اخترت الموضوع مدمن كبسه حتى اجذب اكبر عدد ممكن حتى تعم الفائده
السالفه ياشباب وبنات تبداء من ان الوالده الله يطول عمرها وجميع من يقراء على طاعة الرحمن
في يوم من الايام زعلت علي وخلتني اروح للجامعه بدون فطور وانا على احرمن الجمر ابي المحاظره
تخلص ميت من الجوع المهم انتهت المحاظره وعزمت واحد من الشباب معي مو حب فيه بس
ابيه يروح معاي نتغداء ههههههه
وطلعنا لاحد المطاعم وطلبنا واكيد طلبنا كبسه اخوكم سعودي الكبسه عنده اغلى مافي الوجود
تغدينا وبصراحه الاكل كان كثير حاطيني المطعم الله يهديهم اكل يكفي ثلاثه معنا والحال
على الجميع من في المطعم اللي باقي النص والي ثلاث ارباع الاكل باقي بصرحه خفت على
هالنعمه وين بتروح المهم عند المحاسب اخوكم شوي متطفل سألته وين تروح هالنعمه
قال بكل برود:نجمعها وفي نهايت الدوام نكبها في الزباله(بصراحه وقف شعر راسي)
قلت:ماتخاف ربك هاذي نعمه وتكبها في الزباله
قال:وش تبيي اسوي فيهــا
قلت:انت رجال واتوقع منت صغير علشان احد يعلمك فيه الف طريقه وطريقه اقلها حطولكل طلب
بقدر الحاجه واذا بغوا الزباين زياده مافيه اي مانع انك تزوده او فيه كثير من اصحاب المزارع
اللي عندهم حيوانات هم بحجتها وللك اجر
خلاصة الموضوع:
ان الله منعم علينا بنعم كثيره ومنها الاكل يااخواني لازم نحافظ عليها والا زالت من عندنا
(ولان شكرتم لازيدنكم)
والشكر مو بالقول وبس لازم فعل يدل على شكرنا لله على النعمه وفيه الف فعل بقدر اي شخص
يسويه ولايكلفه شي منها النعم اللي تكون في الارض سوا في البيت من الاطفال او في الطريق
من الاشخاص الغير مبلاين نرفعها ونحطها في المكان المناسب وحنا عرب الكرم صفه دايمه
البيت على الاقل يمر عليه عدة عزايم في الشهر فيه جمعيات تاخذ المتبقي وتعطيه الفقراء بعد
ترتيبه و لاتكلفون على عمركم اتصلوا على اقرب جمعيه وهي تجي
اسف على الاطاله بس الموضوع يستاهل اكثر من كذا
: 
: 
: