المؤمن بالله كتب:

أعوذ بالله من قولة أنا، بس ياجماعة اليوم مع القهوة الصباحية، خطرت لي شي فكرة كثير أورجينال، وحابب أسمع رايكن فيها، مثل ما بيقولو "ما خاب من إستشار!".
بعد ما أحد الاخوة مساه الله بالخير كتب مقالة عن صفع الرءوساء والحكام وهيك شي، قعدت فكرت بهالموضوع ولقيت حل أحسن، إيه والله ويحفظ كرامتنا وكرامتهن إن كان عندهن شي منها، جماعتنا أفسدوا المؤسسات العسكرية ببلادنا، وبقت مو أكثر من وكلات تجارية إيراد وإستيراد، يعني الانقلابات منها ممكنة بفضلهن، ساق الله على إيام زمان لما عزرائيل كان بيخلصنا منهن، اليوم طلعونا بحكاية توريث أبناءهن، يعني مالنا خلاص منهن.

لهذا، فكرتي بسيطة، تعوا لنعملن مستشارين إلنا، ونعطيهن إمتيازات وأموال، ويبقوا بس صورة، مابدنا نحبسهن ولا نقتلهن، إية نشاورهن في أمورنا المصيرية، وشو ما بيشيروا علينا نخلفه، لأنه جماعتنا عندهن غريزة أصيلة لاختيار الخطأ، يعني مثل النسوان شاوروهن وإخلفوا شورهن. وبهيك بتنصلح أحوالنا، شو رايكم؟