آخر زمن

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • آخر زمن

      تعاريف لغوية /آخر زمن





      المسطل : هو من يرجع أصله لعائلة السطول العريقة و أصلها يرجع إلى العصور الوسطى وقد أطلق على هذه العائلة هذا الاسم نتيجة لأن أفرادها يتميزون بالعقول المخرفة و يرجع ذلك إلى تأجير الدور العلوي و الترفيع بالمواد المسكرة و المخدرة وغيره ... ‎
      الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله .
      المنسم : كل ما مريت عليه تسمع صوت( تسسسسسسسسس ) و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم ( التهريب !!! ) .
      المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه !!! .
      السلنتح : قليل الأدب ... فقط لا غير !!!
      جحلط : ( بتشديد اللام ) : وهم مرحلة متقدمة للسلنتح .
      مزّلب : يعني بايعها بتراب ...
      مسفّح : يعني طاير في العجّة وهو ما عنده ما عند جدتي .
      الصتيمة : وهو الشخص اللي ما عنده ما عند جدتي ... ويصدق أي شيء يقال له .
      المسبة أو المسبوه : هو الشخص اللي يكون مروع في صغره لدرجة أنه يصبح شبه فاقد للعقل ...
      الفاهي (المفهي) : هذا الله يخلف مهما تقول له أو تصارخ عليه تلقاه فاتح ثمه و بس ... و إذا كلف عمره و تفاعل معك رد عليك و قالك : هاااه ... !!!
      الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!!
      العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه .
      العربجي : يظن معظم الناس أن العربجي هو الشخص الشديد !!! حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال زبيرية و يسحبها تسحيب لين جاء يمشي !!! و دايم فاتح صدره و رازه على فوق و كانك ولد أبوك قله شيء بس!!! ... لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاريه والقصد منها تشويه السمعه ( الله من زين السمعه ! ) .
      الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة .
      ‎ المرجوج: هذا ما عمره صلح شيء صح في حياته ما يمديك تفتح ثمك إلا و طار في العجة بدون ما يفهم وش السالفة !!! و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .
      المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه ماده سائله لازم يكبها ( أي يسكبها ) برجله وهو مايدري !!! ولا تخليه يمر بجنبك وانت معك صينية فيها بيالات لأنه لازم يصقعها بيده أو بكتفه ..!! وأخيرا ً.. لاتخليه يصب قهوة للضيوف لأنه لازم يكب القهوة على ثوب واحد منهم !!‎
      القعيطي : هو الشخص البخيل للغاية و يسمى أحيانا الجلدة و قد نشأت القعيطية على يد القعيطي الأكبر قاعط قعطة المقعط و تبنى نهجه بعده تلميذه تأبط قعطا ًو قد سمي بذلك لأنه كان يخبئ أمواله في إبطه و يقعط عليها بكل حــزم و شــدة ...
      السربوت : هذا اللي ما يخلي مكان ما يروح له و قد كان الأولين يطلقون لقب السربوت على من يشرب التتن ... لكن الحين الله يخلف الناس تدخن بيدينها و رجلينها و لا أحد يقول لهم شيء .
      السمرمدي : وهو من نفس فصيلة السربوت ... ولكنه اكثر تعقيدا ً.
      الداشر : هذا قليل الأدب و لا يحب يماشي إلا السرابيت ... و إذا قيل فلان دشر فلان أي خرب أخلاقه .
      الملكع : أما هذا فيعرف حتى السكن ( اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .
      زعّيط : مسوي نفسه يفهم في كل شيء وهو من جنب العارضة!!! .
      مهايطي : يعني من النوع اللي كلامه أكبر من حجمه .
      المصرقع : هو كل شخص ما يهمه شيء و اللي يطري على باله يسويه لأنه ماخذ الدعوة وساعة صدر و هبال .
      المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش .
      الخكري : ببساطة ... الخكري = نعومة + دلع + ليونة ( عيال النيدو!!!
    • حم حم انا جيت

      مشكوووووووووور اخوي أخر زمن
      لستُ مجبوراً أن أُفهم الآخرين من أنا 00 فمن يملك مؤهِلات العقل والإحساس سأكـون أمـامهُ كالكِتاب المفتـوح وعليـهِ أن يُحسِـن الإستيعاب إذا طـال بي الغيــاب فَأذكـروا كـلمــاتي وأصفحــوا لي زلاتـي انا لم اتغير.. كل مافي الامر اني ترفعت عن (الكثير) ... حين اكتشفت... ان (الكثير) لايستحق النزول اليه كما ان صمتي لا يعني جهلي بما يدور (حولي) ... ولكن أكتشفت ان ما يدور (حولي) ... لايستحق الكلام