يوم 20 يناير كنت بقول اننا مش زي تونس
النهاردة 12 فبراير
احنا فعلا مش زي تونس
احنا قدرنا في 18 يوم اننا نخرج مبارك من مصر
احنا مات مننا كتير
احنا اتجرحنا و اعتقلنا و اتكهربنا
احنا فعلا تعبنا
ربنا مضيعش تعبنا ده
انا مش بفكر اني اكتب كلام كتير
لكن انا حابب اقول انه لو كان في حاجة اسمها مستحيل ...
فاحنا المصريين .. قضينا عليها تماما
انا فخور اني مصري
انا فخور اني كنت في الميدان من يوم 31 يناير
انا فخور اني اعتقلت في الثورة المصرية و كنت واحد من اكتر من عشرة مليون واحد فيها
انا فخور فعلا بنفسي
و فخور جدا بكل واحد شارك في انه يقرر مستقبله و مستقبل أولاده
انا فخور بوائل غنيم
بمصطفى النجار
بعبدالرحمن منصور
بنوارة نجم
بعبدالرحمن فارس
انا فخور بالجزيرة
فخور بكل صحفي ساندنا كمصريين
انا فخور بالجيش اللي فعلا لم يسرق الثورة
احنا عملنا حاجة كبيرة اوي
و ان شاء الله لسه اللي جاي احلى
شكرا يا مصريين
انتو علمتوا العالم ازاي ممكن يعيش .. و اديتوا الناس كلها المفتاح في كلمتين
الشعب يريد