ياما في حياتي وانا نايم حلمت بكوابيس أشكال وألوان ، وبمجرد ما أفتكر سيرة الكوابيس بفتكر أشهر كابوس في حياتي "كابوس الضحكة المرعبة اللي طالعه من الكابينيه الأبيض المضيئ" !
لكن قبل ما اكتب البوست ده مريت بتجربه أول مره أمر بيها في حياتي وانا نايم ، بالتأكيد هتعدي مرور الكرام زي غيرها وهنساها ، لكن بتمنى إنها متتكررش خصوصاً لو في يوم من الأيام شائت الأقدار وكنت عايش لوحدي في البيت.
مش غريب أبداً لما أكون بحلم بكابوس وممكن أكون عايش فيه كأنه واقع حقيقي بكل حواسي وجوارحي ، خصوصاً إنه أحياناً في بعض كوابيس ممكن أكون مدرك إني نايم وبحلم بكابوس دلوقتي بس مستني اللحظة اللي هصحى واخلص فيها منه !
الكابوس أحداثه كانت بتدور جوه البيت لكن الكابوس في حد ذاته مكانش عصيب بقدر الحالة اللي كانت بعد الكابوس ما انتهى والمفروض بقى إني أصحى.
- الحالة بدأت بإني لقيت نفسي واعي بأني في الأوضه بتاعتي وعنيا مفتوحين وان الدنيا ضلمه ، وسامع صوت المروحه اللي شغاله جنبي وحاسس بالهوا اللي جاي منها ، لكني مش شايف حاجه ولا قادر اتحكم في جسمي عشان اصحى واقوم من السرير بقى واتنقل من حالة اللاوعي لحالة الوعي وزي ما اكون وقفت لحد النقطه دي والكابوس اتحول بيا لحقيقة لا انا عارف أكون نايم ولا عارف اكون صاحي ، وفي نفس الوقت الخطر اللي بيهددني في الكابوس مازال قائم ، حاولت أدفع نفسي إني ادوس على المروحه عشان أقفلها لكن كأن في قوه اكبر مني مكتفاني وملجمه لساني إني أعرف انطق مظبوط ، فبدأت أصرخ وانادي على بابا أو على اخويا علشان حد يساعدني اخرج من الحاله دي ، حتى مكونتش قادر اطلع الألفاظ صح والغريبه إني كنت سامع صوتي وكأني بصرخ وانا صاحي لكن مش فاهم انا مالي بالظبط ؟ في عفريت من اللي كنت بحلم بيهم دول مسيطر عليا وللا ايه ؟!
استمريت على الحال ده تقريباً والله اعلم لمده دقيقة أو دقيقه ونص لحد مالقيتني زي ما كون طلعت من جوه إزازه والقوه اللي كانت مسيطرة عليا دي سابتني ، ولقيتني برفع إيدي وبدوس على المروحه وبطفيها ، بدأت اغير النبره اللي كنت بصرخ بيها علشان أتأكد إن مازلت قادر على السيطره على نفسي ولقيتني فعلاً قدرت استعيد وعيي.
فوقت بعد كده من الانهيار اللي كنت فيه مش عارف حتى استعيذ من الشيطان ولا عارف انطق حتى ، فقمت من السرير وبصيت لقيت كل اللي في البيت نايمين قولت الحمد لله.
بعد اللي حصل ده ، كان فاضل على صلاة الفجر حوالي نص ساعة ، دخلت خدت دش ساقع يمكن ينشط جسمي وذهني ويخرجني من حالة الانهيار اللي انا فيها دي ونزلت صليت الفجر الحمد لله ، وقولت يمكن ربنا قدر كده لأني بقالي كتير جداً مصليتش الفجر في الجامع.
المصدر :انسان نادر
¨°o.O ( على كف القدر نمشي ولا ندري عن المكتوب ) O.o°¨
---
أتمنى لكم إقامة طيبة في الساحة العمانية
---
أتمنى لكم إقامة طيبة في الساحة العمانية
وأدعوكم للإستفادة بمقالات متقدمة في مجال التقنية والأمن الإلكتروني
رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
والكثير من أسرار التقنية في عالمي الثاني Eagle Eye Digital Solutions
رابط مباشر للمقالات هنا. ومن لديه الرغبة بتعلم البرمجة بلغات مختلفة أعرض لكم بعض
المشاريع التي برمجتها مفتوحة المصدر ومجانا للجميع من هنا. تجدون أيضا بعض البرامج المجانية التي قمت بتطويرها بذات الموقع ..
والكثير من أسرار التقنية في عالمي الثاني Eagle Eye Digital Solutions
: 
: 
: