[B]وإذا سألته قـال بعـت الدكاكيـن***ما يدري إني ما هضمت الإجابـة[/B]

[B]الشاهد إني رحت له قبـل يوميـن***في قصره العامـر ودقيـت بابـه[/B]

[B]قال أرحب أرحب عدّد ورد البساتين***يا مرحبا باللـي لفـا يـا هلا بـه[/B]

[B]قلت البقا عـدّ النفـل والرياحيـن ***يا شيخ شمل أهل الكرم والذرابـه[/B]

[B]قال اسلم الله يحفظك لي من العين***وآمر أوامر حضرتـك مستجابـة[/B]

[B]قلت الصراحة طالبٍ قرب غاليـن*** ودي تزوجنـي كريمتـك يـابـه [/B]

[B]ثنّى وقال أهليـن والله وسهليـن***والكون ترخص لجل عينك رقابـه[/B]

[B]لكن ترا عندي شـروط وقوانيـن***قلت اشرط اشرط يا حبيب الغلابـة[/B]

[B]قال أولاً مهر العروسـة ثمانيـن***غير الرسوم وغير حق العصابـة[/B]

[B]والثانية عمك يبي منـك سبعيـن***رسم الأبـوّة والنسـب والقرابـة [/B]

[B]وأم العروسة حقها منـك ستيـن***عشانها ست الحسـن والمهابـة[/B]

[B]وإخوانها كلن يبي منـك خمسيـن***عداً ونقـداً تنـدرج فـي حسابـه [/B]

[B]وخواتها الخمس عطهن من ثلاثين***عشان تتوثـق عـروق النسابـة[/B]

[B]وتجيب طقم عيار واحد وعشرين***وخاتم من الماس المصفى ترابـه [/B]

[B]وأكياس متروسة كعوب وفساتيـن***ألوانهـا وأشكالهـا مـا تشابـه[/B]

[B]وموتر بسواقـه وفيـلا بدوريـن***أثاثهـا مـن بطرتـه ينحكـى بـه[/B]

[B]واحجز لنا قاعة بقصر السلاطيـن***واحجز بهـا رقاصتيـن وربابـه[/B]

[B]هذي الشروط اللي على بالي الحين***وذكرني اللي ما حسبنـا حسابـه[/B]

[B]قلت اذكر الله يا عـدو المساكيـن***واستغفـره لا يبتلـيـك بعـذابـه[/B]

[B]الظاهر إنك منت عارف أنا ميـن ***أنا لو أرقى فـوق متـن السحابـه[/B]

[B]ما جبت حتى نص درزن مواعيـن***واضحك بكيفك واعتبرهـا دعابـة [/B]

[B]شروطكم هذي شـروط المجانيـن***شروطكم شغـل ابتـزاز ونهابـه[/B]

[B]شروطكم تقصم ظهـور البعاريـن***شروطكـم همّـن وغـم وكآبـه[/B]

[B]شروطكم والله سيوف وسكاكيـن***تذبح بنات المجتمع مـع شبابـه[/B]

[B]وين الرضا والعطف واليسر والليـن***اللي ذكرهـا الله بمحكـم كتابـه [/B]

[B]وين الصفات اللي أمرنا بها الديـن **وين اختفى نهج النبي والصحابـة [/B]

[B]يا عم جعل اللي خلقنا من الطيـن**يرد عقلك مـن خطـاه لصوابـه [/B]

[B]ويجعل نصيبي عند غيرك قل آمين**ويحسن عزا الصابر ويجزل ثوابه [/B]

[B]قال أنت لو فكرت تفكير صاحيـن***ما شفت في مجمل شروطي غرابه [/B]

[B]حنا بعصـر العولمـة والمزاييـن *** ماهوب عصر الفلسفة والخطابـة [/B]

[B]الناس تسعى للرتـب والنياشيـن***وأنت اهتمامك بالشعـر والكتابـة [/B]

[B]والشعر ما ينفعك لو هو دواويـن***ما دام جيبك مثـل بيـت الخرابـة [/B]

[B]يا بوك لا تسمع كلام المصاخيـن***واسأل مجرب عاش في وسط غابه[/B]

[B]قلت الله أكبر يا محـرر فلسطيـن ***من يسمعك يحسبك ذيـب الذيابـه[/B]

[B]تراك شايب رأس مالـك رياليـن ***والبنت ما تسوى جنـاح الذبابـة[/B]

[B]قال انقلع مالت على وجهك الشين****لا عاد أشوفـك عندنـا يالزلابـه[/B]

[B]قلت ابشر أبشر لكن الباب من وين**وأقفيت من عنده على صوت بابـه [/B]