صدق او لاتصدق

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • صدق او لاتصدق

      هذي القصيده للشاعر عبد الرحمن بن مساعد.



      اتمنى انها تعجبكم:

      :صدق أو لا تصدق
      كل ما تباعدت المسافة بين الرغيف والجوع
      تلقى الفرح أصدق

      صدق أو لا تصدق
      لامن غدت كل المشاكل جوع الصغار وسقفٍ يداريهم قبل يصحى النهار
      تلقى الشعور أعمق

      صدق أو لا تصدق
      كل ما انقفل درب انفتحت أبواب

      صدق أو لا تصدق
      لو فيه احد طيب .. للطيبة أسباب

      صدق أو لا تصدق
      قليل من يعفي ويسامح .. كثير وده ينتقم
      بس ينتظرله وقت سانح

      صدق أو لا تصدق
      القناعة كنز يفنى
      ولو كل من ياخذ قنع .. وكل من ياكل شبع
      كان الفرح غطى شوارعنا

      صدق أو لا تصدق
      كل النهايات البداية .. وأحلى البدايات النهاية
      وكلنا رغم القساوة الظاهرة .. نبكي قدام المراية

      صدق أو لا تصدق
      به مطول لحيته .. والثوب يلمس ركبته
      وما قرا في الشهر آية

      صدق .. ان الشعر صدقه .. اعذبه
      ودي احكيلك حكاية وقبلها ابغى لسؤالي اجوبة
      المال هذا هو وسيلة والا غاية ؟!
      لو ماهو غاية .. ليه الحروب ؟ .. ليه السلام اللي تمناه الشعوب ؟
      ليه الحسد يملى القلوب ؟
      وليه الفقير المعدم الكادح .. بهجته تملى الملاح
      لامن لقى ذاك الثري يعطي هذيك المطرية مليون
      وهذا الثري لامن سرى من حفلته .. وقفت سيارته عند الاشارة
      وجاه شايب يطلبه .. الهم عاثي في وقاره
      دق باصابع متعبه .. على الشباك
      قال : انا ياسدي مديون .. وانت الكريم
      يحكون عنك في الجرايد .. وتقال في جودك قصائد
      ويقال انك للأرامل واليتامى عون
      ما ابغى منك الا حاجة .. لبس الشتا لجل العيال
      الله يسددلك خطاك .. اعطني مما عطاك
      واعتدل راعي الملايين الكثير في جلسته
      وعقد حجاجه ثم قال :
      ألا ما اثقلك واغباك .. ليه يا اخي ما تشتغل
      انت كسول .. ومستغل
      وطلّع من المحفظة فكّه .. رماها وقفل الشباك
      ابغى لسؤالي اجوبة ...
      ليه البر والتقوى .. مليان في جرايدنا ؟!
      وليه هموم هالشارع ؟! .. بعيدة عن قصايدنا ؟!
      ليه الفساد .. ليه الكساد ؟!
      وليه الحروب ؟! .. وليه الحسد مالي القلوب ؟!
      وشهو الجواب ؟!
      اتمنى انه مايكون المال هذا هو وسيلة ماهو غاية
      هذي الكلمة النبيلة .. اخترعها أغنيا
      لجل مسكينٍ شقى .. يرضى بقليلة

      وصدق انت او لا تصدق
      ماني الشخص المثالي .. كل مافي الامر اني شاعرٍ ماهو يبالي
      كان صار اللي اقوله علقمٍ او صار حالي
      كل مافي الأمر اني استريح .. لا مشابي مركبي عكس اتجاه الريح
      وما ابرّي من الخطى نفسي ..
      واللي اجاهربه مثل همسي
      صدق اني ماني الشخص المثالي
      كل مافي الأمر اني اجمع احساس الحواري وسط صدري
      وانقل الواقع لشعري
      كل مافي الامر اني شاعرٍ مطرود من جنة خيالي
      صدق اني ما قصدت اني اكون
      صوت للي مايبون
      صدق اني ماني الشخص المثالي
      والا تدري لا تصدق
      جت يداعبها الخجل قبل الكـلام لين ضاعت سالفتها من الخجل عز في همسة شفايفها السـلام كيف باقـي سالفتهـا تكتمـل في ملامحها تفاصيـل الغـرام وصمتها شوق واحاسيس وغزل جت تصب النور في وجه الظلام تهدي الخفاق لحظـات الامـل في شفايفها حديث الصمـت دام في حشاها جمر الاشواق اشتعل ودهـا مـره تنـادي للهيــام ودهـا لكـن يعاندهـا الثقـل غيمة العشاق وبـروق الغمـام لهفة المشتاق احلى من العسـل


    • [TABLE='width:70%;'][CELL='filter: glow(color=darkblue,strength=3);']
      أشكرك اخوي طارح الموضوع على هذه الكلمات الجميله في المعاني

      صدق او لا تصدق :
      كلامات القصيدة رائعة جدا


      مع خالص تحياااااتي

      $$f البرنسيسه$$f
      [/CELL][/TABLE]
    • كلمات جدا جميله من شاعرنا عبد الرحمن بن مساعد
      هذا حال واقعنا اخي موستانج

      تسلم على الكلمات :)
      أغنى النساء أنا لستُ ثرية بما أملك ثرية لأنّك تملكني أحلام مستغانمي أغنى الرجال أنت لست لأنك ثرياً بما تملك ثريٌ لأنك تملكني .. هكذا احببت صياغتها اكثر dabdoob :)
    • [TABLE='width:70%;'][CELL='filter:;']
      عبد الرحمن بن مساعد...
      ذلك الشاعر الذي يترجم احاسيسنا
      إلى كلمات وحروف تعبر عنها خير تعبير..

      المـــبــادىء
      بدء ذي بادىء ..
      هذا تعريف المبادىء ..
      كل وقت .. وله أذان ..
      الزمان .. غير الزمان ..
      ياكلام الليل .. يمحيك النهار ..
      باختصار ..
      المبادىء .. شىء تحكمه الظروف ..
      مثل طفل .. ترتبك في الحروف ..
      ما اجمل أغلاطة ..
      المبادىء .. للأسف ..
      كلمة مطاطه ..
      بدء ذي بادىء ..
      يا بايع إحساسك ..
      وش احساسك ..
      وأفكارك لغيرك ..
      ياشاري إحساسك ..
      وش احساسك ..
      واحساسك لغيرك ..
      ليتك توصف متعتك ..
      لاخذت من غيرك مشاعر ..
      تدري لو تقدر ترى ..
      ماهو بعيد تصير شاعر ..
      كيف الخلاص .. من ناس تغتال الشعر ..
      و حد القصاص في كل سرقة..البتر ..
      الا الفكر ..
      بدىء ذي بادىء ..
      هذا تعريف المبادىء ..
      يا بايع أموالك .. لفقرك ..
      وللعذاب اللي في بيتك .. ودمعة عيالك ..
      ليت توصف متعتك ..
      ليت أوصف ضيقتك ..
      لو جرى لك ..
      في القمار ..اللي جرالك ..
      ليت نعرف ..
      متعتك أو ضيقتك ..
      أيهم اللي بقالك؟ ..
      يا بايع أعصابك .. لخمرك ..
      ياكثر ماحرت بامرك ..
      يابايع الصحة .. لخمرك ..أو سمومك ..
      وش يفيد أني ألومك ..
      !كيف تلقى متعتك .. لا ضاع عقلك ..
      وبان بين الناس ذلك ..
      وكيف تسعد في شعورك ..
      وانت خارج عن شعورك ..
      يا بايع اعصابك و وعيك ..
      .ياللي تهرب في عذابك ..
      من عذابك ..
      لو بغيت في يوم ..
      تهرب من هروبك ..
      وش هو احساسك؟ ..
      بدء ذي بادىء ..
      هذا تعريف المبادىء ..
      !يابايع بلادك .. بكم كان الثمن؟ ..
      يا بايع بلادك ..
      انسى المباني .. والبيوت .. والحب الأول ..
      انسى غبار المدرسة .. و وجوه اصحابك ..
      انسى فؤادك .. وميلادك ..
      وارمي ورا ظهرك ..
      كل العبارات الكبيرة ..
      عن الوفا .. والتضحية ..
      وعن حب الوطن ..
      يا بايع بلادك ..
      لو كبروا أولادك ..
      وكان السؤال في عيونهم ..
      !سجنك وجلادك ..
      !"احنا يابوي من وين؟ ..
      !وش هو احساسك؟ ..
      يابايع آخرتك .. يالعاصي القاسي ..
      "..اسمع نصايح صاحبك " ابليس ..
      "لا تترك التدليس ..
      اظلم ولا تفكر في باكر ..
      هيم في العصيان جاهر ..
      واختار من بين الذنوب ..
      مايسعدك ..
      ولاسار عمرك للغروب ..
      لاتتوب ..
      لا تحسب للعمر ..
      ولا تفكر بالقبر ..
      ولا العذاب ..
      توك شباب ..
      هذي نصايح صاحبك ابليس ..
      يابايع آخرتك بدنياك ..
      لا عدمناك ..
      لو عدمناك ..
      وش هو إحساسك ..


      mustang40000
      شكرا لهذا الاختيار الموفق..
      [/CELL][/TABLE]
    • اشكركم اخواني على الردود الجميله منكم .

      اتمنا ان نستمر في هذه الساحه بالجديد ...


      اخوكم موستانج
      جت يداعبها الخجل قبل الكـلام لين ضاعت سالفتها من الخجل عز في همسة شفايفها السـلام كيف باقـي سالفتهـا تكتمـل في ملامحها تفاصيـل الغـرام وصمتها شوق واحاسيس وغزل جت تصب النور في وجه الظلام تهدي الخفاق لحظـات الامـل في شفايفها حديث الصمـت دام في حشاها جمر الاشواق اشتعل ودهـا مـره تنـادي للهيــام ودهـا لكـن يعاندهـا الثقـل غيمة العشاق وبـروق الغمـام لهفة المشتاق احلى من العسـل