرحة الفتيات بتلك المذكرات
      والدليل على ذلك كثرة ردودهن وانبساطهن
      على الرغم أن ما جاء في تلك المذكرات يسيء إليهن ـ من وجهة نظري ـ

      أما صحيح إنهن ناقصات عقل ودين
      وانهن ربيع من خطف ، وغيز من رد
      :p :p :p [/B]

      الظاهر غويان..:rolleyes:
      مالك اباه؟.. هذي تراها ساحة الفكاهه والتسليه..:) ;) :D :)
      :eek: :eek: :eek: عصابة ما حد كمانا في الخسوفيه
    • رد على الصعيدي احم!

      الرسالة الأصلية كتبت بواسطة:صعيدي
      كوبرا الشيمة خبره انه داخل مكان غلط:)
      علوه يو زماني :D
      D قول تم;)
      :eek: :eek: :eek: :eek: :eek:

      صعــــــيدي ؟؟:confused: :confused:
      لا سمحلي..
      :D
      :eek: :eek: :eek: عصابة ما حد كمانا في الخسوفيه
    • نكمل المذكرة

      ---رايحين نتمشى---
      رهيب : يالله رجولي عادا تعبانات من المشي قوموا نرد البت
      التنين الاحمر :عن الدلع باه وعادة تو صلاة
      صعيدي : فيكم الخير انكم تذكرتوا الصلاة عادوا الجماعة مصليين من ساعة
      توني : هيه نعم صدقك صعيدي الوقت عاد متاخر قوموا نروح المسجد
      سمسم :خلا اليوم مسجد ساحة السياسة وهموم المجتمع
      سلطان الزمان : نوبا راي زين
      ---- وحنوه في الطريق -----
      توني :اقول جماعة ما هوه ذاك مسقطاوي وابن الرقبة
      معالي الوزير : هيه نعم همه
      توني :سمسم نهمهم نريد نكلمهم
      صعيدي :ما وقته تو نروح نصلي ذاك مسقطاوي سوالف السياسة ما يخلصن معنده
      ----بعد الوضوء دخلنا المسجد ----
      ابو الحروف : يالله من الامام
      صعيدي :ما حد امام غيري
      التنين الاحمر :الشيمة صعيدي لا تصليبنا امام
      صعيدي :حالمهوه باه ما رجال
      نساي :رجال غير ما نريدك تصليبنا
      صعيدي : انزين سترة
      توني :لا والله انا السترة مبوني من يوم مخلوق
      صعيدي : مكتوب على جبينك وامهوه انك سترة
      توني :ايوه مكتوب
      صعيدي :خلني اشوف
      توني :دوك شوف
      سمسم :المهم خلونا من هذي السوالف انا الامام ومعالي الوزير سترة
      توني : اقول ترى الصلاة ما فيها رتب
      التنين الاحمر :علوه يو زماني
      صعيدي :التنين الاحمر لا تقلدني
      سمسم : الـــلـــــــــــــــــــــــــ اكبر ـــــــــــــه
      توني :سكنوا تراه كبر
      ----وبعد الصلاة -------
      سمسم : سمعت ضرابه ومدافر في الصلاة
      صعيدي :ماشي بس انا تعطشت وقال توني يرحمك الله وانا دفشته لانها ما من الصلاة
      سمسم : بس هذا
      ابو الحروف :لا ما بس كذاك التنين الاحمر دفرني
      التنين الاحمر : تراك كنت بتنام قلت انهضك وما لقيت العصى عاد دفشتك
      سمسم : الله يتقبل منكم ان شاء
      صعيدي : امين
      نساي :يالله غاية الغداء
      صعيدي :يالله نوبا هذا يهمه بطنه وبس
      نساي : صعيدي عن الغلط
      توني :تو هين ماكس بعدوه زعلان
      سلطان الزمان :هيه بعده
      صعيدي : عسى اليوم ما يجي حال الغداء تراه ياكل اكل الله واكبر التنين الاحمر ما ياكل كماه
      التنين الحمر:تو مالك علي
      صعيدي :ابوي ما اقصدك انت اقصد التنين الحقيقي
      رهيب :صعيدي وانته من وين شفت التنين الحقيقي
      صعيدي :ما يخصك انته
      ابو الحروف :مسكين صعيدي سكتوه
      سمسم :المهم اعتذروا لماكس كلكم وخلى يمكن الغداء جاهز
      -----رحنا ساحة الفكاهة -----
      التنين الاحمر :يالله على هذي الريحه
      توني :عادة ما نعفه
      التنين الاحمر : توني سكت
      شباب قولوا وراي الووووووووووووووووه
      الووووووووووووووووه
      طيف :اها الناس يقولوا السلام عليكم ما الوووووه
      توني :كيف الغداء جاهزه تراه بطني يصيح
      العاقله :احنا خلاص تغدينا اذا تريدوا تتغدوا سويوا حالكم غداء
      سمسم :العاقلة يالله بدون مزاح جيبي الاكل
      انسة نكته :ما نمزح احنا متغديين
      صعيدي :وابوه كنه ما شي غداء اليوم
      اسوووووومه :روحوا تمشيوا ههههههه
      رهيب :خلى نتغدى من المطعم احلى والذ
      سمسم : خلى
      ------ وبعد الغداء في المطعم ------
      الهندي مال المطعم : ارباب هذي الفاتورة
      ابو الحروف : شلها صوب سمسم هوه يدفع
      سمسم :من ذا بو يدفع انا ماكل اقل واحد اقولك طيها توني
      توني :والله ما اتقدم صعيدي
      صعيدي : كان ودي ادفع بس نسيت المحفضة (البوق)في الساحة التنين الاحمر عليك
      الهندي :ارباب انته لازم يدفع اذا انته ما يدفع انا في خبر شرطى
      التنين الاحمر :دوك كم تريد
      الهندي :بس عشرة ريال
      التنين :حو عليك عشرة ريال
      توني :التنين الاحمر عطيه يستاهل
      التنين :دوك
      صعيدي :سمسم شفتهنه ذلاك لفلوس الس مع التنين كثرهن
      التنين :دوك فوق عينك يالحاسد
      خلى نروح ننام احسن
      خلى
      :D $$g $$g
      علـــــــــــــــــــــتوه يو زمــــــــــــــــــــــاني$$g
    • وااااااو يا صعيدي حلوة منك بصراحة جالس أقرا السيناريوا فظيع فظيع بس أقول تراني رحت و حصلت سلحفاة قزووووحة هي بو محترقة و بهدلتني في الشرطة و شركات التأمين و الجراجات


      كلهم ما راضييين يصلحوها عوين ما مسويه تأمين شامل دواها ما حد قالها

      و تو هين الغداء لا يكون لحستوه على تراني جوعان

      و تو أسير أغير ملابسي و أسبح ورادلكم على الجزء الثالث تراها خوش مسرحية فظيعه واصل صعيدي بااااااه


      و اللله يعين بو عليه الدور بس أقول عليكي بالبنات طيح فيهن هذيلا بو ما مال شغله و لا مشغله

      مخليات الشغاله تشتغل وهن جالسات على النت و التلفزيون

      وابويي وابويي عليهن


      :eek: البنات :eek: البنات:eek: البنات:eek: البنات
    • والله الصراحه هذي الابداعات ما اعرف من وين تطلع..لكن ياللا ما علينا ابداعات حليوووه وااااااايد..;)

      ياللا الحين ننتظر الجزء الثالث من اليوميات..وشدوا حيلكم في العشا..ترانا جوعانات..ولا تنسون شبااااب بتحصلوا القائمه على رف المطبخ..لا مو الرف الاول اللي فوقه..هههههه:D

      *ملحوظه:بكرا انا عازمه صديجاتي ..وعاد همتكم معاي شبااااب(صعيدي+ابو الحروف+نساي+التنين+توني+سمسم.....)
      اريد اكل معتبر..هههههههه$$e

      تحياتي اختكم:$$f

      طـــــــــيــــــــــــف