السلام عليكم ورحمه الله وبركاته
صبآآحكم الله بالخير
اخباركم ان شاءالله بخير
مالكم بالطويله دايرين ندخل طوآآلي في القصيدة

العشق رهاوي وين مزلاجه
.........................ابقفله واحرم اللي بالهوى سالي



مهي غبيطه ولاكن حب بأزعاجه

......................من شان يعرف مذاق المر والحالي



يا ذياب شفت العنا والرجل دواجه

........................درب الهوى غرها وانا على فالي



ما كنت احسب البحر يشح بأمواجه

....................مثل اللذي شح في وصله وهو غالي



فرقاه في خافقي كالنار وهاجه

.........................ما تنطفي دام طيفه واقف اقبالي



يا ذياب انا اذكر كلامه بأخر مواجه

........................واذكر دموع الغلا كالسيل همالي



واليوم دربي لقيته طافي اسراجه

...........................من غاب عني لقيت الهم نزالي



بين الضلوع العطيبه صار منهاجه

........................ينثر سمومه على هونه ويختالي



هجره كواني وانا بالحيل محتاجه

...........................وفي كل دقه يهز القلب جوالي



جرح الهوى لاعني وادور اعلاجه

....................يا ذياب ما غير وصله يطرب احوالي



مدري تلوم الهواوي كل ما هاجه

........................ذكرى وليف(ن) عليه القلب ميالي



والا يجيك الهوى ينكث لك ادراجه

......................ويحيي جروح(ن) دفينه مالها والي



ونرثي زمان(ن) مضى ونفلل ابراجه

.......................ونقطف ورود الحزن بأوله والتالي