شبيه الريح ..

    تمر دردشة الساحة الخاصة بالمتصفح والموبايل بفترة صيانة دورية هذا ونعتذر للجميع على الإنقطاع المؤقت بإمكانكم المشاركة في المنتدى لحين عودتها :)

    • شبيه الريح ..

      وش باقي.. من الآلام ..

      والتجريح

      وش باقي من الأحلام..

      وش باقي من الأوهام..

      غير إني.. ألاقي في هجيرك في..

      ألاقي في ظلامك ضي..

      وأوقد شمعتي في الريح

      شبيه الريح..

      إذا تسمح بغيب شوي..

      أبجمع همي الباقي..

      وأدفن صبري الذابل.. في أوراقي..

      وابرجع لك..إذا باقي في نفسك شي

      شبيه الريح

      أنا مقدر أكدر صفوك العاصف

      شبيه الريح ..

      أنا من لي سوى إحساسك الجارف..

      بقايا زيف أشواقي..

      سما أمطار أحداقي..

      شبيه الريح.. وش باقي ؟

      أبي أعرف..

      متي تسكن رياحك؟

      وابي أعرف ..

      غرورك هو متي يطلق سراحك؟

      وابي أعرف..

      متى تعصف..

      متى تعطف..

      متى تترف جراحك؟

      وابي اعرف إذا باقي في بحرك..موج..

      أكسر فيه مجدافي..

      وأبي أعرف ..

      إذا باقي في همك .. هم ..

      ماشا لته أكتافي

      وابي أعرف ..

      إذا باقي في هالدنيا..حزن ..

      مامرني واستوطن أطرافي

      وابي اعرف..

      إذا باقي من المعجز في هالدنيا ..

      سوى ((العنقاء))..

      والا ((الغول))..

      والا خلك الوافي؟!!

      بقايا زيف أشواقي ..

      سما أمطار أحداقي..

      شبيه الريح.. وش باقي ؟!!

      سنيني يم..

      وقلبي المركب المتعب..

      وأنت الريح..

      مجاديفي عذاب وهم..

      وزادي الوجد والتبريح..

      وصبري صبر بحاره..

      بغوا في البحر محاره..

      غشاهم موج.. كان من الغضب أغضب..

      وكانوا للهلاك أقرب..

      لولا كثروا التسبيح..

      شبيه الريح..

      حبيب الأصدق الأكذب..

      عجزت أوصل شواطي.. طبعك الكذاب..

      تعبت أنظر .. في وسط العاصفه..

      قلب وشعور وعاطفه..

      تعبت أجمع ألم كل الموادع..

      في المواني..

      واحضن أطيافك

      تعبت السهد في ليل الشوارع..

      والثواني ..

      تنظر إنصافك..

      تعبت الظلم.. واجحافك..

      شبيه الريح

      أنا ودي أكدر صفوك العاصف ..

      شبيه الريح

      أنا كني نسيت إحساسك الجارف..

      بقايا زيف أشواقي..

      سما أمطار أحداقي

      شبيه الريح..

      كيف أسألك : وش باقي ؟!

      وأنا الباقي من إحساسي...

      ذرته الريح

      عبد الرحمن بن مساعد
    • بقالي صبرك الاول
      بدون الهم والالام
      بقالي حب
      عزف والوان
      بقالي الشاطئ الاخضر
      رحيل العشق مع النسيان
      شبيه الريح لا تسال
      عن الماضي
      عن الاحلام
      انا الثاني
      وربيع ازرق الريحان
      انا الماضي بلا احزان
      انا في عمرك سراب المي
      وانا بليك رحيل الضي
      انا ... فـــــيّ
      انا كلمة مشاعر حـــي
      فلا يبقى سوى المجداف
      على شراعك
      وانا ابحث بقايا الشط
      عن اللمسة
      من اصباعك
      انا حزنك
      وانا فرحك
      وانا لاجلك رسمت الخط
      شبيه الريح
      في ترحالك
      شبيه الهم
      شبيه الغم
      بلا التجريح
      بلا حب
      بلا احساسك
      انا مثلك
      نجم مهجور
      بلا ضوء
      ولا جنة برحيق زهور
      ولا همس الوله منثور
      انا المحظور
      انا اللي دون التذكارك
      ابارك شمعتي الاولى
      وابحر مع الربان
      مع الاحزان
      الى كل المشاعر
      شبيه الريح
      ..... صقر

      شكرا اخي على القصيدة والاغية الرائعة
    • مشكور اخي وتسلم على الأختيار الرائع والذي يحمل في طياته الكثير .... وكذلك الأغنيه ... وشبيه الريح .. معاناه وروعه كلمات .. وحزن دافق:)

      تحياتي لك

      =============

      ورائع اخي صقر .. جميل .. ما صغته ورائع واكثر من رائع هكذا انت دائما محلقا .. عاليا وصقر بمعنى الكلمه

      بريمااااااوي