الجززززززء العا ا ا ا ا ا ا ا ا ا شر
صحوا المعاريس وافطروا وانبسطوا وقرروا يلغون اليومين اللي حجزوها بالفندق لأنهم يبون البيت أحسن لهم.
ام محمد تصحي بناتها:قوموا ياالله ترانا العصر ياالله.
دانه من تحت الفراش:أووه يمه بنام شوي الله يخليك.
ام محمد:لا قوموا محمد توه مكلمني يقول بيتعشاء بالبيت هو وسميره.
سهى نطت من السرير:والله بيجون اليوم.
ام محمد:ايه بيجون قوموا اطبخوا لمرت اخوكم بسرعه
دانه:خلاص يمه لاتشيلين هم خلي العشاء علي بس بنام 5 دقايق.
ام محمد:خلاص تحملي العشاء عليك وأنامالي شغل.
وتطلع وتخليها وتقوم سهى وتاخذ كاس مويه وترشه بوجه دانه وتنحاش .
دانه مرتاعه:طيب يالمجنونه والله لأوريك.
كانت شوق توها صاحيه من نومها ونزلت تحت وتلقى امها وفارس بالصاله.
شوق:صباح الخير.
فارس:وش صباح الخير ألحين بيأذن المغرب وانتي تقولين صباح الخير.
شوق:أسفه مساء الخير.
ام سالم:عساك نمتي زين أمس؟
شوق:الحمدالله...الا نسيت شي وتقوم تحب راس فارس وتقول له:مشكور ياخوي على الهديه والله فرحتني بجد مشكور.
فارس:العفو ياشوق المفروض من زمان بس ظروفي.
شوق:لا ياخوي وبعتبرها أغلى هديه من أغلى انسان.
ام سالم:أهم شي مانقصك شي يابنتي.؟
شوق:لا يمه الحمدالله مانقصني شي..
ام خالد:ياخالد فكرت بكلامي أروح أخطب لك شوق اخت سميره.
خالد:يمه أنا في بالي وحده بخطبها.
ام خالد:وتعاف هالزين كله.
خالد:الله يوفقها بإبن الحلال اللي يستاهلها..
ام خالد:طيب ياولدي براحتك أنا كنت أبغى لك الزين.
خالد:ماقصرتي يمه..
ام خالد:اييه الله يرحمك يابوخالد.
خالد معصب:لاتقولين أبوخالد مايشرفني أكون ولده..
ام خالد:مهما صار ياخالد الظفر مايطلع من اللحم.هذا ابوك حتى لوأنكرت.
خالد:ياالله هذي الدنيا تامريني شي.
ام خالد:سلامتك يمه.
طلع خالد وراح يكلم شوق.
خالد:هلا شوشو.
شوق:هلا خالد.
خالد:أنابخطبك وش رايك؟؟!
شوق بكل ثقه:صراحه ياخالد أحس اني تعلقت فيك مقدر أستغني عنك.
خالد:يعني موافقه؟؟!
شوق:ايه ياخالد موافقه لكن انت تعال ونشوف.
خالد:اوكي...المهم وش صار على زواجكم أمس؟؟
شوق:ماشي ولله الحمد تصدق فيه ناس كثير خطبوني أمس.
خالد:وتصدقين امي أزعجتني من جات من الزواج وهي تقول بخطب لك شوق اخت سميره بخطب لك شوق اخت سميره.
شوق انصدمت وضحكت:ههههههههههه وش رديت عليها؟
خالد يضحك مع شوق مايدري عن السالفه:قلت لها الله يوفقها ويرزقها بإبن الحلال اللي يستاهلها.
شوق:خالد وش اسمه ولد عمك؟
خالد:محمد..وليش تسألين..
شوق:ولاشي ...بعدها شوق تذكرت ان أبوخالد هو اللي قتل أخوها وقالت لخالد أكلمك بعدين..
خالد:اوكي مع السلامه.
جلست شوق تفكر باللي حصل كله معقوله هذا ولد أبوخالد اللي قتل سالم عشان مسألة انه خضيري والله دنيا وينك يابوخالد تشوف اللي يحصل كله شوف ولدك من يبغى يخطب ويناسب آآه ياخوي الله يرحمك..
: 
: 
: