حظ ونصــيب يا ام دلبح

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • حظ ونصــيب يا ام دلبح

      في يوم من ايام رمضــان وقبل المغرب بحــوالي ســاعـــه جـلســه ام دلبح وبناتــها يجــهزون الفطــور في المطـبخ في بيتــهم المتواضــع المبــني من الطــين
      شــوي ولا الباب يدق راحــــت ام دلبح اتفك الباب والا هاذي شــمه بنت ام علي شــايله في يدها غنــشــه فيها صــحن القيمات وصــحن هريس وشــوية فريد
      ســلمة عليها ام دلبح

      هاه ..شــموه اشــلونش ... عفيـــه يابنيتي يعطــيش العافيــه .. اشـــلون امــش.. طيبــه
      ايه خالتي طيبــه وتســلم عليــش وتقوليش لا تنســـين خالــتي بعـــد التراويح .. اليمـــعه عنــدنا
      انشــاء الله يابنيتي ... صــبري اشـــوي
      ادخـــلت ام دلبح المطبخ وتناولت صــحــن البلاليط وصــحن المـحــلبيه وطاســـة شــوربه وحـطــتهم في نفس الغـنـــشــه وناولتهم شـــمه
      ورجــعت ام دلبح المطــبخ اتخــلص شـــغلها

      اشوي و الا الباب يندق مره ثانــيه
      قالت ام دلبح لوحــده من بناتها... ملوحــه ملوحـــه روحي يما شــوفي من عند الباب

      راحت ملوحــه عنــد الباب والا هذي ســبيجــه بنت ابو ســـبعــه في يدها غنـشــه مليانه من خيرات ربك.... قالت ملوحـــه
      يماه.. يما.. هذي ســـبيجــه بنت ابو ســـبعـــــه
      ردة ام دلبح ... انزين بنيتي .. خذي الي عــندها واترســي غنــشـــتهم
      قالت ام دلبح لبنتها ملوحــه ... ملوحــه اســالي ســبيــجــه ما ولدة ابقرتهم
      اســاله ملوحــه ســـبيجـــه قالت .. لا...
      قالت ملوحـــه لامها... يماه ... تقول .. لا .. لين احـــين ما ولدة

      المهم على هل الحــاله وحــده رايحــه ووحــده جايـــه

      وقبل الاذان بحــوالي عـــشر دقائق

      التمت ام دلبح مع ابنياتــها ... على الســـفره ينتظرون المــدفع
      اوه .... الســـفره مليانــه هريس و جريـش وفريد ومرقوق وشــوربه وبلاليط
      وطبعا الجلي و المحـــلبيه وخيرات ربك من كل الاصناف و الالوان

      اشـــوي والا هذى... لنغــوه ... واحد افقير من الحاره لا شـــغل ولا مشــغله كانه خبل او مجــنون... بس ايدور من بيت الى بيت يحــبونه العجايز ويعطفون عليه ويتصــدقون له .. هذي تعطيه طاقيه وهذي تعطيــه اوزار وهلم جره

      ام دلبح ام دلبح خالتي ... اش فطوركم اليوم
      ردة ام دلبح تعال تعال يا عيني ... لنغـوه .. عندنا خير وشــبعه
      وبنات ام دلبح ميتين من الضــحك على ... لنقوه .. وحركاته

      اشـــوي وثار المــدفع

      ســـمت ام دلبح ... بســـم الله الرحمن الرحيم
      وســموا بناتها وتناولوا ذيك التميرات

      والا ... لنغـوه .. يقول خالتي خالتي ام دلبح انا قلت بســم الله الرحمن الرحيم
      الي ما يقول بـسم الله الرحمن الرحــيم يدخل النار

      والا البنات يضحكون على ... لنقوه
      وام دلبح تبســمت وقالت .. هيه صــدقى اوليدي الي ما يقول بسـم الله يدخل النار

      وتوها ام دلبح بتتناول كاس الماي والا ........؟؟؟؟؟؟؟؟
      طــــــــــــــــاخ طيــــــــــــــــــــــــخ بم با .... واعتــفســو وصــار ضــلام والا ذيك الدخــنه
      اثر ضرب شــوط والتماس في الكــهربا... وتقب ذيك الحــريقــه
      وام دلبح وبناتها يتراكــضون لشـــارع

      اطــلعوا لشــارع ... كان ام دلبح تقول لبنتها ملوحه ملوحه... اتصلي اتصلي بالمطافي من عند الجيران بســرعه بســـرعه

      ولنغـوه ... اينطط وايغــني .. هيه هيه .. هيه هيه .. احترق .. بيت .. ام دلبح
      والتمت الناس .. الي يضـحك على لنغـوه والي يســاعد في اطفاء الحريق والي حاط يده في جيبه ويهز راســه

      واشــوي والا ســـيارات المطــافئ .. اربع ســيارات والنجدات والشــرطه والوايتات والضــباط والمحــققين

      كان ام دلبح ... تنادي بنتها ملوحــه .. ملوحــه اش ســويتي قلت لش نادي المطافي ســـياره وحــده ... ما خليتي احد ما ناديتيـــه
      والله يما ما كلمت الى واحد وذولا جو من نفســهم

      المهم دخل الضــابط البيت ... اثر الحريق كان في وحده من الغرف بس
      شـــاف الضابط الفطور على ماهو عليه ماعدى بعض الصــحون مكــــبوبه وانكــسر خاطــره علي ام دلبح وبناتها ... دخل يده في جــيبه وطلع ذيك الخمســمائه وناولها ام دلبح
      الا ان ام دلبح .. نفســيتها عزيزه ورفضة المبلغ رغم محاولات الضــابط لاقناعها باخــذها

      دخلت ملوحــــه مزاج الضابط واشــغلت تفكيره لما شــاهده منها من شــجاعه وحماســــه اثناء اطــفاء الحريق

      وبــعد اســبوع من الحــادث ... تقدم الضــابط لخطــبة ملوحــه ووافقت امها واقاموا الاحــتفال والاهازيج ..... ولنقــوه توســــط وقام يرقص ويغــني...