راعي القنص مسجون وفراجه اسهيل
وشلون مايبغون شوفه يشوقه
الي يعدون الصقاره غرابيل
ماذاقو الي في الصحاري نذوقه
انقوم صبح ونرقد من اول الليل
في عشب روضاً تلحق الماء عروقه
انقوم للمذن مقاماً بتهليل
يوماً طوال الليل نرقب شروقه
برضً به البرق الدواغر مداهيل
قد مرها الوسمي وشافت بروقه
نسيمها كن في من نكهت الهيل
يكفخ بخفاقاً قبضه معلوقه
ماشيف فيها الا ثر الصيد والسيل
وخاطي ثراً للي يدور لنوقه
الصيد فيها له مداس ومقايل
كن لها من كل ديره تسوقه
وندوج بشقر صافي الضهر والذيل
مطروح قد ريش الضهر في محروقه
له هيبتاً في الجو قبل المحابيل
فرخ العقاب يخاشره في حقوقه
على عيونه له قحوفاً مضاليل
اقحوف شيخاً تاج المجاد فوقه
يطلع وطلعه لاطلع طلع دربيل
زودن على طلعه وطبعه لحوقه
لقفت تغرف الجو وتجر وتميل
راعي الحمامه دونها مايعوقه
اذكر عليه الي له الحول والحيل
الى اتقت من تحت ذيله اسبوقه
اطياره يخلي المقافي مقابيل
ارماش عيناً الي قذا العج موقه
هاذي طرات العمر من دون تقليل
بهوايت الي ذوقنا غير ذوقه
وهذا الي يحبب هل الطير بسهيل
وخوت ارجالاً بلخوا ماتبوقه
موجز عن المقناص ماهوب تفصيل
وكلاً يمدح ربح سوقه وسوقه
الشاعر : محمد بن فطيس
__________________
: 
: 
: