لكل من أحب يوما بصدق أهدى هذه الكلمات
عشانك
عشانك أعدى بحر الخوف
شايل روحى على كفى
وآجى لك ونا ملهوف
ألبى الأمر وأوفى
أقدم لك قلبى وروحى
وأقول ياروحى مايكفى
وأطالع يا عينى نور عينى
وأشرب منها دوا يشفى
أشم العطر فى خدك
وأقول يا قمرى مين قدك
شعرك ليل هزته نسمة
راح باس ورود خدك
لجمال وجهك ما شافت عين
وأسكرنى جمال سحرك
دى نظرة منك بتحيينى
وأبيع الدنيا عشان خاطرك
وبسمة منك شمس تنور
وغار القمر من ثغرك
عيونك بحر... وليل ونهار
مستنى أنا على شطك
على خطوك رقص قلبى
وأشجانى جمال قدك
بحبك والله يا أحلى غرام
ودبت ومت فى حبك
وكل منايا أسعد يوم
وأعدى البحر وأوصلك
بقلمى
د/جميل حسن الشريف
وتقبلو أرق تحياتى
