صدق من قال (الجوع كافر ).. مايعرف كبير من صغير ولا وزير من غفير ..
هذا سالفة علمنا فيها رجال حصلت على الملك عبدالعزيز رحمة الله عليه ..يقول إن الملك عبدالعزيز عزموه أهل المجمعه أو هو كان مار في طريقه ..المراد أن عيال عثمان الشهاده فيهم مجروحه أهل كرم وطيبه ..المهم إنهم ضاف عليهم ووجبوه وكرموه ووجبوا ربعه وكرموهم ..
ذيك السنه جاهم (دهر)..قل (السيل) ..والمطر عنهم شمال ..المراد أهل الباديه بالأخص ضرهم ..وضر أنعامهم ..وتكدروا ..وأهل الحاضره والزرع مثلهم وأشد ..
المراد ..انهم تباشروا بجية (إبن سعود ) وكان معه الملك سعود والملك فيصل رحمة الله عليهم أجمعين ..وجو أهل الباديه والديار اللي حولهم ..يسلمون على الملك ..ويشكون له الحال ..
عدد الناس واجد ..يدخلون يسلمون على الملك ..وهو طالع يمر على (إبن سليمان) وياخذ له (خرجيه ) ولاهنا شي كثير ..بس عن قولة شي يرفد حالهم .. من كثر الناس خلصت (الخرجيه ) طالع (إبن سليمان ) في الملك ..وطالع في وجيه المعازيب ..قاموا المعازيب (أهل المجمعه ) وقالوا (حياك الله يا طويل العمر تفضلوا بلا عدد وسامحونا على القصور) ..يعني (الغداء) ..
ولا هذاك الواحد ..آخر واحد ..يوم شافهم قاموا ..وهو يبدأ يصيح (ياطويل العمر ..ياطويل العمر ) والملك يقوله (إنشالله ياولدي إنشالله ..عقب الغدا ..)
هذاك ماصبر ..ويقطع الناس ..لين وصل الملك (ويقول ياطويل العمر عيالنا مرضت وبهايمنا ماتت )..طبعا الملك وده يساعده ..بس ماهنا خرجيه من وين يعطيه ..؟؟
قاله ياولدي ..أصبر خلنا نتغدى ويسهل الله إنشالله ..(قال لا يا طويل العمر متى نوافق كلبن في مطلاع !!!)..
على طول هو قال هالكلمه وهو يغشى عليه ويطيح من الروعه والخوف ..ويتطامرون عليه الرجال يبون ذبحته .ويقوم الملك ويحط مشلحه عليه ..ويقول (خلوه ..خلوه ) ويرد عنه الناس ..ويمسكه ويقومه بنفسه ..ولا ه المسكين تقول عصفور في البرد ..يتنافض خايف وموقن بذبحته ..وياخذه الملك عبدالعزيز معه ..ويقعده جنبه يتغدى ..ولا وين يتغدى ووين (يتطعم المعيشه ) وهو قايلن للملك هالكلام ..!!
المراد يوم خلصوا دبروا لهم قاسمة الله وعطاه الملك ..وقاله شف تمشي هالحين ولا تنزل كانك راكب ولا توقف كانك ماشي إلا عند أهلك (خايف عليه يلحقه أحد يذبحه )..
وفعلا خذا خرجيته وراح لأهله ..ومرت بسلام ..
عاد الجوع كافر ..وهو من اللي جاه وجا جماعته وأهله وعياله ..طلع منه ذاك المثل ..والمقصود إن حدوث الشئ هذا نادر جدا جدا ..وقصد فيه متى بنشوفك ياطويل العمر ..ومتى يحصل لنا نسلم عليك ..ولكن خانه التعبير ..
هذا اللي عندي وسلامتكم ..
هذا سالفة علمنا فيها رجال حصلت على الملك عبدالعزيز رحمة الله عليه ..يقول إن الملك عبدالعزيز عزموه أهل المجمعه أو هو كان مار في طريقه ..المراد أن عيال عثمان الشهاده فيهم مجروحه أهل كرم وطيبه ..المهم إنهم ضاف عليهم ووجبوه وكرموه ووجبوا ربعه وكرموهم ..
ذيك السنه جاهم (دهر)..قل (السيل) ..والمطر عنهم شمال ..المراد أهل الباديه بالأخص ضرهم ..وضر أنعامهم ..وتكدروا ..وأهل الحاضره والزرع مثلهم وأشد ..
المراد ..انهم تباشروا بجية (إبن سعود ) وكان معه الملك سعود والملك فيصل رحمة الله عليهم أجمعين ..وجو أهل الباديه والديار اللي حولهم ..يسلمون على الملك ..ويشكون له الحال ..
عدد الناس واجد ..يدخلون يسلمون على الملك ..وهو طالع يمر على (إبن سليمان) وياخذ له (خرجيه ) ولاهنا شي كثير ..بس عن قولة شي يرفد حالهم .. من كثر الناس خلصت (الخرجيه ) طالع (إبن سليمان ) في الملك ..وطالع في وجيه المعازيب ..قاموا المعازيب (أهل المجمعه ) وقالوا (حياك الله يا طويل العمر تفضلوا بلا عدد وسامحونا على القصور) ..يعني (الغداء) ..
ولا هذاك الواحد ..آخر واحد ..يوم شافهم قاموا ..وهو يبدأ يصيح (ياطويل العمر ..ياطويل العمر ) والملك يقوله (إنشالله ياولدي إنشالله ..عقب الغدا ..)
هذاك ماصبر ..ويقطع الناس ..لين وصل الملك (ويقول ياطويل العمر عيالنا مرضت وبهايمنا ماتت )..طبعا الملك وده يساعده ..بس ماهنا خرجيه من وين يعطيه ..؟؟
قاله ياولدي ..أصبر خلنا نتغدى ويسهل الله إنشالله ..(قال لا يا طويل العمر متى نوافق كلبن في مطلاع !!!)..
على طول هو قال هالكلمه وهو يغشى عليه ويطيح من الروعه والخوف ..ويتطامرون عليه الرجال يبون ذبحته .ويقوم الملك ويحط مشلحه عليه ..ويقول (خلوه ..خلوه ) ويرد عنه الناس ..ويمسكه ويقومه بنفسه ..ولا ه المسكين تقول عصفور في البرد ..يتنافض خايف وموقن بذبحته ..وياخذه الملك عبدالعزيز معه ..ويقعده جنبه يتغدى ..ولا وين يتغدى ووين (يتطعم المعيشه ) وهو قايلن للملك هالكلام ..!!
المراد يوم خلصوا دبروا لهم قاسمة الله وعطاه الملك ..وقاله شف تمشي هالحين ولا تنزل كانك راكب ولا توقف كانك ماشي إلا عند أهلك (خايف عليه يلحقه أحد يذبحه )..
وفعلا خذا خرجيته وراح لأهله ..ومرت بسلام ..
عاد الجوع كافر ..وهو من اللي جاه وجا جماعته وأهله وعياله ..طلع منه ذاك المثل ..والمقصود إن حدوث الشئ هذا نادر جدا جدا ..وقصد فيه متى بنشوفك ياطويل العمر ..ومتى يحصل لنا نسلم عليك ..ولكن خانه التعبير ..
هذا اللي عندي وسلامتكم ..
: 
: 
: