أبد لاتسألني بغربتي عن آخر الأخبار,,,

    • أبد لاتسألني بغربتي عن آخر الأخبار,,,

      أبد لاتسألني بغربتي عن آخر الأخبار
      عمت عين السفر دامي أذوق المر من كاسه!

      شحن جهازي أنهيته ...!! أقفّل .. وافتحه أمرار!!
      قسم لولا رسايلنا .. حبيبك قاتله ياسه!


      على برد السنه هذي ذكرت المدفأه والنار
      وشال من الفرو كل ما لمس يد صاحبه باسه


      فقدتك والدمع لامن ذكرتك يفضح الأسرار
      ولا أشره على وقت ٍ به الأيام دساسه


      أسلي نفسي بكثر الأماني.. واليدين قصار
      وأنام وربي العالم وش اللي خاطري حاسه!!!


      كأني من ملك أسهم يبي تضحك له الأقدار
      وقدّم كل ماعنده.. وفجأه أعلن إفلاسه!!


      كأني طالب بغربه.. تذكّر عيلته والدار
      وهو كل ماذكر أمه! ملا هالدمع كراسه


      أعاني كثر ماتملك ومالك بالحشى تذكار
      و(أحبك) والبلا حبك أبد ما أملك قياسه


      جعل في داخلي عرق ٍ سمع بك يا الغلا ماثار!
      يموت.. و وش لي بعرق فوصالك تعب إحساسه


      حياتي تسأليني عن جديدي بالشعر وأحتار؟
      وش أكتب لك شعر وانتي غديتي اليوم نبراسه!


      ولكن أوعدك شعر ٍ لاقوله يتعب الشعار
      متى ماشفتك وموعد لقانا دقت أجراسه


      لأن مافيني أتحمّل بعادك في سفر وانهار
      عسى الله لايعيدها مسافة .. ولو هي كانت دراسه!!!


      رااقت لي واتمنى ان تنال اعجابكم :P
      آلحبٌِ ليَس صورة ملونه ولآ رسآلة مزخرفة الحب : أسطورة تعجز البشرية عن إدراكها إلا لمن صدق في نطقها ومعناها ,,, وهو عطراً وهمساً نشعر بسعادته إذا صدقناه في أقوالنا وأفعالنا ,,, بالحب تصبح الحياة جميلة لكي نحقق أهدافاً قد رسمناها ولكن ما يقلق العاشقين فقط هو : احتمال أن تكون الأقدار تخبئ لهم فُراقاً لم يكن في حسبان أي منهم

    • زهرة صباح كتب:


      كلمات جميلة

      يسلموو اخوي


      الله يسلمج اختي وشكرا على المرور الطيب
      آلحبٌِ ليَس صورة ملونه ولآ رسآلة مزخرفة الحب : أسطورة تعجز البشرية عن إدراكها إلا لمن صدق في نطقها ومعناها ,,, وهو عطراً وهمساً نشعر بسعادته إذا صدقناه في أقوالنا وأفعالنا ,,, بالحب تصبح الحياة جميلة لكي نحقق أهدافاً قد رسمناها ولكن ما يقلق العاشقين فقط هو : احتمال أن تكون الأقدار تخبئ لهم فُراقاً لم يكن في حسبان أي منهم