نومي جفا جفني وجفني جفا النـــــــــوم
وأمسيت في ليعه وشايل همـــــــــــومـي
وأصبحت م الضيجات ما جادر آقـــومــــ
شفت العجايب يا الرفاقه وقــــــــــــــــومي
دهرٍ يـّذلل قوم ويعـّز له قــــــــــــــــــــوم
دهـرٍ يدور وكل ناسه خصــــــــــــــــومي
الجو لي غيـّم بيصحا م لغيـــــــــــــــــوم
ما يتـّم دايم مكتسي بالغيــــــــــــــــــــــومي
ولنسان لو يتعب بينهض وبيقــــــــــــــــوم
وبترد له الصحه بعد كم يـــــــــــــــــــومي
والطير لي متعّود(ن) دايم يحـــــــــــــــوم
عن عادته ما يصبر ولا يــــــــــــــــــرومي
ما كل من دّش البحر يعرف إيـــــــــعــوم
لي ما يعرْف له يغرق ولا يقـــــــــــــــومي
ولا كل من شال التفق صار قيـــــــــــــدوم
ولا كل قنـّيص(ن) يصيد لريــــــــــــــومي
من رابع ألأنذال بيصير مذمــــــــــــــــوم
ومن رابع السفهين بيجيه لـــــــــــــــــــومي
ومن جالس أهل العلم بيكون مكـــــــــــروم
ومن جالس ألأشراف صار مـْحشـــــــــومي
ومن رابع المجرم ترى يكون متهـــــــــــوم
لوهو بري با تلتصج به التهــــــــــــــــومي
والسّد مع لخيار محفوظ مكتـــــــــــــــــوم
ما يبيح سـدّه لو تقطعـّه السهـــــــــــــــومي
من يرتقي العليا يبا قوّة إعـــــــــــــــــــزوم
ما ترتقى العليا بخمول(ن) ونـــــــــــــــومي
وعهدٍ(ن) تعاهدبه ترى تكـون ملــــــــزومــ
إبـّه فلا تنقض لعهدك فيــــــــــــــــــــــــومي
البسمه ترى تصريح تعبر بها دوووووووم
تعبر بها قلب ألأنسان الجهـــــــــــــــــــومي
وإن جاك فاسق بالخبر ناقل علـــــــــــــوم
حذراك تتسمّع لناقل علـــــــــــــــــــــــــومي
وكرامتك والعرض إحذر بها تســــــــــــوم
في الحالتين المووووت صدق مْحتـــــــومي
وإعطي اللذي في دنيته صار محــــــــــروم
له وسط مالك يا أبن آدم قســـــــــــــــــومي
وإقنع ولد آدم ترى الرزق مقســـــــــــــوم
وإرضى بنصيبك لا تحمّل الهمـــــــــومي
وإذا بغيت إترابع إختار لقروووووووووم
ناس(ن) على الشدّات فيهم عـــــــــــزومي
لا تكون طمًاع(ن) وبالزود مغـــــــــروم
ولا تستوي جاير وشخص(ن) ظلومــــــي
هذي حقيقه وعند كل حــد معــــــــــلومــــ
إن القدر ما يجيك عـمـّا تــــــــــــــــــرومي
ماشي على مجراه يبقا ولك يــــــــــــــــدوم
إن دام وقت ولا بيقى لـــــــــــــــــــــــدومي
ولنسان من لخطاء ما هو بمعصــــــــــــوم
يا غير من نـّزه إلهّن رحــــــــــــــــــــومي
هذي نصايح صغتها فعقد منظـــــــــــــــوم
ويا سامعي إعذرني ولا تلـــــــــــــــــــومي
لكن بوضع بالغزل سلك ملغــــــــــــــــــوم
ما يشفي المحروق كي الوســــــــــــــــومي
الشمس ترها تظهر إمبين لغيــــــــــــــــوم
وعمر القمر ما عوّضته النجـــــــــــــــــومي
و
حتـــــــــــــــى إشعار آخر
: 
: