السلام عليكم ورحمة الله وبركاته
هلا أخواني
أنا أمس حاولت أكتب قصيدة بسيطة للخريجين وأتمنى تعجبكم ,,, أولا أنا مجرد هاوي للشعر ، والسموحة إذا غلطت في حاجة ... طبعا الأبيات على نسق قصيدة الشاعر الكبير بن فطيس وعلى النمط الهلالي ،،، واللي ما تعجبه أو عنده نقد يقوله ولا يجامل ...
هويـت الشعر وأنا واحد(ن) من كتّابه
وإن كتبته ترجم مشاعـري المصطابه
والليله جيت أكتب من خفوقي هالقصيدة
ماهي قصيدة عشق..... لكن حزن وكآبه
صـرت شاعر(ن) والبيت عندي مكسّر
وأكثر أشعاري تحكـي همومـي ّ الكذابه
ودعيـت الله يوفقـني وأنا أكتـب
أكمـل قصيدي فـي الهلالي بالكتابه
سجـني الحـزن بدموعـي ومـا بغيته
حاولـت أصده بصبري وأصـك أبوابه
وهـذا الزمـن جمعنـا وهـو يفـرقنا
واللـي يريده الله ..... قلنا يا هـلااابه
وإن تفــرقنا تبقـى قلـوبنا وحـده
م أتزعـزع وظـروف الزمـن غـلابه
ودرسنـا والهـدف منـه إجتماعــي
والمجتمـع لأمثالنا طالــب وطـلابه
وصـــرنا فـي ذا المجتمـع قـدوه
وكـل واحد(ن) منا للتميـز يحتـذابه
وهـذه الجامعـة صـارت لـي ديرتي
عقـب المضيبي فديـت سيحها وترابه
وإنتـوا أعـز الربع من ربعـي كلهم
ولكـم في صميم القلب حـب ورحابه
أربـع سنين وما ضنـتي مثلها سنـين
جمعتنا بالأخـوة / والربع / والصحابه
الدغيشـي ..... والحسيني .....وأحمد
والمقرشي...والزيـدي به روح الدعابه
والبلوشي .... والحارثي ....والسعدي
والمعمـري صـوبنا الـوانيـت جابه
والشامسي... والفارسي....واليحمدي
وجعبـوب يلي يخالف البنت بجـوابه
وغنبوصي .... وغيلاني ..... ويسور
وعلـي وجمعة الأنجلش عذب صوابه
وعـادل...وناصـر "كالتوم جيري"
ربع(ن) ما تفـرقهم مـزح وضرابه
والكثيري.....والمعشـني.....وهلال
والناصـري يبتسـم لي كلما ألقابه
والبوسعيـدي مـع الكنـدي محمد
والعويسـي لابد هالأبيات تطـرابه
والحسني..... والعبري..... والهلالي
والمرزوقــي لبس الغتـر يزهابه
والمجيني إن تكلم ...تصمت حروفي
والغريبي عن حضـوره يكثر غيابه
وإللـي أختفـى إسمه مـن قصيدي
إنا أدري ..... إن العيـون م تدرابه
والخــويات يلي لهـن قـدر عالي
ما نساهن قصيدي ووجودهن يحلابه
عزهن الله طول العمر في كل مسعى
ونوّر طريـق من نوت منهن تسعابه
قلت أبكتب قصيدة وداع قبل الوداع
والشعـر في دار الحـزن نوّخ ركابه
