ولد العفية كتب:

نسأل الله السلامة أختي

الكثير الكثير ينقص مستشفياتنا وخصوصاً التعامل

وعافاك المولى من كل سوء وشر

ALbatross كتب:

ألف الحمدلله على السلامة .. وما تشوفي شر ..

صحيح وخاصة انه يقولولك انتظر الدكتور ماخذ بريك .. شو بريك ؟؟؟؟ والناس تموت وهوه ولا عنده سالفة ..

الله يعينا إن شاء الله .. بس متى بنتخرج ؟؟؟؟؟


تحيــــــــــــاتي ....

الحقيقة كتب:

ما تشوفي شر إن شاء الله //// بصراحة مستشفيتنى كلها خبصة المريض ما أحد يتابعه حتى لم يكون الواحد منوم في المستشفى الممرضات يجلسن طول الليل يتكلمن في التلفون وما أحد يتابع المرضا

بن حموده كتب:

تسلمي اختي ع الموضوع الرائع
بس انا من حوالي سنه ونصف خلاص قطعت الامل في شي اسمه مستشفي او قسم طواري
ودائما يجولو في زحمة وماشي مجال ندخلك ع الطبيب بسرعه . طيب ليش؟؟؟؟
الان ماشاء لله المستشفي مصروف عليه كذا مليون وواسع ومجهز باحدث الوسائل العلاجيه (بس) يجولون اليوم مداوم فالطواري طبيب واحد بس

والنقطه الثانيه الممرض او الممرضه الازم ياخذ تشك قبل ماتدخل حتى لو كانت الحاله خطره ع اساس انها اجرائات
طيب المسكين بيموت وانتو ما صرفتو حتي كرت ....

واذا انته عندك مشكله روح وكلم الاداره او المناوب ..... طبعا بتروح تشوف الملاك او المنقذ الاتتوقع يساعدك
بس ياخساره اكيد بيخيب ظنك وبتحصل المكتب مغلاق او يتكلم من خشمه (يعني بطرررررررررررران )

طيب ليش الدوله تبني مشتشفيات ؟؟؟؟وماتحط اداره واشخاص لديهم الرغبه في مساعدة الناس ؟؟؟

طبعا مش الجميع كذا ولكن للاسف 60%
واحد يقول زحمه ياشيخ ع من تضحك تعبا من شي اسمه مستشفيات وخصوصا اقسام طواري

والامثله موجوده وخير مثال مستشفى نزوى الجديد

7amrawi كتب:

الله عليك يا كولد ونتر موضوع رائع من روائع الرائعون

:
اختي الكريمة مشكلة المستشفيات بجميع أقسامها مشكلة عويصه
يعني نلاجيها منين ولا منين~!@q..
وناهيك عن الأخطاء الطبيه الفادحه التي اودت بحياة بعض الأبرياء..
مره واحد صاحبي كانت عنده الزائده الدودية وكانت على مشارف وانها بتنفجر
لما راح المستشفى قال الدكتور هذا مغص طبيعي وعطاه دوا..والألم لساته ما راح
وعاد اضطر يروح لمستشفي لولاية مجاوره واكتشفوا انه عنده الزائده الدوديه ومباشرة
دخلوه للعملية وقاله الدكتور اي تأخير راح تنفجر وربما يموت..
يعني دكتور طول وعرض ما يعرف لا وبعد من شخص حالته خلاه يرجع البيت وهو يتعصر من الأم
..
على المستشفيات السلام
:

جوزيتي خيرا

tuberose كتب:

بخبركم السبب اولا اقسام الطوارئ حتى في مستشفياتنا الكبيرة صغيرة الحجم عدد الاسرة قليل يوجد نقص في عدد الاطباء اللي يداوموا في القسم وتحصل تحويلات غير ضرورية للقسم يعني في كثير حالات يمكن تعالج في المركز الصحي لكنهم يحولوها على الطوارئ فتصير زحمة شديدة واحيانا اتكون في حالة طارئة مثلا حادث بتحصل معظم الدكاترة يتجهون للحالة الطارئة جدا عشان يحاولون انقاذها فيصير تاخير زيادة وعن الاخطاء الطبية فانا ما استغرب تلاقي دكتور عليه ضغط ودوام ليل لين الفجر بدون نوم وحالات كثيرة فبتلاقي الاغلاط تطلع

choice كتب:

يسعد مسى الجميع

عزيزتي كولد وينتر,,,موضوع واجب الطرح فعلا",,,
انا معكم في كل ما قيل,,,لكن خلنا نحسبها وحده وحده,,

اول هام,,كل شخص مريض يحس بروحه تعبان وان له الاولويه ولاااااازم يدخل ع طول اول ما يوصل؟؟؟؟ اذا" الكل بيدخل مره وحده؟؟؟ وهذا الشي مو معقول

احيان الناس اشياء ما تستاهل انها توصل للطواري وممكن ان يتعالج بالمراكز الصحيه بس بعده يتجه ع طول للطواري بالمستشفيات وهذا اللي يسبب الزحمه والتأخير,,نظرا" لان عدد الاسره محدود ...
واللي يقول ان الدنيا زحمه ودكاتره طالعين بريك؟؟؟
معكم انا ان نحسها مو معقوله وبايخه الحركه بس الدكتور بعد انسان يتعب ويحتاج راحه؟؟؟ مو معقوله انسان يشتغل 8-10 ساعات دون راحه؟؟؟اصلا" راح يفقد التركيز؟؟وما بيكون له بارض يعالج او يشوف احد

والخطأ من الوزاره نفسها تعين عدد قليل من الدكاتره ف اقسام الطواري والمراكز الصحيه!!!!

اما بالنسبه للاخطاء الطبيه,,, كلنا خطاااااااااااااااء
هو صحيح بنقول ان هذي ارواح ناس وما مفروض يخطي؟؟؟بس ما في انسان يتعمد الخطء خاصه اذا كان الامر متعلق بارواح ناس!!!!
ومهما حاول الانسان ,,ف لكل جواد كبوه

الله يحفظ الجميع

اما عن العنايه,, وان الممرضات ف دوام الليل يتكلمو ف تلفوناتهم ولا سائلين عن المرضى؟؟؟؟
ف اللي اعرفه الليل للنوم..والمرضى عادة يكونو نايمين بهالوقت واذا احتاج المريض اي حاجه عنده جرس الانذار و ف غضون ثواني الممرضه تكون عنده؟؟
وانا كممرضه عندنا بالمستشفى ف دوام الليل كل 4 ساعات نعمل شيك ع المرضى نمر عليهم واحد واحد وهم نايمين,,نتأكد ان الكل نايم وما يشكي من حاجه؟؟
اما عن الكلام ع الجوال ف هذي حريه شخصه بوقت الفراغ,,بس بامااااااااااااانه الاولويه للمرضى ونبديهم ع نفسنا واهلنا احيانا",,
و الله الشاهد

باختصار,,في خلل بالوزاره بالنفس وقراراتها؟؟
واول قرار خاطيء هو مواعيد المراكز الصحيه اللي بدونها ما تدخل تعالج...
بالاضافه الى نقص عدد الكاتره في المراكز الصحيه واقسام الطواريء بالمستشفيات

والاهم,,الموضفين اللي حقوقهم ضااااااااااااااااااايعه..و الله المستعان

عذرا" ع الاطاله
و
ربي يحفظ الجميع

الجـهوري كتب:

الله بالستر ع كثير من الامور التي تحدث
للمرضى ولكن السؤال من المسؤال ؟
واين الرقابة ؟
لماذا كثرة الاخطاء الطبية من جميع
الاقسام ؟
ما سر تواجد طاقم وافد بكثرة من دولة
واحدة يطغى ع كل الفئات ؟

اختي العزيزة الكلام كثر وقيل وعُدل ولكن
هل من تحسن في المستقبل القريب.
الله اعلم

زحمه212 كتب:

ا

لسلام عليكم ورحمه الله بركاته

هلا اختي كولد ونتر

موضوع حلو ويستحق النقاش

تعليقي للموضوع

خلو في بالكم حاجه وحده الممرضات والدكاتره العمانين وكل الموضوفين العمانيين المواطنين يبذلو كل مجهوودهم وما يقصرو
طبعا مع تنفيد الاوامر والقوانين

على موضوع انتظار المريض او المصاب

خذوها بالعقل
اذا شخص مسكوره رجله وفي نفس الوقت شخص صاير له حادث فاكيد بيدخلو اللي صاير له الحادث

والثاني ينتظر لين يجيه الدور

الحين النظام المتبع في الطواري يبدو من الحالات الخطير وبعدين المتوسطه وبعدين العاديه

ما نقدر نتهم الموضفين بالاهمال او عدم المبالاه

اذا تبو اتحاسبو احد لا اتحسبو المستشفى بالنفس توجهو لوزاره الصحه هم المسؤولين بالدرجه الاولى

فيه ناس تتوجه للطواري مع انه حالتها مب محتاجه طواري ويقدر ينتظر للصبح ويتوجه لاقرب مركز صحي

ويتوجهو للطواري واذا الام خفيف بتلفيهم يمثلو الامل ويكبرو من حجم المشكله وهذا اللي حاصل للاسف

انا ما ابرر موقف اي طرف بس الحق يقال

ولا تنسو اذا بتقولو انه اهمال من الدكاتره والممرضين فاعتبرو انفسكم مهملين نفسهم

اغلب موضفي المستشفيات عمانيين ومواطنين ونحن مثلهم مواطنين وعمانيين

اذا بتقولو الكل مهمل ومقصر ويدق سوالف فنحن مثلهم بنكون

ما فيه اي مشكله اذا انتظرنا ساعه او اقل او اكثر

تاكدو انه الموضفين بنفسهم ما يريدو احد يكون متواجد في قاعه الانتظار يريدو يخلصو المرضى بسرعه ويخفو من الزحمه المتواجده

واذا على شخص او شخصين مهملين فبتقولو المستشفى كله فيه اهمال

اكبر غلط التعميم على الكل

بس المشكله انه الاغلبيه اتشوف الظاهر وما تعرف باللي يصير داخل في غرف الطواري ويقولو يخلونا ننتظر وهم ما مهتمين

خذوها بالعقل بس كيف ما مهتيمن يعني يشوفو شخص يتالم ويخلوه يتالم بدون ما يسو شي اكيد فيه شي يمنعهم وهوه عندهم حاله اخطر

اتمنى من الكل قبل لا يطرح ويذم ويتذمر يفكر

شو الاسباب اللي اتخليهم يسو كذا

وفيه نقطه سبب البطئ في الطواري هوه النظام اللي وزراه الصحه فرضته على المستشفيات وما على الموظفين غير التنفيذ

اشكرك اختي على الموضوع الرائع

والسموحه كل كلامي مجرد وجه نظر تعبر عن رأئي الشخصي لا اكثر ولا اقل

تحياتي لج اختي كولد ونتر

زحمــــ212ـــه

pretty_life كتب:

صباح الورد cold Winter ^_^

أنا داومت بأغلب الطورائ في فترات التدريب وبخبرك وش اللي يصير ,,

من بعد ساعة 9 المسا المراكز الصحية تقفل ,, طيب وين المرضى يروحوا ؟ طبيعي يروحوا الطوارئ ,,

وكم مستشفى طوارئ عندنا في سقط؟ 3 فقط مقابل كل هالمرضى ,, والنقص في الموظفين وساعات العمل الزايدة اللي ممكن تصل لـ 12 ساااعة بلاااا نووووم ولا جلوووس ولا رااااحة ولا شي ,,

المشكلة يا أختي ان فيه كثير ناس ما عندهم حالة طارئة ,, بس يريدوا يتبدوا أولا ويشيلوا الدنيا وما يقوموها اذا ما خلصناهم ,, بالمقابل تجينا حالات ما تتحمل التأجيل أو انها حالة خطيرة فيها مسألة حياة أو موت ,, ,, وين الاولوية اذن ؟ هذا انه كل طوارئ فيه 5 ممرضات وطبيبين ومضمدين مقابل ما يقارب 20 حالة ,, شفتي كيف النقص الشديد ؟

فهنا الملامة ما على المستشفيات ,, بل على الوزارة اللي ما ندري ليش رافضة زيادة عدد الموظفين أو ليش ما مقتنعة ؟

وبعدين وش فيها اذا الدكتور أخذ بريك ,, المسكين شغال من الساعة 5 عصر لين اليوم الثاني ساعة 8 ,, ويطلع من الدوام ساعة 9 الصباح ,, وكله بلا نوووم ولا راحة ,, مستحيل راح يشتغل زين اذا ما أخذ فترة راحة ولو ربع ساعة ...

والممرضات بصراحة هم أكثر ناس أشفق عليهن لأن في الطوارئ ما بس يقابلوا المريض ,, هم بعد يجهزوا الاوراق للصباح ويجهزوا التقارير ,, ويعقمو اأدوات العلاج,, ويتشيكوا عالاجهزة ,, ويفحصوا المريض ,, وكل هذا فوق راس 5 ممرضات ,, وطبعا راحة ممنوع ,, نوم ممنوع .. من الساعة 8 الليل للساعة 9 صباح يطلعون ,, كلنا ننام ونتطمن وهما تعبانات وسهرانات ,, ويرجعوا بآلام وأوجاع ,, وفيه ما شاء الله مرضى ثقال يبيلهم حمل ,, يعني كسر ظهر من صدق ,, فأنا فعلا أحييهن على شغلهن ,, واذا فيه ممرضة أو ممرض ما يشتغل فهي ما تمثل الكل ,, واللي يقول انها تمسك التلفون وتتكلم ,, فهذي حرية شخصية ,, ما أظن ان فيه أحد فينا يداوم وما يقابل تلفونه ,, حتى نحن الطلبة نلعب بتلفوناتنا في الحصص ..
وما أظن فيه مريض تعبان والممرضة تجاهلته وراحت لتلفونها ,, واذا فيه وحدة كذي فهي ليست تمثل الجميع ولا تمثل التمريض أصلا...

الممرضة يا أختي كولد ليست ملاك رحمة ولن تكون كذلك ,, الممرضة انسانة حالها حالنا ,, تشتغل وتتعب مثلنا ,, لها أوجاعها مثلنا ,, لها أطفال وأهل مثلنا ,, تسهر لما كل المرضى نايمين وتركت أطفالها في البيت.. تتعب عشان ما يتعب المريض ,, وحتى لما المريض يفارق الحياة ,, تبكي وتحزن وكأنها هي فقدت واحد من أهلها ,, هذي هو التمريض أختي ,, واللي يصير بمستشفياتنا ما نقدر نلوم فيه حد معين ,, كلنا مسؤولين ,, وكلنا لازم نتكلم عن اللي يصير لكن بدون مانظلم أحد ( هذا كلا موجه بشكل عام طبعا وليس لصاحبةالموضوع )

وسامحوني عالاطالة وهذي وجهة نظر صغيرونة قد تكون خطأ وهي لا تفسد للود قضية خاصة لـcold winter لأنها أختي الحبوبة وما راح تزعل من كلامي ^_^

تحياتي pretty life