مره أبكي على حالي ومره اتغنى* غنى العايش بغربه مو غنى البطران
وآنه ويا القوافي مناوره على الآه* وعلى ظيم السفينه الفقدت السفان
وقبل ما أبدي وأكتب صدر أول بيت* لن طار شلفان يطوح بركبان
منهو انت واشجابك بهذا الليل قال *ابليس آنه جيت لك سلوان
قلتله وانكمش من لعنة الله عليك* يالفرقاك عيد وشوفتك أحزان
أبو مره زعل مني وخزرني بغيظ مثل* الذيب الأمعط لو خسر زعلان
قال شعندي وياك انه يا بن آدم *علي ترمي الشتايم واللعن ألوان
تعال اقعد وخل نتحاسب آنه وياك *ومابينك وبيني يحكم الوجدان
أنا الباري أمرني أسجد لآدم *وما نفذت حكم الخالق الديان
قلت ياربي آنه أسجد لوجهك *لكن كلفه علي ما أسجد لإنسان
خلقت آدم ياربي بقدرتك من طين *وآنه الي خلقتني من سنى النيران
غضب رب الجلالة وقال روح إبعد* وطردني من العبودية ورحت ندمان
هذي قصتي ويا الباري يابن آدم* هالنوبه أرجع لقصتك يبو فلان
من قابيل أبديها الي قتل هابيل* شلون انسفك دمه ذوله موش اخوان؟
هم آنه اقطعت منحر النبي يحيى* نبي وينذبح ماتجاوبني ذنبه شكان؟
هم آنه القلت ياناس إعبدوني* مثل فرعون وتحدى قوى الرحمن؟
هم آنه الردت أغدر النبي موسى* يوم الي قلب ذيك العصى ثعبان؟
هم آنه الردت أغدر النبي يوسف* مثل أخوته وتالي اتهمو السرحان؟
هم آنه الردت أصلب نبي عيسى *على ذاك الصليب قبال أهل نجران؟
هم آنه الجبت وحشي على حمزه* وأكلت كبده مثل زوجة أبوسفيان؟
وحق ربي الي تعبده الناس يابن آدم* شفت منك مصيبه تشيب الرضعان
ابن بضعة نبيك طاح بارض الطف* وجسمه بلا كفن وتكفن بتربان
وبني جنسه اعتنت من كل مهب وصوب *وصدر حسين صار لخيلهم ميدان
وعقب قتله انحمل فوق الرمح راسه *وعلى أيتام وحراير حرقوا الصيوان
هم آنه القلت اقطع نزاع القوم *ياحرملة وروح اقتل طفل عطشان؟
هم آنه السبيت اطفال فوق النوق *ويسيرة بت علي توقف وسط ديوان؟
اشكثر من عقب قتل حسين أهل بيته* شافت محن وهموم وغصص واشجان؟
اشكر ربي لنه خلقني إبليس* وما سواني واحد من أهل مروان
ما أرويلك شعملت بني العباس* روح انشد عليها السجن والزنزان
مصايب لوَن أشرحها المقام يطول *ومن همها يطيح على القاع ثهلان
آنه أدري شتريد تقول يا بن آدم *تقول الظلم ولى وانتهت أزمان
واحنا بالتطور والعلم صرنا وراح *الجهل واهله وقوض الطغيان
يا طغيان هذا الراح يا إبن آدم* راح الروس يلي هدمت الشيشان؟
يادولة الذي مابيها ظيم وجور *والياخذك عنها هوى النسيان؟
بالهند المجاعة تريد تنساها لوحرق *المساجد بأرض باكستان؟
لوتنسى المذابح من قبل عامين *وبشيعة علي شعملت أفغانستان؟
اشتنسى؟ البوسنه لومذبحة قانا* لو تنسى المآسي الجرت بالسودان؟
لو تنسى اللقيطة التسرح وتمرح *ما بين الجنوب وهضبة الجولان؟
لوتنسى العراق شحل عليه من جور* وبسجن الطواغي ترزح الشبان؟
يالوعة ومصيبه تهون يا إبن آدم؟ وياهي الما تسجر بالقلب نيران؟
الأسرى من الكويت تريد تنساهم؟ يوتنسى الغزو الي حير الأذهان؟
اشتنسى؟..المجزرة الجرت بفلسطين؟ لوتنسى اليهود الحرقوا القرآن؟
منين تخاف يا إبن آدم وليش تخاف ؟ هذا إنت الذي ربك رفعلك شان
تخاف من اللقيطة دولة إسرائيل* طلعت بالمذلة من أرض لبنان
..إزعلت جنك كلامي مايصرف لك* طبعك هذا طبعك يا بني الإنسان
كل هاي وتسميني اللعين ابليس *وتصير إنت الوفي وأنا انحسب خوان
اختمها بعد وياك يابن أدم *جنك ماتريد لسهرتك سلوان
لجن عندي وصية وياك يابن آدم مـن* تلعـن إلعـن نفسـك ولا تلعـن الشيطــــــــــان.
_______________________________
وآنه ويا القوافي مناوره على الآه* وعلى ظيم السفينه الفقدت السفان
وقبل ما أبدي وأكتب صدر أول بيت* لن طار شلفان يطوح بركبان
منهو انت واشجابك بهذا الليل قال *ابليس آنه جيت لك سلوان
قلتله وانكمش من لعنة الله عليك* يالفرقاك عيد وشوفتك أحزان
أبو مره زعل مني وخزرني بغيظ مثل* الذيب الأمعط لو خسر زعلان
قال شعندي وياك انه يا بن آدم *علي ترمي الشتايم واللعن ألوان
تعال اقعد وخل نتحاسب آنه وياك *ومابينك وبيني يحكم الوجدان
أنا الباري أمرني أسجد لآدم *وما نفذت حكم الخالق الديان
قلت ياربي آنه أسجد لوجهك *لكن كلفه علي ما أسجد لإنسان
خلقت آدم ياربي بقدرتك من طين *وآنه الي خلقتني من سنى النيران
غضب رب الجلالة وقال روح إبعد* وطردني من العبودية ورحت ندمان
هذي قصتي ويا الباري يابن آدم* هالنوبه أرجع لقصتك يبو فلان
من قابيل أبديها الي قتل هابيل* شلون انسفك دمه ذوله موش اخوان؟
هم آنه اقطعت منحر النبي يحيى* نبي وينذبح ماتجاوبني ذنبه شكان؟
هم آنه القلت ياناس إعبدوني* مثل فرعون وتحدى قوى الرحمن؟
هم آنه الردت أغدر النبي موسى* يوم الي قلب ذيك العصى ثعبان؟
هم آنه الردت أغدر النبي يوسف* مثل أخوته وتالي اتهمو السرحان؟
هم آنه الردت أصلب نبي عيسى *على ذاك الصليب قبال أهل نجران؟
هم آنه الجبت وحشي على حمزه* وأكلت كبده مثل زوجة أبوسفيان؟
وحق ربي الي تعبده الناس يابن آدم* شفت منك مصيبه تشيب الرضعان
ابن بضعة نبيك طاح بارض الطف* وجسمه بلا كفن وتكفن بتربان
وبني جنسه اعتنت من كل مهب وصوب *وصدر حسين صار لخيلهم ميدان
وعقب قتله انحمل فوق الرمح راسه *وعلى أيتام وحراير حرقوا الصيوان
هم آنه القلت اقطع نزاع القوم *ياحرملة وروح اقتل طفل عطشان؟
هم آنه السبيت اطفال فوق النوق *ويسيرة بت علي توقف وسط ديوان؟
اشكثر من عقب قتل حسين أهل بيته* شافت محن وهموم وغصص واشجان؟
اشكر ربي لنه خلقني إبليس* وما سواني واحد من أهل مروان
ما أرويلك شعملت بني العباس* روح انشد عليها السجن والزنزان
مصايب لوَن أشرحها المقام يطول *ومن همها يطيح على القاع ثهلان
آنه أدري شتريد تقول يا بن آدم *تقول الظلم ولى وانتهت أزمان
واحنا بالتطور والعلم صرنا وراح *الجهل واهله وقوض الطغيان
يا طغيان هذا الراح يا إبن آدم* راح الروس يلي هدمت الشيشان؟
يادولة الذي مابيها ظيم وجور *والياخذك عنها هوى النسيان؟
بالهند المجاعة تريد تنساها لوحرق *المساجد بأرض باكستان؟
لوتنسى المذابح من قبل عامين *وبشيعة علي شعملت أفغانستان؟
اشتنسى؟ البوسنه لومذبحة قانا* لو تنسى المآسي الجرت بالسودان؟
لو تنسى اللقيطة التسرح وتمرح *ما بين الجنوب وهضبة الجولان؟
لوتنسى العراق شحل عليه من جور* وبسجن الطواغي ترزح الشبان؟
يالوعة ومصيبه تهون يا إبن آدم؟ وياهي الما تسجر بالقلب نيران؟
الأسرى من الكويت تريد تنساهم؟ يوتنسى الغزو الي حير الأذهان؟
اشتنسى؟..المجزرة الجرت بفلسطين؟ لوتنسى اليهود الحرقوا القرآن؟
منين تخاف يا إبن آدم وليش تخاف ؟ هذا إنت الذي ربك رفعلك شان
تخاف من اللقيطة دولة إسرائيل* طلعت بالمذلة من أرض لبنان
..إزعلت جنك كلامي مايصرف لك* طبعك هذا طبعك يا بني الإنسان
كل هاي وتسميني اللعين ابليس *وتصير إنت الوفي وأنا انحسب خوان
اختمها بعد وياك يابن أدم *جنك ماتريد لسهرتك سلوان
لجن عندي وصية وياك يابن آدم مـن* تلعـن إلعـن نفسـك ولا تلعـن الشيطــــــــــان.
_______________________________
قال تعالى {وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ} (22)سورة النور
