وعليكم السلام ورحمة الله وبركاته
حياك الله اخوي
طبعا مستعدين للانطلاق
قصدي للمشاركة

لكن انتظر عودتنا

عشان نمر على الساحات التعليمية قطعنا عنها فترة

والطلاب والطالبات مايصير يذكروا مواقف طريفة حصلت معهم؟؟؟؟؟؟؟؟؟؟؟؟

أنا لو باذكر مواقف حصلت لي اثناء سنتي الاولى كمعلمة مجال ثاني حلقة اولى.. باحتاج لمجلدات.

ننتظر تواصلك

عاطر التحايا لك

في أول يوم للدراسة كنت مارة بالممر وطالبات صف أول شالات الكتب على صفهم الا وشوف البنت سايرة على الباب الخارجي والحق عليها على وين بنتي على وين
أستاذه أنا رايحة الفصل لا من هنا عمري مو من هناك بتصيري في الشارع
بس من صدق هم أحباب الله
من بعيد لبعيد

جديد

لا تذكرني ايام الطفولة

عاد الحين اني كبرت صرت بالجامع وحليلي كح كحكحكحكحك كحكح

تدري انها احلى ايام

مره في المدرسة

كنت أمشي في الساحة

وانا منزله راسي على الأ رض


ما كنت منتبه ودعمت في


العمود مال مظله هذا لما


كنت في الإبتدائي الحين كبرنا عاد



صرنا في الإعدادي أوين يقولوا.

يوم الثلاثاء الماضي.... كنت أمشي راجعة من المقصف أثناء الفسحة بعد أن ابتعت عصيرا، إلى غرفة المعلمات.
و كما تعرفون هناك سلال في ساحة المدرسة لوضع المهملات. و كنت أمر بإحداها.

و فجأة رأيت شيئا ما يطير في الهواء و يصيبني ...

لم استوعب ما اصابني بسرعة . شهقت بصوت عالي من صدمة البلل!!

تطلعت الى ملابسي فوجدتها ملطخة بلون أصفر، لون حليب" الصفوة بالموز"

رفعت رأسي و عيوني تلتهب من الغضب الى الطفل الذي كنت ضحيته، فوجدت انه من الصف الاول ، و انه كان ينوي القاء علبة الحليب المملوءة تقريبا في سلة المهملات و لكنه اخطأها و القاها خارجها و تحديدا أمامي!!!

و التم الطلبة و الطالبات حولي، المنظر كان جميل جدا !!!

كان يبتسم ببلاهة و هذا ما زاد من غضبي ، الا انني تعوذت من الشيطان و قلت انه طفل صغير و لا يقصد..

ذهبت اليه و صرخت قائلة ان يعتذر الا انه لم يفهم فقلت له : قل أنا آسف.

نظر الي ببلاهة!!!

فأعدت عليه الكلام.

و اخيرا نطقها بعد ان رأى غضبي و بدأت ملامحه تدل على انه سينفجر في البكاء.

تنهدت و قلت له اذهب و المرة القادمة انتبه.

ذهبت مسرعة قاصدة دورة المياه. اعترضتني احدى امهات الطلبة لتسألني عن مستوى ابنها الا انني قلت له : الا تنظرين كيف هي حالتي؟؟؟ اعذريني رجاء

غسلت ملابسي و ارتديت عبائتي و خرجت.

بصراحة كان يوم عصيب و غيرها من المواقف كثير..

صراحة لم يحدث لي اي موقف لحد الآن ....
الحمد لله
لأنها بعدي هذه اول سنة لي في التدريس
لكن اذكر موقف حصل لمعلمة عندنا في المدرسة
كان في يوم من الايام قالوا ان المدير العام جاي للمدرسة
وكانت المدرسة شويه فيها هيلة (ازعاج)
وحتى الطلاب الموجودين حسوا بهذا الشيء !!!!!!
حتى ان واحد من الطلبة جاء لهذه المعلمة وهو واضع طرف دشداشته على فمه وكان خائف ويقول ابله اليوم جاي المدير
وفي مرة أحد طالبتي بالصف (الثاني الاساسي)
تقول لي : ابلة اليوم أنا ابلة وانتي جلسي مكاني
صراحة استغربت من كلامها .
وبعدين هاديته شويه الى ان رضت تجلس مكانهعا وابدأ في شرح الدرس
بعدين عرفت ان هذه الطالبة مستواها مو الى ذيك الدرجة (يعني فيها ربشة )




تحياتي لكم

أختكم وردة النرجس

كنت انا نائم في الفصل في حصة العربي وكنت ما عارف انه المعلم
جاءي وجاء احد من الطلبة وعقني بحصاه في الظهر وكان المعلم يشرح ...........
جيت انا وانهضط من رقادي وتكلمت ايهههههههههههههههه تو انته مالكم
بعدين شفت الاستاذ واقف امامي مصطلب ويحورني تعرفوا مو قالي قال :
طلع خارج بسرعة وطلعت وانا كما السكران معصب فوووووووووووووووووووووول
ورحت اشرب ورحت المكتبة مال المدرسة وفتحت كومبيوتر
كان الكومبيوتر الي فاتحنه خربان وقالوا انا مخرنه
قلت لهم زولوا من هنا
ورحت
خارج المدرسة
وكان هذا اليوم اكره يوم عندي في المدرسة %%%%%%

وشكرا

السلام عليكم

حدث لي موقف من فترة بسيطة في المدرسة

كان الجرس ضارب وكنت رايحة على حصتي في الصف الحادي عشر

وأنا في طريقي وقفتني طالبتي وتقولي أستادة بتجينا؟؟؟ قلت لها أكيد ليش ما أجيكم؟؟؟؟؟؟؟(أنا بروحي مستغربة)

قالت:أستاذة قالولنا إن عندك مشغل وما راح تجينا.فقلتلها روحي عاد ألحين بجي.

(( وفي الحقيقة من أيام المديرة ضايفتلي حصص التاريخ للحادي عشر بسبب مرض معلمتهن وأنا تخصصي جغرافيا

يعني تخيلوا أدرس منهجين في الحادي عشر تاريخ مع جغرافيا ))

نعود للموقف لما قلت للبنت روحي بجيكم دخلت أنا على غرفة المعلمات وأنا معصبة وما منتبهة من موجود في الغرفة

وما انتبهت لغمزات زميلاتي وأقول (المديرة زايدتني حصص تاريخ والبنات بروحهن يبن فكة وتقولي علميهن ) وإذا

بالمديرة تفاجئني بصوتها وتقولي إيش صاير ؟؟؟ ومن المفاجأة قلت لها بكل براءة (( إنتي موجودة ؟؟))

بعدين خليت نفسي عادي وشرحتلها الموقف مرة ثانية .

ومر الموقف

السلام عليكم ورحمة الله وبركاته

عذرا على اللقافة
انا لست من المعلمين ولاالطلاب ولكني كنت طالبا منذ عدة سنوات وبصراحة حبينا نشارك في موضوعكم

من زمان يوم كنت طالب في الإبتدائي كنت واقف جنب طفاية الحريق في المدرسة وأسولف مع ربعي وبدون قصد خليت يدي على طفاية الحريق من نوع الباودر الأبيض وعينك ما تشوف الا النور وما ادري ويش صار الا والطفاية تنفتح وترش المكان وانا وربعي بالبودر الابيض وما يحتاج اخبركم عن الصوت اللي كنه زئير أسد. بصراحة انا طاح فوادي من الرعب واكثر خوفي كان من العقاب الأليم اللي ينتظرني
بس والله الجماعة طلعو طيبين ومشو الموضوع بدون ضرب ولا توبيخ لأني كنت طالب شاطر. الله يجزيهم خير.
ومن ذاك اليوم كل ما عيني تشوف طفاية استعيذ بالله من الشيطان الرجيم.


هاذا اللي عندنا اليوم ومنكم السموحة.
واتمنى من المعلمين يراعو الطلاب في مثل هالمواقف. ترى والله راح يدعون لكم طول عمرهم كلما تذكرو الموقف

أخوكم البطل
الفتى العماني الحر :110103_po

بصراحة مواقف لا تحسدن عليها

وخاصة موقف سماء الأمل


ساعود لا حقا عزيزي الجهوري

كنت أشرح للطالبات وكنا نفسر بعض الكلمات الصعبة ونكتبها على السبورة ونكتب معناها وكان هذا بالتحديد في شهر رمضان ولحد ما وصلنا لكلمة برهان وكتبت معناها لطالبات وهو : حجة ودليل المهم بعض الطالبات من كثر الجوع كلمة حجة قرأنها جحة ( بطيخة ) مسكينات تراهن جوعانات

وفي موقف آخر لكن هذا لما كنت طالبة بالصف العاشر كانت معلمة الأحياء تشرح لنا الدرس وكان عن البرمائيات المهم سألتنا سؤال وقالت : لماذا ترجع الضفادع إلى الماء بعد ما كبرت وخرجت إلى اليابسه ؟
السؤال بالنسبة لنا كان فيه شوية صعوبه المهم ولا طالبة رفعت إيدها عشان تجاوب زميلتي إلي جالسة جنبي قالت لي : أكيد إنت عارفه الإجابة تراكي شاطرة بسرعة خبريني ... قلت لها ما أعرف .. لكنها أصرت .. وعشان أتخلص من كثرة إلحاحها لي قلت لها : ترجع الضفادع للماء عشان تذكر طفولتها .. وما ألقى زميلتي إلا رافعه إيدها وتقول إستاذة أنا أعرف الإجابة .. أما أنا فبهت لوني وقلت في نفسي هذي أيش تريد تقول .... قالت لها الإستاذة تفضلي.. أجابت :عشان تذكر طفولتها ..... وأنفجرن الطالبات والمعلمة من الضحك ... وإستاذتنا كانت رقيقة جدا والمسكينة ماقدرت تكمل الدرس من الضحك !!!

أختي الحزن الدفين ذكرني موقفك وإنتي طالبة أيضا بموقف صار عندي وأنا طالبه في الاعدادي كان عندنا حصة تاريخ والمعلمة شديدة ومن النوع العصبي وكانت طارحة سؤال ( نسيته ايش هو ) وما عرفنا الجواب وزميلتي اللي عندي تسألني عن الجواب كعادتها وقلت لها (( النقيب خلفان ))" لو تذكرونه إللي يطلع في مجلة ماجد " كنت أضحك عليها لما قلت لها بهالجواب وما كنت أظن إنها بتصدقني وبترفع إيدها. لكن رفعت إيدها وتريد تجاوب ومصدقة والحمدلله إن المعلمة ما خلتها وإلا كنت أنا بموت من الضحك والنزاعة بتنقلب علي.

طلعوا حركاتكم يالمعلمين والطلاب طلعوا ..

المديرة):

ههههههه تسلمون عالمواقف ..لا و طلعوا المدرسين سوالف..

أكيد مواقف كثيرة محرجة ومضحكة مرت معنا لكن نسيناها

لما بتمر على الذاكرة بنعطيكم إياها

طلعوا إللي عندكم.

سلام...

كثيرا ما تكون اجابات الطلاب في الامتحان من اكثر الامور المضحكة بعد ان نكون قد سلمنا جهودنا و تعبنا فيهم لله!!

من بعض الاجابات المستحيلة المضحكة التي قرأتها:

سؤال وضعتُه في مادة العلوم للصف الرابع الأساسي:

السؤال يقول: اذكر تجربة توضح فيه انكسار الضوء تحت الماء.

و كانت اجابة طالبة مصرية دائمة السرحان:

"1- نضع القلم في كأس مملوء نصفه بالماء."

" 2- تسمع صوت شديد و فرقعة انكسار القلم."

3- ترى القلم منكسرا في الكأس !!!!!!

اذكر اني بكيت من كثرة الضحك، بعضها دموع قهر !

م. الجهوري كتب:

السلام عليكم دخلت لابد وان تشارك .... اتمنى من كل مشارك من الاخوان المعلمين والمعلمات ان يذكر كل منهم موقف ظريف حصل معه في المدرسه او المديريه او الوزاره مهما يكون هذا الموقف من معلم او طالب او مدير او ولي امر وغيره سلملم ارجو المشاركه

[color=990066]

هذا الموقف حصل معاي أول ما تعينت .

طالبه بالصف الأول الإبتدائي ما رضت تجلس بالصف كله تبكي وتبي تروح البيت ؛ وحاولت أسكتها بكل الطرق ماشي فايده
فقلتلها : شوفي في حمار عند باب المدرسه إذا سكتي بوديش تشوفي بعد الحصه ... ياربي أنا إيش اللي خلاني أقولها كذي ... والله عبالي تنسى بعد الحصه .

عالعموم سكتت البنت .
وأول ما خلصت الحصه كان تقولي أبله وديني أشوف الحمار ... ورطه صراحه قلتلها حبيبتي الحين الحمار راح عشان ينام
وبدت تبكي مره ثانيه... سببت لنفسي مشكله ثانيه ...
والله ما قدرت أسكتها . [/color]

هلا فيكم هذي أول مشاركةلي:
صار معي هذا الموقف لما كنت في التربية العملي في واحد تلميذ قلتله يجيب حيوانات صغيرة عشان اليوم المفتوح وأول ما وصلت الصبح وسمعت صوت ما توقعته جايب تيس ومسكين كان يصرخ طول اليوم لين رحموه ورجعوه البيت ........وما صدقت يوم افتكيت منه جا غيره جايبلي حماررررررررررررررر...................

انا صار لي موقف لما كنت طلب بالثاني ثانوي

كنت بالاختبار النهائي وعلى ايامنا كان يرفق بورقة الاجابه ورقه صغيره مدبسه بصوب واحد

هذي الورقه تكتب فيها بياناتك ورقم الجلوس

انا خفت لاتطيح هالورقه وكتبت اسمي على ورقة الاسئله وكتبت اليوم والتاريخ والوقت وكتبت السنه الدراسيه

وبثاني يوم ما اشوف إلا مجموعة اساتذه دخلو علينا وقالو وين فلان

انا خفت وقلت لهم انا انا ايش هناك

فقال استاذ عماني والله كان يشلخ يقول ليش كاتب لي تاريخ ميلادك ورقم تلفونك ومدري ايش

انا قلت ما كتبت بس كتبت اسمي وبياناتي عشان ما تضيع ورقتي

فعصب وقال ممنوووووووووووووووووووع وطلع

هههههههههههه