مسرحية حلووووووووة مرة

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • مسرحية حلووووووووة مرة

      بسم الله الرحمن الرحيم

      والصلاة والسلام على أشرف المرسلين سيدنا محمد وعلى آله وصحبه أجمعين أما بعد مديرتي الفاضلة معلماتي العزي.....( أوه عفوا غلطة مطبعية كنت أبي أكتب المسرحية بس كتبت الإذاعة )
      ما عليه نعيد من أول ... إحم إحم إحم ... قحو قحو قحو قحو ...... صفقولي .... شكرا شكرا ما له داعي تعبون نفسكم وتوقفون لي وتفرشوا سجادة حمرا ..... ما عليه راح أعطيكم حلاوة ... بس إصطفوا بالدور ... واحد واحد .... إحم إحم .... بعد اللعيان (بشد اللام) إقدم لكم وبكل فخر مسرحية من تأليف : فلانة بنت علانة المرتنة ( بشد النون ) .... قحو قحو .... في يوم من الأيام وفي سالف العصر والأوان ( عاد لا تناموا هذي مو قصة حج النوم ) كان هناك حرمتين جارات وحده إسمها موزوة والثانية زينوة وكانت زينوة متمدنة بعض الشيء( عاد ما تمدن ... بدوية على أصول ) ففي يوم من الأيام ذهبت إلى جارتها موزوة فطرقت الباب وقالت
      زينوة : هود .... هود
      موزوة : علوة خلفون .... علوة مرهون ... سيروا فتحوا الباب ... هين تو هذيلا ... بكون طافرين يلعبوا . أقوم وحدي أفتح الباب
      (تقوم موزة لفتح الباب )
      موزة : إنتية ذي .... تفضلي تفضلي دخل البيت بيتش بس الشور ما حالش
      ( الجارات يضحكن) ( عاد ما نكته )
      موزة : كيف حالش ؟ ومو أخبارش ؟ من زمان ما حد شافش؟ ( عاااااد الكذوب .... سوالف حريم إيش نسوي )
      زينة : بخير الحمدلله . كيف حالش انتيه وموه أخبار بناتش مو مسويات في الصيف ؟
      موزة : كنه بناتي كما هنه ... من يوم خلصت المسرحية ( عفوا غلطة مطبعية ) من يوم خلصت المدرسة يا جالسات قدام التلفزيون يا جالسات يلعين ويتناقرن .
      زينة : أقول موزوة ما بغيتي تدخليهن مال الصيفي بو تو مفتوح ؟
      موزة : وحدنا دخلناهن العام ما تذكري ...أوين يتعلمن عنجليزي ... وما استفادن شي ... تهرطيمة كما الخلق ما عرفن ... بس غياب فلوس
      زينة : لا والله عجب أنا مدخلة بناتي ويقولن واجد مستفيدات .
      موزة : أبوي انتيه بناتش غير عن بناتينا .

      ( تنادي الأم موزوة أحد بناتها )
      موزة : علوووووووة ربوع
      ربوع : يوه ماه
      موزة : سيري جيبي الفوالة حال عموتكن زينة .

      ( ثم تعود للحديث مع جارتها )
      موزة : هين قلتيلي مدخلتنهن ؟
      زينة : مدخلتنهن أذاك مال الجامعة اللي مع جمعية ..... جمعية الحرمة .. لا لا .. إيش ... جمعية المرإة العمانية ؟
      موزة : نزين وموه يعلموهن ؟
      زينة : يعلموهن منه كله ... من إنجليزي ومن أشغال فنية وطباعة على القماش ويرسمن على الزجاج ويتعلمن كمبوتر ورياضة .
      موزة : شوف انته .
      ( تنادي موزة بناتها )
      موزة : علوه ربّوع هينها الفوالة ... كله ذا تجيبي فواله سنه ونص ... عموتكن زينة تحرص تبى تفوّل .
      ( في زاوية أخرى من البيت )
      ربّوع : إن شاء الله . إن شاء الله ... عمو تكن زينة عموتكن زينة ... عمين عليها الدروب .. ما نقيت تجي غير يوم تو طالع سلوم الحافي ... سيري سلاموه سوي الفوالة عني ... أبا أشوف الحلقة .
      سلاموه : مو نتيه فيش الخلع ما تسيري تسويها وحدش ... والله ما سرت .. إنتيه مقيولش تسويها ... غيبي سويها وحدش .
      ربوع : سيري سيري سويها جوخوه .

      جوخوة : وحدي ما أروم ما حيد نا قصتنش رجل ولا يد . سيري وحدش عجب أخلي سلوم الحافي وأسير أسوي الفوالة .. لا والله .. الحلقة اليوم حلوة ما اتفوّت .
      ربوع : حتى ما فيكن خير .. غيبن ما حد باغي منكن شي . أطفر وحدي أسويها .

      ( زينة تتكلم مع موزة )
      زينة : ها ويش رايش ؟
      موزة : والله زين كان يعلموهن ذا كله .. لكن ذا يبغالة غوازي ونتيه تعرفي بناتي .. ما وحده ولا ثنتين .. عشر منتشحات .. من هين أجيبلهن .. وبعده يبغالي أستقعدلهن باص يشلهن ويجيبهن وبعده شيطان كارخنهن ما يستفيدن .
      زينة : لا بالعكس كله شوية غوازي مع رسوم الباص وأنا متأكدة إنهن بيستفيدن وهذي الفايدة تستاهل الواحد يصرف عليها هذي الغوازي .
      موزة : هيه . قلتيلي يعلموهن عنجريزي وتلوين الخلق والزجاج وكمبوتر و رياضة وتقحيمة . عجب أبغى أسجلهن .
      زينه : يا خسارة يا موزة خلاص البنات باديات وما يستوي تو عاد .. لكن إن شا الله بالسلامة السنة الجاية بنسجل بناتي ويناتش مع بعض . ويش رايش
      موزة : ما يهمش . إن شاء الله بالسلامة بناتي بيكونن أول ناس .
      ( موزة تنادي إحدى بناتها )
      موزة : تو هين الفوالة . جالسات تحاصين عليها . لكن ما عليكن صبرن السنة الجاية أتسوين كذاك يوم أدخلكن مال الصيفي . صبرن إنتن بس ...... ما شي غير أقوم وحدي أجيبها .




      وتوته توتة خلصت الختوتة ... عفوا الحتووووووتة .... حلوة ولا فتفوتة


      إحم إحم ... صفقوا للمؤلفة : فلانة بنت علانة المرتنّة ( شكرا شكرا بالنيابة عن فلانة ) على فكرة أنا من ضمن الممثلين عاد فكروا من أنا ... والي يعرف أعطيه كف.
      على فكرة هذي المسرحية معدّلة .. يعني في إضافات ما حطيتها من ضمن النص الي كتبتة الحين .... وهذي المسرحية راح تُعرض في الجامعة في قاعة المؤتمرات يوم الثلاثاء 30-7-2002 .. والدعوة عامة .
      وراح أطلب منكم طلب ... رجاءً رجاءً أتمنى إنكم تعطوني نهاية حج المسرحية لأن النهاية مبهمة مثل ما شفتوا .... وأتمنى إنكم راح تفيدوني ... وأتمنى إنكم تعطوني آرائكم بسرعة لأن المسرحية يوم الثلاثاء وما في وقت .

      وتقبلوا فائق إحترامي :ماريا الحلوة $$c$$g


      صفقووووووووووووووووووووولي d#
      [/SIZE]
    • عاد ما مسرحيه حلووووووووووه بس سمعي عن نفسي والله ما ما مستعد حال مساعده عندي امتحان يوم الثلاثاء

      بس عاد انتيه ما خبرتينا ساعه كم المسرحيه عشان نجي نضحك عليش :D

      وسلمي على بناتش خديجوه وربوع وسلاموه وجارتش موزووه المتمدنه :D
      بس من عاد منكن اللى مرتنه


      علووووووووووووووووه مع السلامه ونشوفكم في سبيس تووون ...... قصدي في قاعه المؤتمرات :D
    • أولا العرض راح يبدأ الساعة 7 ونص ..... ثانيا ما حد يضحك علي ولا بأعطيه كف $$d لكن s# ماعلية راح أعطيكم حلاوة ... ولا يهمكم .....بس لا تصيحوا .



      تحياتي : ماريا الحلوة $$c$$gd#
    • الرسالة الأصلية كتبت بواسطة:hacker4ever
      سلامتك من الحمى .......تريدي أدول .....أشوفك تقولي خرابيط :D:D



      آ ي آي ...... إيش قصدك تو إنته ..... مو شايفني عجوز وأخرف ....... ثانيا ليش تقول أخرف ....... صراحة أنا ما قلت شي يدل على التخريف .. مثل بعض الناس إلي طالعلهم شعر أبيض


      تحياتي : ماريا الحلوة$$c$$d