بنت عُمان كتب:

سلامتك أولاً الغلا ...
موضوع جميل شكراً لك غاليتي ....
نعم بالفعل كلامك صحيح حتى في العمل معنا اذا حد تعب نفس الكلمة اكل أدول واذا حسيت بتعب زياده روح وللعلم حتى المستشفيات لما تروح تعبان يقول بكتبلك ادول واذا زاد المرض راجعنا
وش يريدو يتخلصو من الشعب او شو ...
المدارس ادارته اصبحت اردء مايكون الطالبة لما تغيب يو او يومين حتى لو عندها عذر لازم ولي الامر يحضر وهالمشكلة اللي طرحتتها الاخت ملاك نفس الشي يعني ماحرام اشوف الطالبة تتوجع وفوق كل هذا اقولها كلي ادول ودفعي 50 بيسة وين الانسانية ليش يصير فينااااا كذاااااا...
المفروض المدرسات يكونن محل الام في المدارس ويكونن ذات قلب حنون وصدر واسع وبال طويل ....
بصراحه استنكر هالتصرفات من المدرسات .....
يعني شو تنتظري البنت تموت لاسمح الله عشان تتحرك المدرسة وتشلها الطبيب او تتصل في اهلها ...
والقهر احياناً يكون في دكتورة في المدرسة يقولوش انتظري تو تجي الدكتورة ...
وتنتظر الطالبة وهي تعتصر من الالم لد ماتشرف لهانم الدكتورة وتٍال شو فيك وعاد هي تقرر انها ترجع البيت او لا ...
والله عالم متخلف ....#h

عيون هند كتب:

بسم الله الرحمن الرحيم..


أولاً، ألف سلامة عليك أختي، وأجر عافية إن شاء الله..

ثانياً: إلى الموضوع والذي أجد فيه وجوب الحيطه، وبالعكس المفروض تشكرين المعلمه أو المشرفه اللي تراقب وتخاف ربها..

على الأقل بتوثقين إنك في مدرسة محاطة بالأخلاق والقيم.. موب كل من هب ودب طلع ودخل وعلى كيفه..

للأسف، أعذار الطالبات أحياناً تأتي مبالغة وأحياناً بهدف التهرب من الحصص، وأحياناً للاجتماع مع أشخاص محددين..

فأنا مع المراقبة الإدارية.. ولا استخفاف ..

إذا كانت متعبه لماذا حضرت المدرسة من الأصل، لماذا لم تجلس في البيت.. إذا فاجأها الألم فنعم تحصل على اهتمام

مسكن ألم، واستلقاء فإذا تعافت لا بأس، أو تذهب إلى المركز الصحي..

أنا أوافق فعلاً على ما تعترضين عليه.. وسوف يسعدني مناقشتك في توضيح الالتباسات حوله..


وفقك المولى.. أختك

خبز و جبن كتب:

سلامات$$t

ما أريد أفتي$$t

بس بقول حاجة عن الإدارة
هالعام الإدارة أحسها بارده يعني الي يريد يطلع الباص ينتظره برع من حصة الاولى

واذا صارت ضرابة برع مدرسة كل استاذ يشغل سيارته ويروح وصايره حرب قدام مدرسة:do7k3:

عيل هذي إدارة؟؟طلاب يتضاربوون ف غرفة المدير؟؟
والغم ع كل طابور بيجي المدير وبيقول نحن ونحن وآخرتها بق بق#e


بالنسبة للي مريض وباغي يتصل لأهله مستحيل يتصل بفلوس اصلن موجود تيلفون عند المنسق/ه وبدون نقاش تتصل لأي حد سواء كان لأهلك او واحد ثاني

مفروض انتي لو مخبره معلمه تقدر تساعدك دام ادارتكم كذا غسلي ايدك منها

صرقوعة كتب:

شوفي خيتو تراه البنات اللي كل مره والثانيه يتطيحن ويتظاهرن بالمرض هنه اللي ضيعن وصارن بسببهن هالقوانين الصارمه
اما بالنسبه للخمسين بيسه اجول الحمدلله والشكر اش هالمحتشرات$$t اول مره اسمعبها ههههههههههههههههههههه
وان كان حسيتيانج ماتجدرين والاداره مانعه روحي لأي معلمه طيبه واتصلي من عندها وطاحت السالفه

سابح بح كتب:

\
مساء الخير اختي ملاك حمد لله على سلامتك اولا ..
وما تشووفي شر ان شاء الله ،
بس اختي اعتقد انهم على حسب تقديرهم للوضع يعني هم اعطوك بندول فأن خف الألم وتعب أكملتي يومك حتى لا يضيع عليك مجهود يوم كامل من دروس وواجبات ، ولكن اصبحن المعلمات والمعليمن في حيرة حيث بسبب كثرة العيارة عند البعض من الطلبة ادت الى عدم تصديق الطلاب نهائيا ، وهذي الطريقة تطبيقا عمليا بما اتت به الحكم " ان الحسنة تخص ، والسيئه تعم " ..فبسبب كثرة التهرب من الحصص بسبب الشعور مثلا بالملل وعدم الرغبة في اكمال اليوم الدراسي يأتي هناك تصرفات غريبه جدا ، لكن
بالفعل احيانا يكون تقدير المعلمات سيء للغاية ..فعدم قدرتهن في التميز بين المريضه بالفعل وبين التي تود التهرب ، ايضا يمكن اخذ الشورة من معلمات الطالبة واخذ رأيها في الطالبة ، بحيث تصف لهن ايجابيات الطالبه وسلوكياتها لكي تبعد عنها الشبهات ويسمح لها بالخروووج !

سمعت حديثا تعين في كل مدارس السلطنة او ربما محافظه معينة ممرضة او ممرض :)

نوّار كتب:

إن شاء الله رح يكون في كل مدرسة ممرض
وزارة الصحة تعمل على ذلك بناءا على رغبة من السلطان حفظه الله
لكن الأمر سيحتاج للوقت لإعداد الممرضين اللازمين للصحة المدرسية
وإن شاء الله سيتحقق كل شي عما قريب
^_^

زحمه212 كتب:

مساء الخير اختي ملاك

موضوعك مهم ووقاعبي بدرجه اولى

اشكرك على الطرح
وانا استغرب المفرووض يخلو البنت تتصل واتكلم اهلها اولا واخيرا اهلها بيجو ياخذوها من المدرسه مب ناس غرب وفي الاخير الاهل اولى واحق بمصلحه بناتهم
ويعرفو لو مريضه بنجي ناخذها ولو شافوها عادي بيقولو لها اجلسي
ليش احسه تحكم وسيطره بدون اي معنا
بس اللي اعرفه يعطوهم يتصلو وهذا صار معي اختي الصغيره كل ما تطلب يخلوها تتصل فينا وانروح ناخذها عادي
غريبه عندكم في المدرسه
الظاهر متسلطين اداره مدرستكم

المفروض البنت اللي يصير معها كذا اتبلغ اهلها ويجو الاهل يكلمو اداره المدرسه وهذا انسب حل لتفادي مثل هذي المواقف

والله يعينكم يبعد عنكم كل مكرووه يا رب
والله يوفقكم ويسهل عليكم دراستكم
شكرا على الدعوه اختي
بارك الله فيك