التعريب الدرس الاول

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • التعريب الدرس الاول

      اخوانى الاعزاء سنبدا بأذن الله اولى التعريفات
      بحكايه التعريب و الخبايا الموجوده فيه
      و سأقوم فى الاول على تعريف بعض الاشياء المهمه
      التى يغفلها معظم الناس مثل ما هى متطلبات التعريب
      سواء من سوفت وير او هارد وير؟ و الكثير من الاشياء الهامه
      و سوف أبدا الشرح فى شكل درامى حتى يسهل فهمه و اقوم
      بذكر معظم الاسئله التى تدور فى اذهان المبتدئين .
      التعريب فى سؤال:-
      س1 : ما معنى كلمه تعريب او تغيير سوفت وير او تحديثه؟

      ج1 : يا سيدى معنى كلمه تعريب هو أدخال اللغه العربيه على
      الموبيلات الى لا تتدعم اللغه العربيه و هى بالاخص فى الموديلات
      القديمه التى وقتها لم يكن هناك اهتمام كبير بالمستخدمين العرب
      مثل وقتنا الحالى حيث لا يخلو تليفون من اللغه العربيه بزياده
      كبيره عن الاول و اما معنى تغيير السوفت وير هى معناها
      تغير السوفت وير القديم بواحد جديد لانه يحتوى على مشاكل
      و يمكن ان يكون نفس الاصدار. بينما تحديث السوفت وير
      هو معناها احلال للسوفت وير القديم الى سوفت وير جديد
      ولكن اصدار احدث حيث هذا الاصدار الاحدث بطبيعه الحال
      يعالج مشكله قائمه فى السوفت وير القديم و هو ما تلجأ
      اليه شركه نوكيا عند انزال موبيل بسوفت وير معين
      و عند تجربته فتظهر الاخطاء و العيوب فيقوم بمعالجه
      الاخطاء و العيوب فى سوفت وير الاحدث مثل ما حدث فى ال 3310
      حيث او ما نزل كان يهنج و ويقطع الارسال و تقطيع فى وسط المكالمه
      و الاغلاق عند اللعب على الالعاب الموبيل .


      س2 : و هل كل المشاكل تكون فى السوفت وير؟

      ج2 : لا طبعا ليست كل المشاكل فى السوفت وير فقط بينما ممكن
      تكون السوفت وير فقط او الهارد وير فقط او كلاهما.

      س3: ما هى أشكال مشاكل السوفت وير ؟

      ج3 : أشكاله كثيره طبعا و ليس معدوده و منها
      1- مشكلة تم رفض البطاقة
      2- مشكلة ادخل البطاقة الصحيحة
      3- بعض مشاكل contact service
      4- و بعض مشاكل النت ورك NETWORK Problems
      5- التهنيج للموبيل
      6- التقطيع فى الارسال او التشويش او عن اداء
      عمليه معينه فى الجهاز .
      س4 : ما هى أشكال مشاكل الهارد وير؟

      ج4 : طبعا اشكال مشاكل الهارد وير كثيره و سنتطرق
      الى معظم حلولها بأذن الله فى الدروس القادمه

      س5 : كيف استطيع ان اعرف الفيرجن الخاص بى ؟

      ج5 : عن طريق الضغط على *#0000# من اليمين الى اليسار
      و يجب ان يكون هناك فى الموبيل هذا بالنسبه للنوكيا
      اما للسيمنس يمكن ان تعرف الفيرجن من غير كارت SIM

      س6 : كيف اعرف رقم موديل موبيل ؟

      ج6 : للناس التى تحفظ الاسماء فقط مثل الغطاس و والعصفور و الكوبرا
      الى اخره بعضهم اندهشت لما اسئله رقمه كام يقول مش عارف
      و لكى تتاكد من رقم الموبيل انزع البطاريه و اقرا الرقم الموجود
      أسفلها و هى طريقه ايضا للتاكد عند شراء موبيل مستعمل
      حيث الان يمكن تحويل الموبيل ال 8210 الى ال8250 فيقوم البعض
      بتغيير الوش الخاص لل 8210 بال8250 و تغيير اللمبات
      و يريد بيعه لك على انه 8250 و انت تشوف تلاقى
      فى الموبيل كل حاجه بتاعت ال 8250 فيجب عليك التاكد .

      س7 : وانا فى توكيل نوكيا ذهبت لكى اعرب موبيلى ال 3310
      سمعت الراجل الى فى التوكيل بيقوله تعريب ال NHM-5 ايه دا؟

      ج7 : اخى فى التوكيل او على النت مفيش حاجه اسمها ارقام هذه للناس العاديه
      ولاكن بما انك دخلت فى هذا المجال اذن يجد ان تكون على درايه بهذه الاسماء
      فهذه الارقام اسم الموديل و لا تسنخدم فى التفريق فى الموبيلات .
      و هما كالتالى :-
      3210 = NSE-8
      3310 = NHM-5
      3330 = NHM-6
      5110 = NSE-2
      5130 = NSK-1
      5510 = NPM-5
      6110 = NSE-3
      6130 = NSK-3
      6150 = NSM-1
      6210 = NPE-3
      6250 = NHM-3
      7110 = NSE-5
      8210 = NSM-3
      8250 = NSM-3D
      8290 = NSB-7
      8810 = NSE-6
      8850 = NSM-2
      8890 = NSB-6
      س8 : GSM ما معنى كلمة جى إس إم؟

      ج8 : جى إس إم هي إختصار لــ المنظومة العامة (أو الشاملة) للإتصالات
      المحمولة وهي منظومة تليفونات محمولة رقمية وهي واسعة الإستخدام
      في كل دول العالم

      س9 : ما معنى أن التليفون مشفر ولا يقبل العمل إلا على شبكة واحدة؟

      ج9 : التشفير هو كود لا يسمح للتليفون المحمول باستخدام أي شبكة
      أخرى غير التي قامت ببيعه. على سبيل المثال أصدرت شركة موبينيل
      أو كليك تليفونات محمولة منذ فترة طويلة لا يمكنها العمل على شبكات
      أخرى فهو يعمل على موبينيل فقط ولا يعمل على كليك و العكس صحيح ونرى
      أيضاً بعض التليفونات المحمولة تأتي من خارج جمهورية مصر العربية ولا
      تعمل على شبكة كليك أو موبينيل لأنها مشفرة للعمل على الشبكة التي
      هي في الدولة التي تم شراء التليفون منه. وفي هذه الحالة نرى عبارة
      مثل لم يتم قبول البطاقة باللغة الإنجليزية أو العربية. ولفك شفرة
      هذه التليفونات للعمل على الشبكات المحلية يجب استخدام مجموعة من
      الأدوات والأجهزة والبرامج للتخلص من هذه الشفرة و سوف نتطرق الى
      هذه الادوات و شرحها و اى الاحسن و اى المناسب للفرد العادى و اى
      المناسب للمحلات و كيفيه توفيرها.

      س10 : Security Code ما هو كود الحماية للتليفون؟

      ج10 :هذا هو الرمز الذي يتم عمله لحماية التليفون
      من الإستخدام بواسطة شخص غير صاحب ويطلبه التليفون
      عند بداية تشغيله بعد إدخال الكود بن وبعد إدخال كود
      الحماية يدخل التليفون على شبكة الإتصالات ويظهر رمز الشبكة
      على التليفون وبالطبع لا يمكنك إستخدام التليفون بدون إدخال
      كود الحماية إذا طلب ذلك. أما إذا نسيت الكود فيمكنك بالطبع
      استرجاعه أو إعادة ضبطه بإستخدام وصلات وبرامج خاصة.

      س11 : IMEI ما هو الرقم الخاص بالتليفون؟

      ج11 : هو رقم خاص بتعريف التليفون وهو رقم وحيد
      لكل تليفون محمول لا يمكن أن يتكرر على مستوى العالم.
      لاحظ أن الرقم الأصلي للتليفون المحمول لا يمكن أن يتكرر
      وقد تم ذكر كلمة الأصلي لأنه يمكن بإستخدام بعض البرامج
      و الأدوات والأجهزة المتخصصة تغيير هذا الرقم. ولكي يتم
      التعرف على هذا الرقم يمكنك رفع بطارية الجهاز والنظر
      على الورقة الملصوقة على ظهر الجهاز وأسفل البطارية ستجد
      رقم مكون من 15 رقماً هذا هو رقم الجهاز. والطريقة الأخرى
      لمعرفة هذا الرقم هي بعد تشغيل الجهاز قم بإدخال #06#*
      وسيظهر الرقم على شاشة التليفون .

      س12 : ما هى التليفونات ال DCT-3 NMP phones ؟

      ج12 : هى التليفونات 3210 3310 3330 5110 5110i و 5130 5510 6110
      و 6130 6150 6210 6250 7110 8210 8250 8290 8810 8850 8890 .

      س13 : ما هى التليفونات ال DCT-4 NMP phones ؟

      ج13 :هى التليفونات 8310 6310 7650 6510 9210


      س14 : ها يمكن تعريب جهازى النوكيا عن طريق كابلات اللوجو مانيجر؟

      ج14 : لا ينفع ابدا ان تعرب جهازك بكابل اللوجو مانيجر لانه ليس مؤهل
      لهذه العمليه و الدليل على هذا ايضا غلاء التعريب حيث طبعا
      للغلاء معداتها حيث لو كابل اللوجو مانيجر ب 30 جنيه و يعرب
      الجهاز عادى كان بقى التعريب ب 1 واحد مش بالاسعار الموجوده
      حاليا التى تصل ال 100 و 120 جنيها

      س15 : ما هى المعدات التى يمكن بيها ان اعرب جهازى و اغير السوفت
      وير بتاعه او احدثه او اغير النغمات الاصليه او احول التليفون
      من ال 8210 ال 8250 او احول ال6210 الى 6250 او اخلى التليفون
      يكتب عربى مثل ال 3310 ؟

      ج15 : المعدات التى تؤهلك لعمل هذا كثيره جدا و يوجد منها
      الغالى و المتوسط و الرخيص و ارخصهم لا يقل عن 1200 ريال
      معا البرامج و الدعم الفنى لها و سوف اذكر بعضها :-
      1- Nokia Dejan Box
      2- Neelix Box
      3- DCT-3 Box
      4- DDP Box
      5- DLS Box
      6- NOKIA SOURCE 1.15 Final Additions
      ----------------------- انتهى الدرس -----------------------------
      اخوانى الاعزاء كما وعدت سابقا انى سوف انزل دروس فى الموبيل
      انا نفذت وعدى لكم و هذا هو الدرس الاول و ارجو ان ينال راضكم
      و رضا المشرفين و ادعو الى الله ان يكون الدرس عم عليكم بالفائده
      و ان اكون صححت الافكار الخاطئه التى كانت عند البعض منا عن مفهوم
      التعريب او مفاهيم الخاصه بالموبيل و بأذن الله قريبا سينزل
      كتاب خاص بمواضيع الموبيل و شرح البرامج بالصور و صيانه هارد وير
      الموبيل و سيكون من مستوى المبتدىء حتى المحترف حيث سيشمل من اول
      صور كيفيه تركيب الكابل فى الجهاز الى صور كيفيه تغيير لمبات الموبيل
      و كيفيه صيانه الهارد وير و سأقوم به انا وواحد اخ عزيز على من المنتدى
      و من لديه مواضيع شايف انها تقدر تفيد اخوانه ممكن ينضم الى الفريق العمل
      بتاعنا و انا فى انتظار اسئلتكم و الاستفسارت و لكن ارجو قرائه الدرس
      بعنايه و وعدم التسرع ولا ارريد سماع اسئله مكرره او اسئله تافه لانه
      يجب ان نتعلم من اخطاءنا ولا نقع فيها مرتين
      و بأذن الله التقدم لمنتدانا و شكرا
    • تشكر اخي Trondo2002على هذي المعلومات الغنية ......

      بصراحه اثريت موسوعتي عن الهواتف وطريقة برمجتها وادواتها ..... انشاء الله اكون محترف على ايدك ..

      ان الحين بصدد شراء جهاز DCT-4 tools من احدى الدول العربية عن طريق عرض في الانترنت بس ما عندي الخلفية اللازمة عن اسعارها او هل هي موجودة بالسلطنة او لا ..

      اخي السعر اللى انا حصلته هو 70 دولار امريكي لل DCT4 Tools & AFD (Advanced Flashing Device)

      اذا كان هذا الجهاز موجود في السلطنة وين ممكن احصلة بالضبط .... حتى لو كان في هيما مستعد اروحله ((أمزح))


      اذا كان عندك محل للهواتف اعتبرني الزبون رقم واحد لاني مدمن هواتف نقالة .... (( اتكلم جد)) في شهر واحد غيرت اربعه تليفونات


      واخيرا اشكرك بصراحه على هذي المعلومات القيمه
    • هاهاهاه بلاش يا مصيرى تكشف المفاجاه الكبيره دى :) المهم الاخ Brave Hacker والله اتكلم فى موضوع شيق جدا جدا جدا و دخل فى خطوه انا كنت ناوى اتكلم فيها وانك اتكلمت عن انسب بوكس للDCT-4 وهو بوكس ال AFD و انا من اكبر المعجبين بالبوكس دا صراحه بوكس جبار و عاوز يتعمل له تمثال لانه بوكس اولا سعره ممتاز و شغل اجمل و اجمل و طبعا مين فينا ميعرفش اللى عاملين البوكس اللى هم B- phreakers Team اللى عمل برنامج EEPROM Tools 3.1 طبعا الكل يعرفوه و يستخدمه فى الشغل و الفلاشينج و باذن الله نحن الان فى مناقشات معا الفريق حيث سوف اكون الموزع الرسمى و الاساسى فى الشرق الاوسط للبوكس ال AFD و بالنسبه للسعر اللى انت بتقول عليه دا مستحييييييل لان اقل سعر للبوكس ال DCT-4 حوالى 800 او 900 دولار و انا عارف كلامى كويس لانى عارف الاسعار اللى يبيع بها الفريق كويس جدا لاننا تكملنا فى الموضوع دا معا العلم الفريق كان يبيع البوكس ب 2000 دولار فى اول نزوله والبوكس من الذ بوكسات ال DCT-4 و انا ارفقت صوره البوكس لترومنظره :) و تحياتى لكم و اى حد عاوز يشترى البوكس دا طبعا اخوكم موجود بس بعد يومين بالظبط علشان اكون اتفقت و خلصت الصفقه معا الناس و تحياتى للجميع و مشكور يا مصيرى:)
    • موضوع متميز بارك الله فيك


      ¨°o.O ( على كف القدر نمشي ولا ندري عن المكتوب ) O.o°¨
      ---
      أتمنى لكم إقامة طيبة في الساحة العمانية

      وأدعوكم للإستفادة بمقالات متقدمة في مجال التقنية والأمن الإلكتروني
      رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
      المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
      والكثير من أسرار التقنية في عالمي الثاني
      Eagle Eye Digital Solutions