هذي القصيدة اعجبتني كثيرا
فستمعوا لهذه الابيات الظريفه:
معاناة مواطن
فستمعوا لهذه الابيات الظريفه:
معاناة مواطن
مانـي متابع للسيـاسة والأخبــار
ولا همـني أوباما ولافوز ماكـــيـن
[B]ولا همني وش قال حسني وبشار[/B]
وما همني لو زادوا الهند والصين
[B]وما همني لو سوق الأموال منهار[/B]
وماهمني لو كان خسروا ملايـين
[B]ماهمني الا راتبي ذا الشهر طــار[/B]
كله صرفته يوم خمسة وعشرين
[B]بعثرت مدخولي على يمين ويسـار[/B]
وقعدت وعيالـي نصفّـق بـكفــين
[B]1300 عـلـى طـــول فــ إيــجــــار[/B]
و400 مصروف جوال في زين
[B]و 1150 في شــركـــة إعـــمــار[/B]
قرض ٍ أخذته وشفطـوه الشياطين
[B]و1100 تجديد وأتعـاب سـمــسار[/B]
عندي استمارة مطوفة حول عامين
[B]و400 فــاتــورة المــاء والأنـوار[/B]
حـتـى ولـو كـنّـا للأنــوار مـطـفـيـن
[B]وأمــا 800 بـســوي بها الــكــار[/B]
سـيارة ٍ جـربـا ثــلاث وثــمـانـيــن
[B]لا شـمـة الراتـب يجـيها كـما الزار[/B]
تنـفض مكيـنتها كما نـفض بوكليـــن
[B]وام العيال تـصـيح يا زوجي البار[/B]
هذا الشهر عندي في القصر عرسين
[B]احتاج انا فستان من عشرة امتـار[/B]
وأفصـله يا فـالح الـراي بـألفــــيـــن
[B]وأخر 100 بتروح في جيب كومار[/B]
الحارس الهندي عسى فـاله الشـيـن
[B]ويقـول ما تـكفـيـه للفـلفـل الحــار[/B]
زعلان يبغى فوقها زود خـمســـيــن
[B]وزادت معانـاتـي مع زود الأسـعار[/B]
أصبح مثل ما قيل طاق ٍ بطاقـيــــن
[B]أزمة مسـويها مــداهن وتــجـــــار[/B]
وراحوا ضحيتها الضعوف المساكين
[B]منـحاش من نـار ٍ وطـبيـت في نار[/B]
ويا ويل حـظ اللي وقــع بيـن نـاريـن
[B]وإن الجمل صابر على الضيم صبّار[/B]
وان طاح تكثر في جنوبه سكاكـين
[B]أبديت ما في الصدر من هم واسرار[/B]
بأقولها واخلي الخافي يــبـيــــن
[B]يا شيوخنا لا لا تغضون الأبصار[/B]
صار المواطن يشكي العسر والدين
وانتم به ادرى ياطويلين الأعمار
