الى كل من أنغرس في قلبة سهم الخيانة
الى كل من عانى وسهر
وضحى من أجل الحب
الى كل من أستفاق على خنجر في ضهرة
أهدية {قصيدتي}
الله وياك
روح ابعد بعد يالجنت أغلى الناس ما ريدك بعد لو تنكلب درة
جنت أنته الحبيب وجرحت هالروح كلبك علي قاسي ونكلب صخرة
ليش تخوني وطبع الغدر مذموم حسافه أيامنة الراحت بهالعشرة
سكيتك بالدمع و بكلبي أغطيك وتشربني المرارة بكاس وتكسرة
شريتك بالنفس والكلب والعين وتجازيني بألم و تبيعني بسعرة
ظنيتك و في و بساعة الشدات تحظرني وتجيني وخاطري تجبرة
ولك وين الرسايل راحت ويه الريح و سهام الشماتة بكلبي موجرة
تمنيتك وفي وأكظي العمر وياك بس انعرف زيفك ونكشف مكرة
شكد تنازلتلك ويامة الك ضحيت بعد هذى الجميل وطيبي تنكرة
جنت أتكلي ما أنساك حد الموت قرب بيك الاجل وأيامك مبكرة
تعيشني بأمل كذاب وانه وياك ولك روحي حديقة وذبلت الخضرة
لجن أنته الغدر بيك وطبع ما زال تحرك كم كلب والباقي توذرة
مو انته الخسرت هواي متكفيت شظل عندك بعد هم رايد تخسرة
خسرت انته الشهامة والوفه والطيب وهاي أشياء تتقدر بألف ثروة
أذا جنت انه أحن لشوفك أمن أبعيد أبشرنك لغيت أحساسي من فترة
لغيتك من حياتي وصرت ماضي وراح وكم موقف أجاني وصار بس ذكرى
ما عدك فرد من هالمواقف هاي لان انته غلطتي وغلطتي الكبرى
ما ابيعك بعد لا مو معزتآ بيك وياهو اليشتريك وخايف أنغدرة
تشوفه بالمظاهر قمة الاخلاق بس ظامم ظميميمه بداخله كشرة
صدك ما توفق_لحرك كلب انسان يحفرهه الاخوه او وكع بالحفرة
: 
: