الحــــزن
الحزن سجل أسمي في طـرف دفتـره
....................... وكل منهو صدفنـي يفتكرنـي سعيـد
ذاب صوتـي قبـل لايصـل الحنجـره
....................... وذاب كل الحكي مني .. وذاب القصيد
ان بغيت الحكي صار الحكـي ثرثـره
....................... ولابغيت السوالف صرت اردد وأعيـد
وان كتبت القصايـد صـارت مكسـره
....................... ولاتخاطبت مع فكري .. لقيتـه بليـد
وان عرفت الطريق .. أضيع في اخره
....................... ولامشيت الطريق أمشي على مايريـد
وان بغيت الفرح حزني يقـول أذكـره
....................... صار عمر التعاسه مع خفوقـي مديـد
أحسب حساب فكري .. وأكسره وأجبره
....................... واخر حساب فكري صرت انقص وأزيد
هـم قـلبـي كــثيـر .. واه يـامـكـثـره
....................... كــل مــاراح هــم ٍ.. حـل هــمٍ جـديــد
الـدروب بعيونـي كلهـا مسـكـره
....................... وباقي(ن) قدم عينـي بـس درب(ن) وحيـد
درب واحد .. يوصلنـي الـي مقبـره
....................... ولاتقدمت خطوه صـار موتـي اكيـد
والسبب من زمانـي شايـل(ن) خنجـره
....................... كـل ماقلـت هـون يازمانـي يزيـد
الزمن مابدى لـي منـه غيـر أقشـره
....................... مستبيح الخفوق وطول عمـره عنيـد
الزمن ذا لعبي .. مثـل لعـب الكـره
....................... وأصبح القلب .. من لعبة زماني شهيد
ياحـزن ماكتبتـه .. طالبـك تستـره
....................... لجل منهو عرفنـي يفتكرني سعيـد
وسلامتكم ودمتم سالمين : نايف العويد
: 
: