ما يمشون الا بالحيلة :s سعود شاب ذكي ونشيط ومن اسرة ميسورة... كان طالب في الجامعة... وكان متحمس يتزوج... بس كل ماقال لاهله يخطبون له تتريقو عليه وهزأوه... وخصوصا ابوه... حاول يقنعهم من هنا ويجيهم من هنا ما عرف... كل ما فتح الموضوع هزأوه انت يالبزر تبي تعرس انت يالبيبي... عشان نذاكر لك زوجتك... منهي اللي تبيك وانت تاخذ مصروفك من ابوك... وعلى هالسيرة يوم مل منهم اسطوانتهم وعجز لا يقنعهم قال مالي الا الحيلة... دخل على امه مرة وهي تصلي العشاء في غرفتها وجلس على سريرها يسولف معها شوي وتمدد عالسرير وسولف لين جاه النوم ونام على سرير امه... جا ابوه في الليل بينام... وقعد يصحي فيه يصحي بس ماعنده احد... عيا سعود لايقوم... استسلم الاب واخذ مخدته ونام عالكنبة... والام نامت عند وحدة من بناتها... جا اليوم الثاني بعد صلاة العشاء وينصى سعود غرفة امه وابوه في نفس الموعد ويسوي نفس الخطوت اللي امس ويغطس على سرير امه وابوه... ويجي الاب مسكين مهدود حيله بينام ويصحي فيه ويعيي لا يصحى... المهم قعد سعود على هالحالة 4 ليالي وهو ماينام الا على سرير امه وابوه يوم جا اليوم الخامس ويدرعم لغرفتهم بينام على العادة بس هالمرة لقى ابوه سابقه ويستناه ولقاها موصلة مع الاب
خير وش جابك اشف طالت وشمخت
خير يبه فيه شي
اشوفك دليت الغرفة جاز الوضع استح على نفسك رقبتي لها يومين منعسرة من نوم الكنب وانت تضحك
افا نايم عالكنبة يبه؟!
مسوي ماتدري يحق لك خامد في سريري ولا تدري عن شي لكن انا دواك
طب كان نمت في سريري
لا والله مابقى الا تدبرني بعد؟
لا العفو يبه
يلا اشوف طس لسريرك
لوين يبه؟
لغرفتك ورني عرض اكتافك
بس يبه
وش بس
انا بصراااااحة بصرراحة ابي امي تجي تنام معي
خير يا ولدي وش فيك
مافيني شي يمه لا تخافين بس تقدرين تقولين جايتني كوابيس هالايام وصاير اخاف انام لحالي فابيك الله لا يهينك تجين وتنامين معي ولا انا انام هنا عندكم
اقول اعقل الله يقطع ابليسك رجال هذا كبرك وتبي امك تنام معك ماتبي الرضعة بعد؟ لحد يسمعك بس الله يخلف على امن جابتك امثالك الحين معرسين وعندهم عيال وانت تبي امك تنام عندك الله يخلف علي بس
وين يبه انا توني صغير انت شايفني رجال؟
رجال وستين رجال
هه شفت يبه هذا انت قلتها بعظمة لسانك انا رجال كبير واللي قدي
متزوجين يعني افهموها واخطبو لي
اقول يا ام سعود ماعقب ذا شي اخطبي له خلاص
وخطبو له وتزوج وحقق اللي يبيه بالحيلة خخخخخ بس والله يعجبني...
وسلامتكم منقول
: 
: