خاطره تستحق القراءه

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • خاطره تستحق القراءه

      إلى من يهمها أمري ... حبيبتي

      المقالة هذي كتبتها من كم شهر وكانت بسبب اني اعرف لي شخص رمى أمه في دار العجزة في وقت هي امسّ الحاجه له لابارك الله فيه ….. واللي جدّ انه من يومين رفض دعوة من دار العجزة يبلغونه إن أمه تعبانه كثير وتحتاج انه يكون جنبها ويردها . لكن اسود الوجه رفض . المهم انا كتبت رساله باسمه لأمه من هنا والرسالة يقول فيها : إلي أمي الحبيبة تحيه طيبه وبعد اليك ابعث برسالتي هذه وانا على علم بأني لن اوفيك حقك ولكن مهما عملنا أو تعبنا في حقك فهو ناقص أمي الحبيبة تعلمين لماذا أنا مقصر في حقك لان انا هيسن أربد يمه !!(( صدقت ))مانيب كفو تضحيتك وصبرك علي عطيتيني وانتي في رجا اني اصير رجال واكون لك سند يوم تضيق بك الدنيا طلعت مااسوى نعالك الله يعز نعالك ويكرمه مني ، أمي وربي أنا سربوت !! مانيب كفو الحليب الي رضعتيني اياه والله يمه مانيب كفو أدنى شي في هالدنيا عندك يمه …..يمه أنا قليل أدب مع انك ربيتيني احسن تربيه أمي انا كل الزين عندك يوم اكون اشين خلق الله عند الناس تعبتي علي وضحيتي وسهرتي الليل بطوله في رجا راحتي وقمتي الصبح من أوله في رجا خدمتي وزوجتيني وساعدتيني على الزواج بيّعتك ماوراكي ومادونك عشان توفرين لي المهر وترحميني من الدين والسلف وقطت الوجه لكن طلعت قليل خاتمه فضلت الزوجه عليك وجالسن انا ووجهي اتميلح عندها وتاركك بالاسابيع مااسئل عنك ، يوم تقول الزوجه أبغى كذا قلت لبيه ويوم تقولين ابغى كذا قلت وش قلتي يمه مااسمع .. جعلني الصقه !!(( آمين)) …..امي يا من هلت دموعها يوم مرضت يامن اسهرت جفونها يوم تعبت .يامن اشغلتها ثلاثين عام وماذكرتها فيها ولا عام يامن ضاقت يوم ضاقت بي الوسيعه .ويوم ضقتي مالقيتي اخفيتي ضيقتك وانتي في رجا الرحمن يفكها من ضيقها .امي تجي الايام وتروح مانذكر فضلك بشي ويوم تزعلين تطوف ايام مانرضيك وكن حنا نقول في خاطرنا هذي امنا وماردها بترضى. ويوم تزعل الحرمه تربح محلات الذهب لابارك الله فيني !!((آمين)) …..امي .حلاوة الروح تنبعث منك يوم انا اكون في نشوة، وتعاست الروح تنبعث مني يوم الحرمة تصير في زعل ،، امي لو تهل دمعه من عيوني تهل دموع من عيونك في رجا تلحق دموع عيني لكن من قباحتي اني قبيح معك اجمل ماكون مع زوجتي ((نذل !!)) .مع ان زوجتي ماطلبت مني اكون بهالنذاله ، وعند الحرمه ان العاقل خصيم نفسه طيب وين العقل وانا اسوي بك كذا تدرين ليش يمه لاني قليل أصل يمه لو اني اصيل ماسوي كذا .. يمه اخاف اوصف نفسي بالحقير واظلم الحقرا ، واقول انا حقير لأن الحقير حقير مع الناس رحيم مع امه انا مدري وش اسمّي عمري … يمه ادري لو بجيك واقول سامحيني بتسامحيني ..لكن السئوال يمه انا استاهل رضاك ؟؟ .ادري في حشاشة جوفك تقولين لو ما يشيل القلب تشيلك اجفوني وغطاها ملحفك يا نور عيني يالي لو جاك المرض قلت يا ليت فيني .لكن انا يمه ..ظنك بصير رجال أقوم .بجزء من مليون جز من فضلك … يمه هذا سؤال مايجاوب عليه غير رجال ثمر فيه تربيتك ويرده اصله الطيب اللي للأسف ماهوب فيني يمه ((صدقت )) … يمه ادري انك جنتي وناري وادري ان رضاك من رضى ربي وغضبك يغضب الرحمن لكن مع هذا انا قبيح متبجح متجبر ومستقوي ولا كني بيجي يوم بقابل رب كريم بيحاسبني على مثقال ذره فما بالك ..بانتهاك .حرمته …امي راحتك دقايق وعذابك معي اشهور يوم ترتاحين تكوني في هم يوم.. ويوم اضيق تركبك اهموم الدنيا كلها .ادري يمه اني لو اجحدك العمر كله وأجي على فراش الموت واقول سامحيني يمه بتقولين: عمري مازعلت منك يا سليل الروح عمري مازعلت منك يا ولد بطني عمري مازعلت منك عشان اسامحك …… امي مدري يمديني الحق عمري وارجع لحضنك الصادق الدافي ولا الدنيا بتاخذ معي دورها في نكران جميلك وجحودك …. أمي ..تك
    • اخي العزيز ..

      صديقك ذاك جهل فأخطأ .. وما زال يجهل .. وينزوي عن درب الصواب ..
      نسي كل ما ذكرت في خاطرتك تلك ولم يحرك ساكنا ليرد بعض جميل أمه ..
      فأين هو من قوله تعالى :
      . (( وقضى ربك ألا تعبد إلا إياه . وبالوالدين احسنا. إما يبلغن عندك الكبر أحدهما أو كلاهما . فلا تقل لهما أف ولا تنهرهما . وقل لهما قولا كريما )) .
      ومن قول رسوله الرحمة حين قال لسائله حين سال من أحق الناس بصحبتي يا رسول الله :
      قال - صلى الله عليه وسلم - : أمك .. ثم أمك ثم أمك ثم ..

      أخي العزيز ..
      قمت بخطوتك الاولى .. وأحسست بما يرتكبه صاحبك ذاك من خطأ ..
      فخطوتك الان .. ( الدين النصيحة ) .. انصحه وذكره بما تعرف ويعرف ولكنه يتجاهله ..
      حسسه بخطئه .. ولكن بطريقة حسنه عند مجادلته ..
      وذكره بأنه سيلاقي المصير نفسه من أولاده بقدرته تعالى عندما يتقدم به العمر ويياس منه الاطباء .. ويفارقه الاحبه والاصدقاء ..
      أعلمه بجزاء قليل الاصل الغير بر لوالديه .. ذكره بعقاب الله لمن لا يبر والديه .. وقد شدد الله على طاعتهما بعد طاعته تعالى ورسوله ..

      سيجازيك الله خيرا عنه هو .. وخيرا عن والدته .. وتلك حسنه سيكتبها الله لك بعشر امثالها ..

      أخي العزيز .. خاطرتك تلك .. جميلة جدا .. مع وجود الكلمات المحلية العامية بين ثناياها تارة .. والفصحى تارة أخرى ..
      ولكنني لن أبالغ حين أقول لك أنني اوشكت على البكاء في بعض مواضعها ..

      تحيتي لك عطرة فواحة أخي العزيز .. فتقبلها مني ..
      وننتظر منك الجديد .