نصيحه قبل لا تشوف الخطيبه..

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • نصيحه قبل لا تشوف الخطيبه..

      تروش وصنفر بدنك بليفة سنعة وأذا ماحصلت ترى ليفة المطبخ تفي بالغرض.

      أذهب الى حلاق معتبر بو يال أو ريالين وعندك خيارين لبناني او تركي ( يمكن ان تتصل بصديق أو تأخذ رأي الجمهور ) وخله يصلح لك ذقنك ويحف لك وجهك

      ألبس دشداشة جديدة ومكوية عدل و كمة تكون نفس لون الدشداشة.

      كب على روحك نص غرشة عطر من النوع الغالي علشان يقضي على ريحة المعسل والزجايرالي لاصقة في هدومك.

      أشتر هدية للخطيبة من بو ريالين واحرص تكون مغلفة مضبوط كأنها من العريمي أو مجمع الحارثي ولا تنسى تقشع السعر.

      خذ معاك جوال رهيب واذا ما عندك أتسلفه من أحد ربعك ولا تنسى توصية يحشرك بالمكالمات والرسايل .

      احفظ لك كم نكته من الأنترنت وكم بيت شعر من كتاب الأدب حق أخوك اللي في الثانوية لزوم الشاعرية والثقافة .

      خذ معاك كم حبة شوكولاته لزوم تصرف اخوها الصغير ليكون يلزق فيك.

      والآن ماذا يجب أن تفعل وانت في بيت ابوها:

      خلك ثقيل و تكانه يعني جنتل لا يكون تفلها من أول يوم علشان يعرفون أنك اسد.

      وزع أبتسامات في كل مكان وعلى كل الى تشوفه ماعدا الخدامة.

      اذا شفت أخوها الصغير خذه وقطعه تبوس وعطه ريال (يعني انك حنين وتحب الاطفال).

      تكلم كثير مع خطيبتك عن جمالها وحسنها وروعة ملابسها وأطرخها بكم بيت شعر من اللي انت حافظهم وأنت مغمض عيونك يعني أعمل فيها قيس بن الملوح.

      تكلم عن الثقافة والتربية والمجتمع والمثل العليا وتأثير تلوث البيئة على زراعة قصب السكر في البرازيل
      اذا جابوا لك الفاكهه والكيك لا تاكل بشراهه يعني اعمل فيها اتيكيت وانتبه يتملى وجهك وبراطمك بالكريمة مال الكيك.

      اذا لزق فيك اخوها الصغير أرمي له الطعم يعني الشوكولاته واذا مانفع عليك ان تستخدم نظرية (علي وعلى اعدائي) وعطيه كف. و هذا وجهي اذا شفتها مره ثانيه ;)


      فقط للدعابة...$$e
    • الله يغربلش على الموضوع للرجال .( م).


      مشكووووووووووووووره اختي
      لستُ مجبوراً أن أُفهم الآخرين من أنا 00 فمن يملك مؤهِلات العقل والإحساس سأكـون أمـامهُ كالكِتاب المفتـوح وعليـهِ أن يُحسِـن الإستيعاب إذا طـال بي الغيــاب فَأذكـروا كـلمــاتي وأصفحــوا لي زلاتـي انا لم اتغير.. كل مافي الامر اني ترفعت عن (الكثير) ... حين اكتشفت... ان (الكثير) لايستحق النزول اليه كما ان صمتي لا يعني جهلي بما يدور (حولي) ... ولكن أكتشفت ان ما يدور (حولي) ... لايستحق الكلام