[poem font='Simplified Arabic,4,black,normal,normal' bkcolor='transparent' bkimage='' border='groove,4,gray' type=1 line=0 align=center use=ex num='0,black']
سلام الله سلام مايساق إلاً على الرجال = سلام ٍ عطره قاف القصيد أللي عليه شهود
أنا يوم المعاني شربها عذبٍ وطعم زلال =وردت القاف حذراً خائف الزله، ومن المنقود
اسوق المهرة أللي ترتكز لي شافت الخيًال = وامس بها رسنها واطلقه تسبق هبوب النود
واناجيها لما مالت علي شمص العصر بظلال = تجيني درة شامت على غيري وانا المقصود
اسخرها لمن هو لي بدعت القاف بالموال = عرف معنى القصيد وما نويته حاضر وموجود
ابوعبدالله اللي للصعايب فاطن وحلال =عريب خاله وجده فهود من نسول أفهود
انا امدح راعي الناموس ولا بالرجال اشكال = ترى بعض العرب لا يشترى كاشٍ ولا بقصود
مثل ماقيل من لا ينحسب بالربح ماجاء مال = وانا يحرم عليه حوة اللي مايعرف الجود
نعز اهل الوفاء ونعز راعي الطيب ذرب الفال = نكافي من يكافينا ،، وفعل الطيب له مردود
خوي الجنب ناقف دونه بسيفٍ وروس أسلال = لما ثارت من الهيجاء بفعل إبليس والنمرود!
شمايلنا تعلمنا وحنا من زمان أطفال = كبرنا والمراجل حبلها حبل الوفاء الممدود
كسبناها وراثه ، نحمدالله من قديم اجيال = وهي فينا بني يام(ن) ولا والله عليكم زود
ولاحن في الخوي نطعن ولوطال الزمان وطال = وندمح زلة الصاحب ،،، وندمح زلة المقرود
وترى ماهو بضعفٍ! ..بس.. فينا عيلة العيًال = إذا مسة كرامتنا فتالية العمر للدود
اقوله يالثبيتي وانت من ربعٍ لهم منزال =كريمين السجايا ، فزعة المظلوم والمضهود
عتيبه وإن ذكرناهم ترى كلمة {نـعم} تنقال = مقابيس الظلام إذا انتخوا ثم خيَِم البارود
ولا مدحي يزودهم ، ولاهو ينتقص مثقال = عسى دارٍ وطوها من السحايب مزنةٍ ورعود
مشاعرنا نترجمها على بيض الورق بامثال = ونهديها مع باقة وفاء مغلفه بورود
جلست فمرحبا بك والطلب لوَل ترى لازال= حتات الصيف ما نبغاه تكفى يالشلي يعود!!!!!
ذهبت الله معك،، وإن غاب زولك صوتنا جوال = ودرب الخير يجمعنا إلاهي ربي المعبود[/poem]


مع تحيات/ حسين محمد القفيلي