المشهد الاول
أم سعد : يالله يا سعد وأنا أمك هات العصير البنت مستنيه في المجلس
تدخل أم سعد المجلس وخلفها يدخل سعد حاملا صينية العصير وقد أحمر وجه خجلا ونوره قاعده في آخر المجلس وأخذت تشق سعد بعيونها وهي تناظره من فوق لتحت
أم سعد : سلم على نوره يا سعد وأنا أمك
سعد بصوت مرتجف: الس السلام عليكم
نوره : وعليكم السلام
وضع سعد العصير على الطاوله وخرج مسرعاً إلى غرفته اغلق الباب واستند عليه وقد وضع يده على قلبه وهو يدعو في داخله
سعد : انشاء الله اعجبها انشاء الله اعجبها
انتظر سعد نوره يوم يومين ثلاثه ولكن لم تعد نوره ]المشهد الثاني
الساعه 3 فجرا
محمد يضع الكمادات البارده لولده فيصل فقد ارتفعت حرارته مجدداً
يسمع محمد صوت الباب أنها زوجته نوال وقد عادت من سهرتها في الاستراحه بعد جولة حامية في البلوت مع صديقاتها ترمي نوال عبايتها على السرير غاضبه
نوال : حسبي الله على حصيصه ونوير غلبوني هالمره والله ما افوتها لهم والله لوريهم المره الجايه
محمد يدخل الغرفه
محمد: السلام عليكم
نوال : وعليكم السلام خير وش مسهرك
محمد : فيصل ارتفعت حرارته مره دقيت عليك الجوال لقيته مقفل قوم الله يخليك نوديه المستشفى
نوال : لاحووول والله انكم مشكله يا هالرجال اشغلتونا ويا بزارينكم يا بن الحلال كلها حراره عطه فيفادول تنخفض حرارته يالله خلصني تراني تعبانه وهلكانه
محمد : عطيته بس ما انخفضت الحراره
نوال : عطه شور بارد والا كمادات بارده واصبر عليه شوي تنخفض الحراره كل هالبزارين تجيهم حراره لاتخاف يابن الحلال يالله بنام
محمد : انشاء الله تصبح على خير
يقفل الباب ، ويذهب إلى غرفة فيصل يغير الكمادات ويمسح دموعه ودموع ابنه [/COLOR]
المشهدالثالث
يدخل تركي ليوقظ العنود من النوم
تركي : يالله حياتي قومي بتتأخرين على الشغل
العنود : خلاص قمت قمت
تركي يالله بجيبلس الفطور يالله قومي بلا دلع
تركي وقد احضر الفطور
تركي : صباح الخير
العنود : صباح النور تقولها بنفس شينه وتقول في نفسها ( الناس تصبح على وجه راغب علامه ورامي عياش وأنا اصبح على هالوجه يا والله القهر
تركي : العنود لاتنسين وانتي راجعه من الشغل تجيبين معتس كوسه وبرتقال وتفاح
العنود : ما تقضيت للبيت امس ورا ما قلت لي
تركي وقد أخذ يبلع ريقه : نسيت
العنود : قل امين جعلك تنسى نفسك انشاء الله
تركي : جزاتس الله خير
العنود وقد قامت من الفطور غاضبه
تركي : وش فيتس حياتي ما كملتي فطورتس
العنود : انسدت نفسي
تركي : اخواني مجتمعين عند أهلي اليوم ابيتس توديني لهم
العنود: لا يا حبيبي اليوم ما أقدر أوديك لأهلك مواعده البنات في الإستراحه اليوم وإذا وديتك ارتبطت فيك
تركي : طيب بخلي سواق اخوي يوديني ويرجعني
العنود : كم مره قلتلك ما فيه طلعه مع سواويق
تركي : يوه لا انتي اللي موديتني لأهلي ولا مخليه سواق اخوي يوديني يعني وش أسوي
العنود : انثبر في بيتك زي ما كل هالرجال منثبرين
تركي : اففففففففففف وش هالعيشه
العنود : اقول يا تعقل والا ترا الرجال مالين البيوت لا تخليني اصك عليك بواحد ثاني واجيبه واقعده فوق راسك..
تركي :خلاص انثبرنا
المشهد الرابع
يرن الهاتف
ترن ترن
يلتقط منصور سماعة الهاتف
منصور : ألو
ساره ٍ: السلام عليكم
منصور: وعليكم السلام
ساره : هلا والله بهالصوت
يقفل منصور السماعه
يرن الهاتف مره آخر
ساره : افا وش الدعوه تسكر الخط في وجهي
منصور : من حضرتك
ساره : أفا نسيتني نسيت ساره حبيبتك
منصور وقد اخذت السماعه ترتجف في يده وتسارعت نبضات قلبه
منصور : خير وش اللي رجعك مره ثانيه تدقين مو خلاص اللي بينا انتهى
ساره : اللي بينا انتهى وقد اخذت تضحك ضحكات شيطانيه
ساره : نسيت رسايلك لي بخط يدك وباسمك وصورك هذا عدا التسجيل اللي عندي لك
منصور وقد اجتاحته نوبة هستيريه من البكاء
منصور : حرام عليك ما عندك اخوان خافي ربك
ساره : اخواني متربين ما يسوون اللي تسويه
منصور : طيب وش تبين مني الان
ساره : اعطيك هالاغراض
منصور بكل براءه : خلاص دخليها من تحت الباب
ساره وقد عادت إلى ضحكاتها : والله انك على نياتك أنا لازم أشوفك عشان اعطيك هالاغراض
منصور : حرام عليك ما أقدر أشوفك
ساره : خلاص يا منصور يا حبيبي استنى كم يوم وتوصل هالاغراض للوالد وذيك الساعه قل على نفسك يا رحمن يا رحيم
منصور ( وقد أخذ يمسح دموعه خلاص بشوفك بس توعديني ما تسوين شي بس أشوفك وتعطيني الأغراض
ساره : خلاص اتفقنا متى الموعد
منصور : يوم الخميس أنا معزوم على عرس ابعتذر عنه واقابلك بعدما يطلعون اهلي من البيت
ساره : اوكي موعدنا يوم الخميس
جاء يوم الخميس وماأدراك ما يوم الخميس أنه يوم مشؤوم لمنصور
دخل ابو منصور على منصور في غرفته
أبومنصور : هاه منصور وش فيك وأنا بوك ما لبست ما راح تروح معنا للعرس
منصور : لا والله يبه الخياط خرب ثوبي اللي مفصله وتنكدت بصراحه ومالي نفس اروح
ابو منصور خلاص وأنا بوك على راحتك وبعد ان تأكد منصور من ذهاب أهله وخلو البيت دق على ساره
منصوره : ساره وينك
ساره أنا قريبه
منصور : يالله تعالي خذيني
ساره : اوكي ربع ساعه وأكون عندك
وصلت ساره وخرج عليها منصور ركب السياره وانطلقا
بعد ساعتين عاد منصورللبيت وقد دخل في نوبة بكاء وأخذ يصعد الدرج وقد حمل رسائله وصوره نعم لقد خرج ليسترد ما يمكن أن يكون فضيحه لكنه عاد بفضيحه أكبر وأدهى وأمر لقد فقد شرفه وعرضه أعز ما يمكن أن يملكه الانسان >>>>>>>>>>انتهى
أم سعد : يالله يا سعد وأنا أمك هات العصير البنت مستنيه في المجلس
تدخل أم سعد المجلس وخلفها يدخل سعد حاملا صينية العصير وقد أحمر وجه خجلا ونوره قاعده في آخر المجلس وأخذت تشق سعد بعيونها وهي تناظره من فوق لتحت
أم سعد : سلم على نوره يا سعد وأنا أمك
سعد بصوت مرتجف: الس السلام عليكم
نوره : وعليكم السلام
وضع سعد العصير على الطاوله وخرج مسرعاً إلى غرفته اغلق الباب واستند عليه وقد وضع يده على قلبه وهو يدعو في داخله
سعد : انشاء الله اعجبها انشاء الله اعجبها
انتظر سعد نوره يوم يومين ثلاثه ولكن لم تعد نوره ]المشهد الثاني
الساعه 3 فجرا
محمد يضع الكمادات البارده لولده فيصل فقد ارتفعت حرارته مجدداً
يسمع محمد صوت الباب أنها زوجته نوال وقد عادت من سهرتها في الاستراحه بعد جولة حامية في البلوت مع صديقاتها ترمي نوال عبايتها على السرير غاضبه
نوال : حسبي الله على حصيصه ونوير غلبوني هالمره والله ما افوتها لهم والله لوريهم المره الجايه
محمد يدخل الغرفه
محمد: السلام عليكم
نوال : وعليكم السلام خير وش مسهرك
محمد : فيصل ارتفعت حرارته مره دقيت عليك الجوال لقيته مقفل قوم الله يخليك نوديه المستشفى
نوال : لاحووول والله انكم مشكله يا هالرجال اشغلتونا ويا بزارينكم يا بن الحلال كلها حراره عطه فيفادول تنخفض حرارته يالله خلصني تراني تعبانه وهلكانه
محمد : عطيته بس ما انخفضت الحراره
نوال : عطه شور بارد والا كمادات بارده واصبر عليه شوي تنخفض الحراره كل هالبزارين تجيهم حراره لاتخاف يابن الحلال يالله بنام
محمد : انشاء الله تصبح على خير
يقفل الباب ، ويذهب إلى غرفة فيصل يغير الكمادات ويمسح دموعه ودموع ابنه [/COLOR]
المشهدالثالث
يدخل تركي ليوقظ العنود من النوم
تركي : يالله حياتي قومي بتتأخرين على الشغل
العنود : خلاص قمت قمت
تركي يالله بجيبلس الفطور يالله قومي بلا دلع
تركي وقد احضر الفطور
تركي : صباح الخير
العنود : صباح النور تقولها بنفس شينه وتقول في نفسها ( الناس تصبح على وجه راغب علامه ورامي عياش وأنا اصبح على هالوجه يا والله القهر
تركي : العنود لاتنسين وانتي راجعه من الشغل تجيبين معتس كوسه وبرتقال وتفاح
العنود : ما تقضيت للبيت امس ورا ما قلت لي
تركي وقد أخذ يبلع ريقه : نسيت
العنود : قل امين جعلك تنسى نفسك انشاء الله
تركي : جزاتس الله خير
العنود وقد قامت من الفطور غاضبه
تركي : وش فيتس حياتي ما كملتي فطورتس
العنود : انسدت نفسي
تركي : اخواني مجتمعين عند أهلي اليوم ابيتس توديني لهم
العنود: لا يا حبيبي اليوم ما أقدر أوديك لأهلك مواعده البنات في الإستراحه اليوم وإذا وديتك ارتبطت فيك
تركي : طيب بخلي سواق اخوي يوديني ويرجعني
العنود : كم مره قلتلك ما فيه طلعه مع سواويق
تركي : يوه لا انتي اللي موديتني لأهلي ولا مخليه سواق اخوي يوديني يعني وش أسوي
العنود : انثبر في بيتك زي ما كل هالرجال منثبرين
تركي : اففففففففففف وش هالعيشه
العنود : اقول يا تعقل والا ترا الرجال مالين البيوت لا تخليني اصك عليك بواحد ثاني واجيبه واقعده فوق راسك..
تركي :خلاص انثبرنا
المشهد الرابع
يرن الهاتف
ترن ترن
يلتقط منصور سماعة الهاتف
منصور : ألو
ساره ٍ: السلام عليكم
منصور: وعليكم السلام
ساره : هلا والله بهالصوت
يقفل منصور السماعه
يرن الهاتف مره آخر
ساره : افا وش الدعوه تسكر الخط في وجهي
منصور : من حضرتك
ساره : أفا نسيتني نسيت ساره حبيبتك
منصور وقد اخذت السماعه ترتجف في يده وتسارعت نبضات قلبه
منصور : خير وش اللي رجعك مره ثانيه تدقين مو خلاص اللي بينا انتهى
ساره : اللي بينا انتهى وقد اخذت تضحك ضحكات شيطانيه
ساره : نسيت رسايلك لي بخط يدك وباسمك وصورك هذا عدا التسجيل اللي عندي لك
منصور وقد اجتاحته نوبة هستيريه من البكاء
منصور : حرام عليك ما عندك اخوان خافي ربك
ساره : اخواني متربين ما يسوون اللي تسويه
منصور : طيب وش تبين مني الان
ساره : اعطيك هالاغراض
منصور بكل براءه : خلاص دخليها من تحت الباب
ساره وقد عادت إلى ضحكاتها : والله انك على نياتك أنا لازم أشوفك عشان اعطيك هالاغراض
منصور : حرام عليك ما أقدر أشوفك
ساره : خلاص يا منصور يا حبيبي استنى كم يوم وتوصل هالاغراض للوالد وذيك الساعه قل على نفسك يا رحمن يا رحيم
منصور ( وقد أخذ يمسح دموعه خلاص بشوفك بس توعديني ما تسوين شي بس أشوفك وتعطيني الأغراض
ساره : خلاص اتفقنا متى الموعد
منصور : يوم الخميس أنا معزوم على عرس ابعتذر عنه واقابلك بعدما يطلعون اهلي من البيت
ساره : اوكي موعدنا يوم الخميس
جاء يوم الخميس وماأدراك ما يوم الخميس أنه يوم مشؤوم لمنصور
دخل ابو منصور على منصور في غرفته
أبومنصور : هاه منصور وش فيك وأنا بوك ما لبست ما راح تروح معنا للعرس
منصور : لا والله يبه الخياط خرب ثوبي اللي مفصله وتنكدت بصراحه ومالي نفس اروح
ابو منصور خلاص وأنا بوك على راحتك وبعد ان تأكد منصور من ذهاب أهله وخلو البيت دق على ساره
منصوره : ساره وينك
ساره أنا قريبه
منصور : يالله تعالي خذيني
ساره : اوكي ربع ساعه وأكون عندك
وصلت ساره وخرج عليها منصور ركب السياره وانطلقا
بعد ساعتين عاد منصورللبيت وقد دخل في نوبة بكاء وأخذ يصعد الدرج وقد حمل رسائله وصوره نعم لقد خرج ليسترد ما يمكن أن يكون فضيحه لكنه عاد بفضيحه أكبر وأدهى وأمر لقد فقد شرفه وعرضه أعز ما يمكن أن يملكه الانسان >>>>>>>>>>انتهى
: 
: