السلام عليكم ورحمة الله وبركاته

اليوم جايب لكم موضوع جديد

وإن شاء الله الكل يدش ويناقش في الموضوع

موضوعي التعليم في السلطنة

حبيت أتقد بعض المدارس أو بالأحرى مدراء المدارس الحكومية

بصراحة مظاهر يعني جودة التعليم تكاد معدومة
لكن بدون ذكر المدرسة أو الأشخاص . يعني تصوروا تقام مسابقات نظافة للمدرسة على مستوى المديريات ومسابقات لأحسن وأرتب صف لكن وين الطلاب المتفوقين؟
لا إهتمام بالعلم ولا التعلم
المدراء يأمرو المدرسين والمدرسين بأمرو الطلاب نظفو المدرسة حسنو من الصفوف كثرو من الوسائل التعليمية كلاها على حساب مستوى وتفوق الطلاب
اليوجد حافز لدى المعلم ولا الطالب
بصراحة صارو المدراء مو كلهم بعضهم يطلبو من المعلميم المساهمة في نظافة المدرسة ( دفع مبالغ) ليش ؟؟؟؟
يقولو عشان عمال النظافة خاصة بعد الإعصار والوسائل التعليمية وعشان الآت الطباعة وعشان الأوراق للأمتحانات لا وبعد عشان ماء الشرب... الله يهديهم بس

من المفروض يصرف على المدارس مو الوزارة ؟؟؟؟؟؟؟؟
ما كافي يبعدو المعلمين عن أهلهم اللي في الجنوب يعينوه في الشمال والعكس صحيح
يعني أنا بنفسي سمعت شي من مصدر موثوق منه
أنه في أحد المرات جات طالبه من البرد لابسة قميص صوفي يس أزرق
مسكتها المعلمة وهي تصرخ ليش لابسة هذا اللون والمريول لونه كحلي حاولت تقولها أبوي ماعنده بس المعلمة ولاعندها خبر( المعلمة تتصور أن كل الناس عندهم ) وأخذتها للمديرة وعاد هنا قامت المديرة وما خلت كلمة وما قالتها عن البنت
يعني حتى ما عطو فرصة للبنت عشان تتكلم ... ليييييييش ؟؟؟

غير نه المدرس ما يحق له يأخذ إجازة بعذر أو بدونه لأي سبب كان
أسألكم سؤال .. طبعا المعلمين مجبورين يصححو إمتحانات الثانوية العامة إلا بعذر طبي قصدي تقرير طبي مفصل.. والمقابل المعلم شو يقدمو له من حوافز أو مكافآت؟؟

طول مدة التصحيح والتي تقارب إسبوعين تعرفو كم يحصل مكافآه ( 7 ) ريالات

بصراحة شي يضحك .. لا والمصيبة أنه يعممو على المراكز الصحية أنه ما تعطي المعلم إجازة مرضية ... ليش ؟؟؟
صح أحيانا يكون هناك بعض التأخير في صرف مبالغ للمدارس ولكن ما معناة أشياء تصير من .... و ....
بقربها حالكم .. مره من المرات والإمتحانات النهائية قريبة
والمدرسة ما عنده أوراق أو أحبار أو أ و .. فتضظر المدرسة عشان تعمل طلبيات
من المحلات القريبة بمقابل فواتير بش شو يصير هنا المدير ماسك ميزانية المدرسة (الخزينة).. السر أن الفواتير فيها قيمة أكبر من القيمة الصحيحة
تعالو شوفو المدرسة وشوفو مكتب المدير أكثر من نص الميزانية في المكتب والمدرسة يرثا لها ... شو تسمو هذا ( بصراحة هذا تقصير من مدير المدرسة )

اللوم يقع على عاتق المدير

للعلم أنا ما معلم بس حبيت أطرح هذا الموضوع ( أنا تأكدت من صحة الموضوع)

أخوكم المهندس أبو حنين