نظام الجامعة الصعب

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • نظام الجامعة الصعب

      بسم اللة الرحمان الرحيم
      إلى جميع الاخوة العزاء


      حبيت أشاركم بمعاناتي من الدراسة في جامعة السلطان قابوس وياريت أحد بس يرق لما سأقولة

      تدرون أنة نظام الجامعة شديد وايد تعرفون عن نظام المنحنى المطبق الذي لا يعطي الطالب حقة

      تدرون عن نطام الملاحظة الأكاديمية الذي يمكن أن يطرد الطالب حتى ولةكان الوقت المتبقي من تخرجة هو فصل واحد من دراسة عمرها أربع اوخمس سنوات

      تعرفون عن نظام التسجيل للمواد القاتل اللي يطلع الروح وفالنهاية يقولون حقك(فل تعارض) اللة يستر

      تعرفون عن الدكاترة اللي الواحد شوي وياكلك لو أشتكيت لة عن شي


      اللة يرحمنا بس ويطلعنا بسلامة من هالجامعة واللة مادريت لكن يلست فالبيت أطبخ وأكنس وأتزوج وربي عيال عن الهم اللي انشوفة واللي معايبة الوضع يروح وينتحر واللة صدقوني صارت ويانا وشكثر اللي وياهم مشاكل نسية ويدزوهم مركز الارشاد
    • يا مليون هلا بيك اختي الغاليه

      هلا بيك اختي الغاليه في الساحه العمانيه ونروتينا وشرفتينا هنا

      الف تحيه لكي وانشاء تفيدي وتستفيدي هنا

      والله المعين اختي الغاليه على الدراسه صدقينا ما جربنا دراسه الجامع علشان نفيدك بشئ ولكن شدي حيلك والله يوفقك وانشاء الله التفوق في كل فصل يالغاليه

      تقبلي تحياتي وللامام انشاء الله

      اخيك
      الوحش
      $$f
    • مـن طلــب العلـــى.................... أكمــل

      بدايــة, هــذا ترحــيب خاص موجه من مالك الحـــزين إلى الضيف الجديد علـى ساحتنا الغالية, الأخت سهـى.
      إسمحيلي أكون معاك في أشياء وضدك فـي أشياء.
      يعني إنتي تكلمتي عـن الملاحظة الأكاديمية وما يخص عـد إعطـاء الطالب الجامعي حقه.
      أنا ما معاك أبدا فـي هـذه النقطة, لأن بصـراحة الجــامعة والمسؤولين في الجامعة ما مجصرين فـي حـق الطالب الجامعـي أبدا. حسـب علمي وحسـب دراستي في الجامعة, طالب جامعة السلطـان قـابوس يتمتع بحقوق لا يتمتع بها طلاب جامعيين كثيرين في بلدان ثانية. وبخصوص الملاحظة الأكاديمية فأعتقد ان هـذه الملاحظة المـراد بها هـو مصلحة الطالب نفسه. يعني الطالب ما ينحط تحت الملاحظة الأكاديمية إلا إذا كان تحت المستوى المتوسط.
      يعني أنا أعرف كثير من الشباب نحطوا فصل واحد تحت الملاحظة والفصل الثاني طلعوا من الملاحظة لأنهم حسـوا بغلطهم وحسوا بالذنب أن أصحابهم في مستويات متقدمة وهمه تحت الملاحظة. فأنا إذا أعتقد ان الطالب هـو المسؤول الأول عـن مستواه والجامعة مشكورة علـى أنها تحطه تحت الملاحظة. وبعدين الطالب عنده ثلاث فصول فرصة علشان يحسن من وضعة إذا كان تحت الملاحظة لمدة تلك الفصول الثلاثة وبعدين إذا ما قدر يطلع راح يفصل من الجامعة.
      أما بخصوص النقطة الثانية وهي نظام التسجيل, فأنا معاك أن نظام التسجيل عندنا متدني وأن المفروض من الجامعة انها تحاول تبتكر نظام جديد للتسجيل يكون أكثر راحة وأكثر تنظيما من النظام الحالي.
      أما بخصوص الدكاتره فأنا أعتقد أن كل دكاترة كلية التجارة على درجة عالية من الإحترام ودائما يفتحون مكاتبهم للطلاب, هـذا حسب ما أشوفه في كلية التجارة طبعا.
      أتمنــى أنك ما تيئسين وأنك تشدين حيلك لأن صدقيني اللي إحنا فيه هـذا نعمة ناس كثيرين ما محصلينها. وأعلمي جيدا ان اللي يطلب العليا عليه بالجد والإجتهاد.
      أعتقد أن موضوعك راح ينقل للساحة التعليمية لأنه ما في مكانه المناسب.
      أخــوكم مالك الحـــــــزين.
    • والله كلنا في الهوى سوى

      والله صراحه انا معك اختي في كل شي ضد الجامعه لاني
      اكـــــــــــــــــــــــــــــــــــــــــــــــــــــــــــــــــــــرها كـــــــــــــــــــــــــــــــــــــره العمى
      والله يصبرني على هده الايام التعيسه اللي اقضيها فيها
      والله يوم اتدكر ان الجامعه سخيفه اقول ياريتني ما جبت نتيجه في الثانويه
      الله المستعان
      :eek: :eek: :eek: :eek: :eek: للجامعه
    • أختي سهى

      شكرا لك على طرحك لهذا الموضوع
      انا معك في بعض النقاط التي ذكرتيها.... واختلف عنك في البعض الاخر
      بالنسبه للملاحظه الاكاديمية لم توضع عبثا ... بل وضعت بالفعل لمصلحة الطالب لانه عندما يجد نفسه اقل مستوى من زملائه فان هذا سوف يدفعه للجد والمثابره من أجل اللحاق بهم .... ولا أظن ان هناك طالبا يريد ان يكون متخلفا عن زملائه .... وصدقيني لدي زميلات وضعن تحت الملاحظه ولكن استطعن بجهدهن أن يتخطينها
      وهذا بالطبع لا يأتي من غير العزيمه والاصرار.
      فيجب على الطالب الجامعي أن يحس بالمسؤوليه ويحاول قدر الامكان ان يولي اهتمامه لدراسته اولا.
      وبالنسبه لنظام التسجيل اتفق معك في صعوبته ... ونتمنى ان يتم تغيير هذا النظام.
      وبالنسبة للدكاتره والله انا من خلال تعاملي معهم وجدت ان جميعهم تقريبا لا يتوانون عن المساعده ...ولو انه يوجد القليل منهم لا يعيروا اي اهتمام بطلابهم ولا ادري لماذا؟
      أخيرا عزيزتي اتمنى ان تمحي هذه النظرة التشاؤميه التي رسمتها في مخيلتك تجاه الجامعه ... ولكن قد تكوني معذوره خصوصا اذا كنت بالسنه الاولى ومررت ببعض التجارب او المواقف الصعبه بالجامعه...
      نصيحتي لك التفتي الى دراستك وكوني متفائله... واللي يريد الحلو يصبر على المر..

      اتمنى لك التوفيق

      تحياتي لانـــــــــــــــ $$f $$f $$f ـــــــــــــــد
    • شكرا لك أخي land of sowrrow

      أخوي مشكور على الرد


      لكن بعدني اقول أن الجامعة فيها ظلم والأجتهاد ليس دوما طريقل للنجاح في هذة الجامعة حيث أن الظلم ينتصر علية ويحبط الطلاب
      عيل شو رايك في امتحانات التحدي اللي يسويها بعض الدكاترة اللي ماتراعي قدرات الطلاب ولا تراعي مبدأ الفروق الفردية

      أليس هذا ظلما يأخي ؟؟؟؟؟؟؟؟؟؟؟؟؟؟؟؟ظ
      إذا كنت انت طالب ولم تتعرض لهذا الظلم فغيرك تعرض
      ولا بخصوص درجات مواد الأختياري جامعي من وين يحطوا الدرجات في المنصف تحصل (A) وفي النهائي (D) شو رايك ألم يحصل لك هذا ؟ مااعتقد بس أحنا ساكتين عن حقنا


      أسفة إذا كان في شي فالرد أزعجك
    • السلام عليكم
      انا مع الاخت سهى ....لقد حصلت على مجموع يدخلني هذه الجامعه.....ولكنني لم التحق بها....لقد فضلت جحيم الهند على الدراسه في الجامعه......
      آمل ان تكون الهند هي محطتي الاخيره......


      :eek: :eek: :eek: :eek: :eek: :eek: الهند