لامشاكل بعد اليوم ... هات مشكلتك ونرجعها لك محلولة .. حتى لوهي اتفشل

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • لامشاكل بعد اليوم ... هات مشكلتك ونرجعها لك محلولة .. حتى لوهي اتفشل

      لامشاكل بعد اليوم ... هات مشكلتك ونرجعها لك محلولة .. حتى لوهي اتفشل

      مساكم الله بالخير وان كنتم الضحى فضاحكم الله بالخير ..

      قبل ما ابدا لاتنسى يا الي في بالي الي اتفقنا عليه ما منا من تلفيع

      تعيش المجتمعات في خالى لاتوازن <==== مالها داعي بس ودي اقولها (بدينا بالمصالة) .. لا يالربع المسالة مسالة ضمير لان تكوين الانسان < = = = ياشين اللي ملقط كم كلمة ووده يقولهن ... المهم لاتستخفون دمكم بالحيل ...تراني اكتب وانا في حالة قوقعة خنفشارية تمتد في ثنايا المتناقضات الوجودية متحولقة حول حلزونية الموقف نحو شرذمة التفكير السيكوسوماتي < = = = قسم بالله اني بطران ..

      نرجع لموضوعنا< - - - ياشين اللي مافي راسه شيء


      لا من جد اليوم جتني حالة من الانفتاح الذهني حسيت اني اقدر احل كل المشاكل في الكرة الارضية فقلت مالي الا اهل منتديات الخريف هم اللي بيقدرون كالعادة افكاري البرتقالية . .خصوصا وانا اعيش اجمل ايام عمري < = = = وش يبي ذا

      المهــــــم هذي ابرز المشـــــــا كل وحلولها وانتم الحكم

      المشكـــــــــــلة الاولـــــــــــــى


      وشلون تضمن ان طبق البيض ماينكسر لو طاح منك
      انا فكرت فيها فمالقيت الا اننا نسوي بيض بلاستيك ..وشلون .. ابد نروح للمصنع وانقول زينوا لنا بيض بلاستيك خخخخ

      المشكــــــــــــــــــلة الثانية
      وشـــــــــلون نقضي على الواســــــــــــــطة
      اقول ...طالعوني عدل....لا ركزوا اكثر ...هذا وجهي قل واحد منكم يدور له اكبر ازبيرية بسوق ابريدة ويلخني مع الجبهه ان حليتها ..0 عجزوا عنها القصيبي وجماعته تبوني احلها < = = = خار من اولها
      المشكــــــــــــــلة الثالثـــــــــــــــــــة
      وشلــــــــــــــــــــــــون نقضي على زحمة المـــــــــــــــــــرور
      شوفوا عاد الحين بديت اشتغل صح ....< = = = تراه بيخربط
      انا اكتشفت ان البلا فيكم يالشعب السعودي..والا التخطيط مامثله ومدروس وفق خطط علمية مدروسة والمكافاة مضاعفة خخخخخ لذل فاحسن حل اننا نجيب الشعب السعودي كله وانحطه بكراتين وانصدرهم لاي دولة عندها ازومة سكان ... وبدالهم نستورد يابانيين وكوريين وكذا نضبط النظام ...

      المشكـــــــــــــــــــــــلة الرابـــــــــــــــــعة

      مشكلـــــــــــــــــة ارتفــــــــــــــــاع اسعار السيارات
      هذي سهله مررررررة .. عشان نحل ذالمشكلة ... نبي نخفض الرواتب بحيث ان الواحد يصير اماما الامر الواقع ..فبالتالي يعرف حجمة الطبيعي ويبلع العافية ويقضب ارضة ... بعدين وش فيها البعارين والخيول .. والا ماغير فسقة واسراف وتلويث للجو

      المشكلـــــــــــــــــــــــــة الخــــــــــــــــــــــــامسة
      مشكلـــــــــــــــــــــة المغــــــــــــــازل بالاسواق < - - - اشوفكم ركزتوا يالدشير
      هذي تراها ابسط من اللي قبلها....
      الحل بكل بساطة ..نخلي بناتنا يفتشن
      وش فيكم ...تراني اتكلم جد ....باقول لكم ليه ...
      الحين بالله عليك انت اذا دخلت للسوق وشفت ذالعبايات اللي مادري وشلون قايلة ..عماني على فرنسي على كتف على مغربي على امخصرة ..والنقاب اللي ياشيخ لو تبي تحطه على وحدة من ساحل العاج او جيبوتي وهلم جرا من ذالكسر قسم بالله ان يمسكون الشباب سرا وراهم
      نعنبوا ابليسهن ذالبنات ..قسم بالله تلقى الوجه كنه وزرة يماني ثمن تغطيه واتحف لك ذالحواجب وتطق ذالعدسات وتضبط لك ذاللثام .. الين ذالشباب الضعوف تغدي سعابيل الواحد كنها موية البلدية لمزارع بعض الناس
      فاحسن حل اننا نلغي الغطا ..وانا اضمن لكم انخفاض المعاكسات بنسبة 90%

      المشكلــــــــــــــــــــــة الســــــــــــــــــــادسة
      مشكلة عدم وجود مقاعد في الجامعات او مدارس التعليم العام
      انا احملكم المسؤولية 100% مادام انكم عارفين ان مافيه مدارس ولا جامعات ..كل سنة ماغير كب من ذالبزارين فاحسن حل اننا نقنن عملية التوليد ..يعني اللي يبي يجيب بزر يقدم على صندوق التنمية العقاري خخخخخخخخخخخخخ وصفقني ان جاك الدور عقب ثلاثين سنة ..وكذا ما اتوقع ان احد بيقول مالقيت مدار لعيالي...لانه اصلا ماعنده اعيال هههههه

      المشكلــــــــــــــــــــــة السابعـــــــــــــــــــــــة
      مشكلة غلاء المهــــــــــور < - - - الله من واحد وواحد قال تكفى يا الباسل
      شوفو .. انا اقترح اننا نستورد خمسة ملايين هندية طبعا اهناك متعودين المرة هي اللي تدفع المهر ..وانخلي شبابنا انواع التبطح والتميلح <====ياكثر اللي بيطلعون حرتهم وما غير نبدى انتغلى على ذالبنات كم تدفعين لي واعرس عليس خخخخخخخ تصوروا ..لا وهم اللي يحطبوننا ..
      يعني جايه الوالدة يمي تقول ترى فيه ىناس يبون يشوفونك خخخخخخ انواع الاحراج عاد انا اجي بالعصير مستحي داخل(ن) بالمجلس وهي نعنبوا شيطانها اتقزني من تحت لفوق خخخخخخخخخخخ

      مشــــــــــــــــــــاكل أخرى صغيـــــــــــــــــــــــرة
      الصراحة هي مجموعة من الاسئلة مادري ليه تجي دايم في بالي..
      فمانستغني عن اراؤكم الكريمة بالباشاميل
      السؤال الاول
      الحين السيارة سموها سيارة عشانها تسير والطياره لانها تطير والغواصة لانها تغيص... طيب السفينة ليه سموها سفينة لانها تسفن
      السؤال الثاني:
      الحين ليه كل البنات اذا ازعلن وجن يكتبن خواطر قالت :
      اتيت مهرولة ثم القيت بنفسي على السرير باكية
      طيب لو ماعندها سرير وش اتسوي؟؟ تروح تطق على جيرانهم تقول عطونا سرير ابصيح عليه ..والا ترقى لغرفة اخوها ..وتطل عليه واتقوله وخر عن السرير تراني باجي اركض واطيح واصيح0 صدز انك جمع مؤنث سالم
      السؤال الثالث:
      الحين المريكان يوم يخسرون ملايين علشان كم واحد يركبون بخزان ماء يسمونه سفينه فضائية ويبدون يناقزون ..وشو له طيب حنا نقدر انسويها احسن منهم ..يعني نجيب اربعة وانحطهم ابتانكي واندربيهم من فوق طعس الين يدوخون وانوفر اقريشاتنا
      شفتوا اننا نقدر بس ماودنا خخخخخخخخخ