يرضيج

    • يرضيج

      محبوبتي ان كان يرضيج تعذيبي
      ترى غيابج بي سوّى الهوايل

      مارد عنّج و كل الناس تدري بي
      و يحس من شافني بالحال مايل

      ردي عليه غناتي بس روفي بي
      و العين ذبلت من دموعٍ همايل

      يرضيج تشمت عذّالي بنحيبي
      و تقول غير الهم م انته بطايل

      ما همني قولهم لكن عيبي
      كيف اخفي دمع على فرقاج سايل

      و اوتار قلبي تنادي استجيبي
      فاض البريد و مل كثر الرسايل

      ولا خبر منج و قلبي عطيبي
      لا ليل اهنا به ولا في القوايل

      كني بيه مس به مستصيبي
      اهذي و انازع أقاوم و احايل

      من دون فيده يا داي و طبيبي
      غير الليالي السود ما لي نوايل

      دخيل ربج يكفي ما يستوي بي
      يا ويل حالي ما بقت لي وسايل

      ضاقت علي دنياي من لي يثيبي
      من لي بعدهم يوم الحظ مايل

      الرمسي 2000#d

    • [TABLE='width:70%;'][CELL='filter:;']
      و اوتار قلبي تنادي استجيبي
      فاض البريد و مل كثر الرسايل

      ولا خبر منج و قلبي عطيبي
      لا ليل اهنا به ولا في القوايل


      اذااا كانت تحب بصدق بطبع لن يرضيهااا .. شاااعرنااا ..
      الرمسي ..
      واااصل معنااا ..
      فالأبياااتك مذااق خااص يطرب النفس ..
      لك تحية .. مخلصة ..
      [/CELL][/TABLE]

    • [TABLE='width:70%;background-color:transparent;background-image:url(backgrounds/15.gif);border:3 ridge skyblue;'][CELL='filter:;']


      ما عاد تفيد الرسائل..
      ولا حلو الكلام ..
      وزين الحروف..
      قلبي عن قلبك..
      خلاص يا عمري مال..

      الرمسي

      تبدع حين تصور حالات الشوق..
      تبهرنا حروفك.. لنشتاق لمن نحب..
      لمن ودعنا ورحل..
      فلا تدعنا حروفك..
      إلا بعد أن نرسل حروفنا في أثر أحبابنا..

      تحياتي لك..

      [/CELL][/TABLE]