دعــــــــــــوة للــــشــعــر والــــــشـــعــــــراء"

M'3trb كتب:

إذا خلـِّـك لقاك إن ضاق..ْولا ضقت إنت.. بك ما حسّ

وش اللي عـلــّقـك ويـّاه... غير إن الهوى ذِلــِّه ؟

أبو صالح جمَع أحباب قلبه عندهم فــي الــرسّ
وانا ما غير اجمِّـع قلبي اللي فارَّقــه خِـلــّـه !

لو ْايغيب الحزن لحظة .. لـقيـته فالـفرح مندسّ
عمى يعميه كــن الحظ تنقص طيـنــتـه بـلـّـه ؟!!

وحتى فاختباري كنت ابكتب No .. صارت .. yes !!
و (إسمي) .. صرت اغشــّه !! من كثر ما صعّبوا حلّـه

ذكرت الله وانا اهوجس ...... عسى ماهوب هذا مسّ ؟
أو احدٍ ما ذكر ربــي عليّ .. وعلــّتي عِـلــّـه ؟!

فـ رحت لألف شيخ ٍ ثــــم مريت اربعمْـيَـة قسّ ..
وصار ان البلا اللي فِـي ّ .. ماله للأسف مِـلــّه !!

بديت ابكي .. وقلت الحين وش لي بالكآبه بسّ
عساني مأنحرم مـــــن طيبة اهل المنتدى والله

وإذا إنــّي أمس مِت ّ.. وصاحبي في (عيشتي) ما حسّ

أجل بيحس بي لا ضقت !! قـلللعـة ذا الهوى كلـّه