•!¦[• جْـِـرgحْ مـِِـن عْـَبـِِـق آلـْمـآضـي •]¦!• ¦! بقـلمي !¦ ..

/::\



مالك تمتم بحزن : لحد متى بنجلس هنا يا عمي ..!! بنتك جود لحالها
تركي قاطعه سريعا : جود عندها اللي يهتم فيها .. بس الثانيين الله العالم كيف عايشين !! حيين ولا ميتين !
مالك تمتم بحزن : عمي الحريق كان كبير حسب ما سمعت ونسبة الوفاة فيه كبيرة
تركي قاطعه بألم : يمكن تكون بنتي توفت بس ولدي بعده عايش .. لازم أوصل للرجال اللي خذه لازم
مالك : عمي ما ودي أخليك تحس باليأس بس نحن جالسين نتكلم عن واحد وعشرين سنه مو يوم ويومين
تركي : طيب إيش اللي تبيه يا مالك أترك كل شيء وراي وأرجع .!! أنسى أنه لي ولد وبنت عايشين هنا .!!
مالك : انا ما قلت كذا ؟! بس نقدر نخلي واحد غيرك يهتم بالموضوع هذا .. وأنت اللي يتمنوا يخدموك كثير
تركي : خلاص يا مالك سوى اللي يناسبك .. راح نجلس هنا يومين ثانيات وبعدها نرجع السلطنة
مالك : بس يا عمي من كم يوم قلت نفس الكلام هذا ..!! ...
تركي : مالك ترى اللي فيني كافيني تكفى لا تزيد جرحي جرح ..
قاطعهم صوت الهاتف فأجاب مالك سريعا .. وسرعان ما تغير لون وجهه
تركي وهو يعتدل في جلسته : مالك إيش اللي صاير ؟!
مالك وهو يغلق الهاتف تمتم بحزن : الرجال اللي عطيته رقمك من كم يوم
تركي قاطعه سريعا : إيه وش صار عليه
مالك تمتم بعد تردد طويل : هو اللي كان متصل يقول أنه ولدك بعد ما أنقذوه توفى على طول
تركي قاطعه بغضب : إيش اللي تقوله يا مالك
مالك تمتم بحزن : عمي تركي هدي نفسك .. لا يصير عليك شيء
تركي وهو يبكي بحرقة : آآآآآآآآآآآآآه إيش اللي جالس يصير فيني ؟! مو كافي الألم والجرح في قلبي من سنين طويلة
مالك : عمي تركي عشان خاطري هدي نفسك .. هذا قدر ربك ولازم ترضى فيه
تركي تمتم بحزن وجسده اصبح يرتعش : أنا لله وإنا إليه راجعون وما هي إلا لحظات حتى سقط مغشيا عليه ..



/::\



سلطنـــــــــــة عمـــان

//
\\

أخذ إياد جود إلى المستشفى ووضعها تحت أشراف الدكتور صالح لأنه كان يعلم مقدار حب جود له
الدكتور صالح وهو يمسح على رأسها بحب تمتم بحزن : طول ما أنا معاك يا جود لا تخافي
الممرضة : دكتور صالح ماله داعي خوفك .. جود تعدت مرحلة الخطر
الدكتور صالح : إيه الحمد لله .. أنتي خليك جنبها.. انا بروح أطمن اللي جالسين براء تمام ..
دكتور عمران : دكتور صالح لما تخلص أنا أبيك فموضوع مهم يخص جود
الدكتور وعيناه تتسع : النتائج طلعوا صح ..
دكتور عمران : دكتور صالح أنا عارف انه سفرتك مع حمدان اليوم بس جود محتاجة لوجودك أكثر
الدكتور صالح بتوتر : لا أنت كذا خوفتني كثير إيش اللي صاير بالضبط ؟!!
دكتور عمران : فيه شيء خطير ولازم نجلس مع بعض ونتأكد منه أما موضوع حمدان أخوي أحمد بيسافر اليوم وقلت له ياخذه معاه هو بعد دكتور وشاطر وتخصصه تقريبا نفس تخصصك وأنته تعرفه زين .. يعني حمدان بيكون فأمان
دكتور صالح : أنت بتعلمني عن أحمد ؟! نسيت أني دارس معاه .. بس جود يا عمران أيش فيها
دكتور عمران تمتم بعد تردد طويل : التحاليل أثبتت أنه في ورم بالدماغ ..
دكتور صالح قاطعه سريعا : إيش .. أنت إيش جالس تقول
دكتور عمران : الأعراض اللي تعاني منها جود هذي تأكد مرضها .. وانت عارف أنه في أشياء أكبر راحي تخلي جسم جود يتعب أكثر واكثر .. بعد كم شهر جود راح ينعدم عندها التركيز ولا راح تقدر توقف حتى على رجولها
دكتور صالح ودمعه ترتسم على خده : بس يا عمران .. أكيد فيه شيء غلط .. لازم تعيد الفحوصات
دكتور عمران : صالح صور الاشعة عندي وتقدر تتأكد بنفسك .. والورم صاير يكبر يوم عن يوم
دكتور صالح قاطعه بغضب : مستحيل جود ما راح تموت ما راح تموت .. وما هي إلا لحظات حتى بداء يبكي بحرقة
دكتور عمران تمتم بألم : صالح أنت عارف أنه الطب تطور .. وراح نسوي المستحيل عشان نساعدها ولو أنه ..!!
دكتور صالح نهض من مكانه سريعا وتمتم بغضب : ولو إيش ...........!! الورم خبيث صح
دكتور عمران : الورم بمنطقة خطيرة بالراس ونسبة نجاحها 1 % بس
دكتور صالح : لا مستحيل كل هذا كذب في كذب .. جود مستحيل تموت.. والله ابوها لو عرف بيموت فساعتها
دكتور عمران : أنت خلنا نفاتح جود بالأول وبعدها يصير خير



/::\



إياد وهو يضع يديه على رأسه : آآه يا جود ودي أفهم إيش اللي خلاك تسوي كذا ؟! معقولة تكوني .!! لا جود بنت عاقلة يمكن سوت كذا لأنها تعزني كدكتور وبس .. أكيد ما فيه شيء ثاني \
خالد بعد أن علم بالخبر اتى سريعا وتوجه إلى إياد وتمتم بخوف : كيفها إياد ...
إياد وهو يشد شعره للوراء تمتم بتوتر : ما أدري يا خالد حالتها صعبة .. الظاهر الدخان أثر عليها كثير
خالد : ما عليه إياد أنت هدي أوضاعك .. ان شاء الله ما عليها إلا العافية
إياد قاطعه سريعا : ما راح أرتاح إلا لحد ما اشوفها بعيني .. خالد لو صار لجود شيء بكون أنا السبب
خالد : إيش قصدك بأنت السبب ؟!! اللي صار مكتوب ومقدر
إياد : لا يا خالد جود دخلت هناك بعد ما كانت تضن أني أنا موجود بالمكتبة .! يعني كان ودها تساعدني
خالد وعيناه تتسع : يا شيخ ؟!! لا تقولها
إياد : هذا اللي حاصل
خالد : يعني جود تحبك
إياد بمجرد أن تفوه خالد بهذه الكلمات أرتبك ولم يعلم كيف يجيب وأكتفى بالنظر إليه بصمت
خالد : وانته بعد تحبها يا إياد
إياد قاطعه بغضب : خالد أنت إيش اللي صاير فيك بالضبط ؟ البنت سوت كذا من باب الأحترام
خالد : طيب والحب اللي يشع من عيونك
إياد قاطعه بابتسامة سخرية : لا تغرك العيون يا خالد .. كثير عيون خداعة


/::\



وفي مكان أخر كانت تهاني وخلود ينتظرون بقلق
تهاني وهي تبكي بحرقة : والله لو صار فيها شيء بجن
خلود قاطعتها سريعا : ان شاء الله ما راح يصير عليها شيء أنتهي هدي نفسك بس وأدعي لها
ولم تنهي كلامها حتى شاهدت أماني تقف بعيدا فتملكها الغضب وتوجهت نحوها وتمتمت بألم : أرتحتي الحين
أماني وهي ترتعش تمتمت بخوف : والله ما كنت أدري بيصير كذا خلود .. شجون وعبير خدعوني
خلود وعيناها تتسع : كنت متأكده أنه هذيلا ورى السالفة كلها .. بس أكيد طردتهم من الجامعه بتكون على إيدي
أماني قاطعتها بخوف : لا يا خلود تكفين لا فضحتيهم انا بنفضح
خلود : اماني أنتي إيش فيك .. جود دخلت في وسط الحريق والله العالم بحالتها .. مستحيل اسكت .. وانتي تحملي نتيجة افعالك ؟! ما توقعت للحظة أنه الكراهية راح توصلك لهـ الدرجة .. في وحده كانت راح تخسر حياتها بسببك
أماني وهي تمسك يدي خلود تمتمت بحزن : والله ما كنت عارفة إيش اللي ناويين عليه انا بعد مخدوعة
خلود قاطعتها بسخرية : مخدوعة في إيش ؟
اماني وهي تبكي بحرقة : وربي انخدعت فيهم حسبالي بس يبون يهزئوها نفس ما فهمت ما كنت عارفة بموضوع الحريق .. انا كنت أنتظر إشارة من شجون وبعدها أروح اقول لجود أنه إياد بالمكتبة ما كنت أدري انه السالفة وراها حريق .. عبالي كلها تمثل في تمثيل .. صدقيني يا خلود .. انا ما أبي أضر جود تكفين صدقيني
خلود وهي تأخذ نفس عميق : طيب ممكن تفهميني إيش اللي صار بالضبط .. ومن الأول عشان أقدر أفهم
أماني والدموع تنحفر على وجنتيها تمتمت بألم : تذكرين أخر مره كنا نسولف فيها عن جود وخطتي أنه أخذ ابوها شجون وعبير سمعوا كل شيء وهددوني إذا ما سويت اللي يقولوا عليه راح يعلمون جود بكل اللي صار..ساعتها الدنيا
دارت فيني ووافقت بدون ما أنطق أي كلمة .. عبير فهمتني أنها بس راح تخوف جود وتهينها قدام صاحباتها وتفضحها أنها تحب إياد .. ما كنت أدري أنهم راح يولعون بالمكتبة .. صدقيني يا خلود أنا مستحيل أضر جود .. يمكن
اكون حاسدتها على الخير اللي فيه بس وربي ما كنت قاصده اللي صار .. خلود ساعديني إذا حد عرف أنا راح انتهي
خلود تمتمت بتوتر : خلاص يا أماني هدي نفسك .. الظاهر أني لازم اسكت لأني انا بكون من ضمن اللعبة
اماني وعيناها تتسع : إيش قصدك
خلود : عبير وشجون مثل ما هددوك راح يهددوني .. عشان كذا الأفضل نسكت ونتكتم ع الموضوع ونعتبرها حادثة
اماني وهي تنظر إلى الدكتور إياد تمتمت بخوف : طيب دكتور إياد وجود أكيد راح يفضحوني
خلود : ما أعتقد .. أنتي بس هدي نفسك وخلي الموضوع هذا علي .. انتظريني هنا أنا بروح اشوف دكتور إياد

إياد وهو يضغط على يده بقوة : ولييييييييييييييييييييييه ما كأنهم طولوا .. أخاف يكون صاير فيها شيء
خالد وهو يضغط على كتفه : ما عليها إلا العافية إن شاء الله ..
خلود وقفت أمامه وتمتمت بتردد : هاه دكتور كيفها جود
إياد : والله لسة ما فيه أحد طلع .. ما بيدنا شيء غير نستنا .. وندعي لها
وماهي إلا لحظات حتى خرج صالح والكثير من الحزن يكسوا عينيه .. وهذا جعل الخوف يدب في قلوب الجميع
خلود وهي تتوجه إليه سريعا تمتمت بخوف : دكتور كيفها جود .. عسى ما صاير شيء بس ..!!
دكتور صالح : لا تطمنوا جود ما عليها إلا العافية .. بس من شدة ألدخان صابها أختناق وحلينا الموضوع
إياد : الحمد لله .. نقدر نشوفها ..
دكتور صالح : اكيد تقدرون بس يا ليت واحد واحد .. يلا عن إذنكم عندي شغل مهم وضروري أخلصه
خلود : دكتور إياد تقدر تشوفها انت بألأول .. انا راح أروح اطمن البنات
خالد : انا بعد راح أرجع الجامعة عشان أطمن الجميع .. وأحاول اعرف من ورا المشكله هذي
إياد وهو يأخذ نفس عميق : طيب يا خالد .. وأتمنى تطلع بنتيجة .. هذي أرواح بشر وما يصير نتلاعب فيها كذا
خلود بمجرد أن سمعت هذا الكلام أصابها التوتر وقررت الانسحاب بهدوء
خالد : تطمن إياد صدقني اليوم ولا بكرة راح ينكشف كل شيء .. يلا روح تطمن على جود وخلني أنا اطمن البقية
إياد : طيب خالد اللي تشوفه .. ثم توجه مباشرة إلى حيث توجد جود .. دخل بهدوء كانت جود تغط في سبات عميق
وبعض أثار الحريق تغطي خدها ملك القليل من الجراءة فأخرج منديلا فبداء بإزالة ذلك السواد
جود كانت تحت تأثير المهدئ فتحت عينيها ببطئ وتمتمت بابتسامة : إياد أنته بخير
إياد وهو يشعر بالسعادة لأن جود فتحت عينيها تمتم سريعا : إيه انا بخير دامك بخير ...... جود ليش سويتي كذا
تمتمت جود بتلك الكلمات ثم عادت لتغط في نوم عميق وهي غير واعية لما يحدث بعد ..
إياد شاهد بعض الخصلات متناثرة على عينيها فمد يده ثم أبعدها للوراء .. وهو يتأمل جود بتمعن شديد ..شعر ان هناك شيئا غريبا بداء يسري بجسده نبضات قلبه أصبحت متسارعة .. وجوده بقربها جعله يشعر بالتوتر .. حتى كاد يتأكد بأنه أحبها فعلا ... وقع في حب تلك الفتاة التي أغضبه عنادها .. ولكن سرعان ما ابعد هذه الأفكار من راسه وأعتبر أن كل ما يحدث له هو مجرد شعور بسيط ولا علاقة له بالحب .. قاطعه صوت أنين
إياد والخوف بداء يتملكه فوضع يده على رأس جود وتمتم بألم : جود فيه شيء يعورك ؟! إنتي بخير
جود وهي تأن بألم تمتمت لا شعوريا : إياد وينك .. إياد لا تخليني وتروح .. انا .. انا .. انا .. انا أحبك
أياد وعيناه تتسع : إيـــــــــــــــــــــش ..؟؟!!




/::\


فــــي المطــــــــــــــــار



ميساء تمتمت بحزن : يا الله مو مصدقة أنهم راحوا .. كثير ونسونا
بو سعد : هذي الدنيا يا بنيتي الأوقات الحلوه تمضي بسرعة
سعد وهو يطبع قبلة على رأس والدتة بعد ان شاهدها تبكي : يمه وش له لزمة هـ الدموع
أم سعد وهي تبكي بحرقه :أحس أني أشتقت لهم كثير .. ليتهم جلسوا كمان شوي
لمياء وهي تعانقها : مامي يا حبيبتي كلها كم شهر وبنروح نزورهم ما بيدنا شيء غير نصبر . إنتي لا تضيقي بنفسك
بو سعد : سعد قوم يا وليدي وودنا البيت جلستنا هنا ما من وراها فايدة الجماعة راحوا خلاص
ميساء تمتمت بحزن : بشتاق حق أروى كثير
لمياء تمتمت بصوت منخفض : بس بتشتاقي حق أروى ولا في شخص ثاني
ميساء تمتمت بدلع : بطلي هـ العيارة .. بعدني صغيره على هـ السوالف
لمياء : إيه صدقتك ههههه .. وما هي إلا لحظات حتى قاطعهم صوت جوالها فتمتمت بابتسامه هذي خلود خليني أشوف ايش عندها .. هلا خلود كيفك
خلود :إعذريني لمياء بس بغيتك تمري على أغراضي نسيتهم في الجامعة وما أضن برجع مره ثانية ما أقدر أخلي جود
لمياء تمتمت بخوف : خلود ترى كذا خوفتيني .!! إيش فيها جود عسى ما شر ؟!
خلود : سالفة طويلة عريضة .. أحكي لك عنها بعدين ..
لمياء : المهم طمنيني جود بخير
خلود : إيه ماشي حالها تعدت مرحلة الخطر ..
لمياء : خطر !! وش السالفة ؟!!
خلود : صارت حريقة بالجامعة وجود كانت موجوده هناك .. بس الحمد لله إياد اقدر يطلعها ويسعفها ..
لمياء بألم : وعسى ما حد تأذى
خلود : لا تطمني الحمد لله كل شيء عدى على خير ..
لمياء : الحمد لله .. خلود تعالي نسيت اقولك أني انا اليوم أجازه وما رحت الجامعة شوفي وحده من صحباتك
خلود : إيه أوكي مو مشكلة أشوفك
ميساء : إيش صاير لمياء عسى ما شر
لمياء وهي تأخذ نفس عميق : إيه هذي جود تركي اللي كلمتك عنها .. الظاهر صايرة عندها مشكلة ومنومة
أبو سعد بمجرد أن سمع أسم تركي وقف مذهولا مكانه وتمتم بخوف : لمياء إيش قلتي أسمها ؟!
لمياء بابتسامه: بابا إيش فيك أنته بعد لا يكون تعرفها
أبو سعد : تعرفي أسمها الثلاثي ............
لمياء : بصراحة ما أنتبهت كل اللي أعرفه أنه أسمها جود وابوها تركي وهو رجل أعمال معروف .. وقضى نص حياته بالسعودية .. يعني صار لهم 7 سنين من رجعوا .. هذا كل اللي أعرفة .. لا يكون تعرفها بابا
ام سعد تمتمت بصوت منخفض : بو سعد اللي يدور فبالي هو نفسه اللي يدور في بالك
بو سعد : بالضبط .. انا لازم أروح المستشفى وأعرف أسمها بالكامل
أم سعد : طيب إيش راح تقول للبنت
بو سعد وهو ينظر للمياء : لمياء إيش رايك تروحي تزوري صاحبتك انا بعد عندي صديق مريض وبمر عليه
لمياء : اوكي بابا انا موافقة
ميساء : بس أنا تعبانة وما أحب ريحة المستشفى رجعوني البيت وبعدها روحوا وين ما تبوا
سعد : ميساء ما راح يطولوا .. والبيت بعيد .. خلينا نروح المستشفى بالأول ولا تنسي نور ترجع اليوم
ميساء : خلاص عشان عيونك الحلوه بس أنا موافقة .. يلا خلونا نروح ..


/::\


بقي على إقلاع الطائرة دقائق بسيطة .. مهند كان ينظر إلى ساعته بدهشه .. شعر اليوم بأنها ثمينه .. لأنها ستبعده عن هذا المكان الذي لم يحبه بسبب وجود لمياء فيه .. كان يكره ضعفها ورقتها .. حاول أن يجعلها فتاه قوية ولكنه عجز عن ذلك .. لهذا بداء يكره شخصيتها ووجودها بقربة ..
أروى لم تفارق الابتسامة شفتاها .. فاهتمام سعد بها جعلها تشعر بأن لها قيمه .. فسرحت بكل ذكرياتها معه
أما أركان أخرج شيء صغيرا من جيبه .. وظل يتامله بحب .. كان عباره عن ساعه صغيره نحت بها أسمه ..
أغمض عينيه ليستعيد تلك الذكريات مع من عشقها وأدمن حبها ميساء ..
ميساء وهي تنظر إلى ما حولها تمتمت بسعاده : راكان أنته عن جد تجننننننننننننن .. سعد راح يفرح كثير
راكان : طيب يا حلوه إيش رايك ندخل لأن الموضوع راح يطول
ميساء تمتمت بابتسامه وهي تشده من يده دون وعي لتصرفاتها : أوكي يلا تعال ..
راكان شعر بالسعادة تتغلغل من يده لتصل إلى باقي جسده وقف مكانه مذهولا ولم يستطع أن يتقدم خطوه واحده
ميساء وهي تعقد حاجبيها تمتمت بتعجب : بتدخل معاي ولا إيش سالفتك بالضبط ..
راكان تمتم بتوتر : إيه أكيد ..
قضى راكان وميساء في المحل حوالي ساعه .. طلبت من الصائغ تجهيز ما طلبته على أن ينتهي منه بسرعه .. وافق الصائغ على طلبها بعد ان أخبرته بأنه موضوع ملح ومهم .. وطلب منها الأنتظار لأيام بسيطة فقط ..
بعد مرور هذه الأيام كانت ميساء تريد أن تشكر راكان على فكرته التي أذهلتها فابتاعت له ساعه صغيرة من فضه بعد أن طلبت أن يحفر بداخلها أسم ( راكانوه ) .. وضعتها في مغلف صغير ثم دستها في حقيبة سفره .. ووضعت بجانبها رسالة صغيره تخبره فيها عن مدى سعادتها بأنها تمتلك أبن خالة مثله وهذه الهدية هي عربون شكر له ..
راكان لم يعلم بموضوع الهدية إلا بعد ساعات بسيطة من رحيلة .. لهذا قرر أن يضع لها هي الأخرى ذكرى راكان مهندس ويحب النحت كثيرا .. توجه إلى أقرب محل نحت فأخذ مجسم ونحت عليه دب صغير وكتب اسفله أنا لمياء المرجوجة .. ووضع بين قوسين عبارة (( أبو الشباب )) .. وضعها في كيس ثم طلب من أروى أن تدسها في غرفتها
فتح عينيه ببطء وتمتم بخوف : يا ترى هديتي راح تعجبك يا ميساء ؟!!


/::\


وفي مكان أخر كانت تنتظر هناك بخوف ..
نور : يا الله لو طلعت حامل كل اموري راح تنحل .. الولد هذا راح يكون فعلا ثمرة حب .. وراح أدبر خطة وأتخلص من سعد .. كذا ما راح يكون له عذر ورقة طلاقي بتكون عندي وفوق كل هذا أنا حامل بولده بس أن شاء الله اكون حامل
قاطعها صوت من بعيد : نووووووووووور
نور وهي تتجه نحو الصوت بخطوات متسارعة تمتمت بخوف : هاه ريم بشري عسى النتيجة مو سلبية
ريم تمتمت بسعادة : لا تطمني مبروك إنتي حامل
نور والدموع تتساقط من عينيها لا إراديا : انا حامل ما أصدق
ريم قاطعتها بابتسامة : إنتي حامل وأضن هـ الخبر راح يفرح سعد كثير .. تستاهلون كل خير
نور بمجرد أن ذكر اسم سعد شعرت بالضيق فتمتمت بينها وبين نفسها : لا هـ الولد مو لسعد هذا بالنسبة لي ذهب .. لا مو ذهب جوهرة راح أستغلها عشان أحقق كل اللي في بالي .. سعد مو لازم يعرف بموضوع حملي .. لازم أتصرف بسرعة واتطلق منه قبل ما تكبر بطني .. الحين جاء وقت الجد يا سعد .. أنا من حقي أعيش سعيدة حالي حال الناس
ريم وهي تقطع لها حبل أفكارها : نور وين سرحتي ؟!!
نور قاطعتها بجدية : سمعي يا ريم هـ الخبر ابيه يتم بيني وبينك سعد يمكن يجي هنا فأي لحظة ..ما ابيك تعلميه بشيء
ريم تمتمت وهي تضحك : اه تبي تكون للبشارة من نصيبك .. طيب ما يصير خاطرك إلا طيب أخليك انا الحين
نور وهي تمسح على بطنها : لا تزعل مني طيب لأني راح استغلك كثير .. بس بكره تفهم أنه كل هذا عشانك



/::\


المملــكة العربيــــــــة السعودية

//

'file://\\[/uأنهت"]\\'file://\\[/u

جرح آخر آنطوى .. ولكن ترك خلفه آلكثير ..
احداث قد تغير مجرى الرواية بالكامل
ما مصير البعض بعد ما انكشفت له بعض الأسرار
وما حال من امتلاء قلبه بالهموم
اسئلة كثيرة واحداث جديدة ترقبوها السبت المقبل ..
وإلى ذلك الحين اترككم في حفظ الله ورعايته
ولا تنسوني من دعائكم والدعاء لوالدي بالرحمة والمغفرة .. وعسى الله يان يبلغنا رمضان ونحن في أتم الصحة
ملاحظة مهمه ..
وقت تنزيل البارت لن يكون بعد صلاة المغرب .. ربما على الساعة الحادية عشر ..
وكل عام والجميع بخير
ودي
kesat 3thab

/::\




سعد كان يمشي في ممرات المشفى بخطوات سريعة .. كان يحاول أن يجد نور بعد ان حاول الاتصال بها دون جدوى
تمتم بنفاذ صبر بعد أن يأس من إيجادها : اوف هذي وين راحت ؟!! معقولة كل هذا زعل
شاهدته إحدى الممراضات فأتت إليه مسرعة وتمتمت بسعادة : إنت زوج نور صح
سعد تمتم بلا مبالاة : أيه أنا زوجها
... : أممممم الظاهر نور ما بلغتك بالخبر السعيد ..
سعد قاطعها بذهول : أي خبر ؟!!
.... تمتمت بابتسامة : الف مبروك يا سعد نور زوجتك طلعت حامل !! وطلعت من هنا مثل المجنونه .. أكيد من الفرحة
سعد وابتسامه عريضة رسمت على شفتيه وهو غير مصدق لما يسمعه تمتم سريعا : من صدقك نور حامل ؟!!
قاطعته هي الأخرى بسعادة : أيه أيه نور حامل .!! ألف الف مبروك .. حبيت بس ابلغك عن إذنك
سعد وهو يستند على جدار قريب : مستحيل ما أصدق .. نور زوجتي حامل وأخيرا هي كانت شاكة بس شكها في محلة




/::\





المملكة العربية السعـــودية ..

//

\\




كانت العنود تنتظر أمام تلك البوابة الضخمة وهي تضع إحدى يديها على خدها وتنظر إلى ما حولها بتمعن
قاطعها صوت خطوات بسيطة فرفعت راسها قليلا فشاهدت رجلا هرما شارف عمره على السبعون .. شعرت بالتوتر ثم نهضت سريعا وهمت بالدخول قبل ان يقاطعها
.... : وش فيك هربتي ؟!! انا مدير الدار هذي .. وش فيك جالسة هنا عسى ما شر ؟!!
بمجرد أن علمت بأنه المسؤول عن الدار توقفت .. رغم أنها بمجرد أن شاهدته شعرت بغصة .. ولكن سرعان ما تغيرت تلك النظرة .. وأخذت تنظر إليه بعطف وحنان وهي تفكر كيف تحمل رجل كهذا مسئولية اناس مثلها طوال هذه السنوات . نزلت دمعه على خدها وهي تفكر كيف آل حالها .. بعدما كانت تعيش في عز ورفاهية اصبح أناس يتصدقون عليها .. شعرت بالضيق من هذا الحال فهمت بالدخول .. وعاد ليقاطعها مره أخرى : وش فيك ما تردين على سؤالي
العنود شعرت بالخجل من تصرفها فتمت سريعا : أنا اسفه بس حاسة نفسي مضايقة ومالي خلق اتكلم
.... : طيب على راحتك .. أروح اشوف المديرة عشان تعلمني إذا فيه شيء ناقصكم .. عن إذنك
العنود وهي تزداد خجلا : ما تقصر فيك الخير والبركة ..
ابتسم لها بوقار ثم توجه للداخل .. شاهدت عائشة وهي تدخل من البوابة فهرولت إليها : كيفها طمنيني عنها
عائشة وهي تهز براسها : بسم الله الرحمن الرحيم ؟! وش فيك هزيتي بدني
العنود : بنتي يا عائشة كيفها كويسة ؟!!
عائشة : إيه بنتك كأنها البخت لا وخذيت وعطيت معها . هدي نفسك ولا تشغلي بالك
العنود : وشلون ما أشغل بالي .. عائشة إنتي تتكلمي عن قطعة مني .. جود الشي الوحيد اللي بقالي من الدنيا
عائشة : إيه فاهمه وحاسة بكل اللي فيك .. بس شو بيدنا نسوي .. هذا قدرك وإنتي مو راضية تغيرية
العنود وهي تمسح على وجهها : آآآه يا عائشة باي وجه تبيني أشوفها .. وانا بهـ الشكل صعب أواجه أحد
عائشة : العنود بالعكس إنتي لازم تفتخري بهذا .. تشوهك هذا راح يخليها تغفر لك أشياء كثيرة
العنود قاطعتها سريعا : ما ابيها تعرف عني إي شيء المهم تكون بخير
عائشة قاطعتها بحزن : إذا هذا هو طلبك فتطمني بنتك ما عليها إلا العافية .......




/::\




ليان أخذت كوبان من الشاي وتوجهت إلى عمتها ريما ليتبادلا أطراف الحديث
ليان وهي تطبع قبلة في خد ريما : كيفك يا أروع عمه بالكون .. وحشتيني كثير
ريما نظرت إليها بشفقة ثم ارتسمت على شفتيها ابتسامه صغيرة
ليان قاطعتها بسعادة :عمتي ما راح تصدقي من كان هنا .. هيثم
ريما بمجرد ان ذكرت ليان أسم هيثم تغير لون وجهها وأصبح شاحبا
ليان وهي تحتسي الشاي تمتمت بسعادة : عمري ما شفت أحد مجنون كثرة ... تخيلي جا لين هنا لا وبوكيت ورد
وقال أتصل فيه بعدين وراح يعلمني عن سبب طلاقة .. آآآه يا عمتي أحس نفسي طايرة .. مو مصدقة
ريما مسحت على خدها بحب وهي تخفي خلف ابتسامتها خوف كبير
ليان : ما باقي إلا كم يوم وراح أصير زوجته .. بس ضروري أكلم بابا اليوم عشان يأجل الموضوع كم يوم عشان أجهز
قاطعهم صوت جوالها .. نظرة إلى الشاشة فتمتمت بغضب : أوووووووووووف هذا إيش يبي بالضبط
ريما وهي تعقد حاجبيها : .................................................................
ليان : عمتي هذا أمجد أوف ما أعرف متى راح يخليني لحالي .. أحسن شيء أخلية وما أرد عليه
ريما وهي تهز رأسها بالإيجاب وكأنها مؤيدة لها ..
ليان : انا ما ودي أفكر بأحد حاليا .. لازم أشغل تفكيري بهيثم وبس ........



/::\




نجود بمجرد أن وصلت إلى المنزل .. كانت كل كلمة قالتها سندس تترد على مسمعها .. لم تعد تتحمل فكانت ممسكة بكتاب فرمت به بعيدا فاصطدم بالباب فأصدر صوتا وتمتمت بغضب : كله كذب في كذب .. رائد يحبني انا وبس
سويرة هرولت إليها مسرعة وتمتمت بخوف : نجود وش فيك يا بنيتي ؟!!
نجود وهي تضم راسها بين قدميها بكت بحرقة وتمتمت بألم : ما فيني شيء ماما .. ممكن تخليني لحالي
سويرة وهي تقترب منها : نجود صاير لك كم يوم ,انتي مو على بعضك عسى ما شر
نجود قاطعتها سريعا : ما فيني شيء ماما .. تكفين خليني لحالي
سويرة وهي تهز رأسها تمتمت بغضب : نجود لا يكون جالسة تسوين كذا عشان تضغطين علي وما أزوجك سليمان
شوفي إذا كنتي تفكرين كذا فأنسي .. ما باقي إلا كم يوم وتخلص الامتحانات وتتخرجين وساعتها ما راح أناقشك .. بتتزوجينة غصبا عليك .!! ما راح أضيع تعب وشقى عمري عشان دلع بنات
نجود لم تتحمل وأنفجرت صارخة في وجهها : وش باقي يمه أكثر من اللي صار .. ودك تزوجيني زوجيني ؟!! اصلا سليمان حتى لو تزوجني راح يتزوج جثة .. أنسانه تجردت من كل المشاعر وصارت ما تحس باللي حواليها
سويرة : تزوج جثة ولا حيطة .. أهم شي تتزوجية وخلاص .. انا بروح عند أم رائد أتطمن عليها
نجود تمتمت لا شعوريا : بس خلاص في كل مكان ترددوا نفس الاسم انا تعبت .. كفاية تعبت أرحموني
سويرة وهي تنظر إليها بتعجب : الحمد لله والشكر لا البنت أكيد جنت
تمتمت بهذه الكلمات ثم غادرت الغرفة سريعا .. نجود نهضت سريعا وأغلقت الباب خلفها ثم جلست على الأرضية وظلت تبكي بحرقة وهي تردد

بكيت وهل بكاء القلب يجدي ؟ فراق احبتي وسنين وجدي
فما معنى الحياة اذا افترقنا وهل يجدي النحيب فلست ادري
فلا التذكار يرحمني فأنسى ولا الاشواق تتركني لنومي
فراق احبتي كم هز وجدي و حتى لقاءهم سأظل ابكي!



وعادت لتضم راسها وسط قدميها وتمتمت بألم : ليش يا رائد ليش ؟ّ! كنت قدامك طول السنين هذي معقولة ما حسيت باللي بداخلي .. أكيد كل هذا صار لأنك ما كنت تشوف غير سندس. . ولا يمكن للحين تعتبرني الطفلة اللي شفقان عليها وحاب تخدمها .. بس أنا كبرت يا رائد كبرت .. وصرت أحس أنه اهتمامك لأنك تحبني بس مره ثانية أنصدم بالواقع
في كل مره تصدمني وارجع أعيش بواقع اكرهه .. خلاص يا نجود أنسي بكرة تتزوجين سليمان وتنسين رائد
تمتمت بهذه الكلمات وكأنها تواسي نفسها .. مما الم بما من جراح ..



/::\



أصرت سندس على أن ترافق ميساء بعد أن تظاهرة بأنها مصابة بنوبة من الأعياء ..
رائد وهو ينظر إليها بخوف : سندس عسى ما شر .. كيف حاسة نفسك الحين
سندس تمتمت بحب : دامني اشوف زوجي وحبيبي كيف تبيني أكون ؟!!
رائد أرتبك مما تفوهت به ولم يعلق بـ أي كلمة .. أكتفى بقيادة السيارة وهو ينظر إلى الأمام
ميس وهي تطلق زفرة تمتمت بغضب : أوف هذي أيش فيها ما ترد على مكالماتي
سندس شعرت بالغضب لأنها كانت مدركة بأن ميس كانت تتصل بنجود ..
رائد : ميس إيش فيك عسى ما شر ؟!!
ميس : لا ولا شيء أنتوا كملوا سوالف وخلوني أنا مع همي
سندس تدخلت سريعا وتمتمت وهي تتظاهر بالغضب : رائد يصير كذا اجي اشوفك بالمشفى وما أحصلك
رائد وعيناه كانت مركزة على ميس في محاولة أن يعرف ماذا يحصل معها تمتم سريعا .. كانت عندي عملية مهمه
سندس : طيب لو رديت على أتصالي كنت ما تعنيت وجيت للمستشفى .. رائد انا وانت ملكنا على بعض المفروض تزورني البيت بين فترة وفترة .. مو قادرة أكلمك ولا أتفاهم معاك .. رائد أنا ودي أفهمك وتفهمني أكثر
رائد تمتم بتوتر : أدري مقصر معاك يا سندس بس بعدني ما تعودت على الوضع قدري موقفي
سندس وعيناها تتسع : إيش ؟ رائد وش معناته هـ الكلام
ميس تمتمت بداخلها : صلح الموقف بسرعة يا رائد .. ولا بتكون خربتها على الأخر
رائد قاطعها بابتسامه : أنتي تعرفي أكثر مناوباتي المساء فأنسى أني صرت مرتبط وأنشغل
ميس تمتمت بابتسامه : سندس لازم تتعودين على رائد دومة كذا ., ماما دايما تعصب عليه تصوري تخليله عشاء بس الاخ يرجع على الساعة 12 ويقول أنه تعشى وانا وماما نستناه على لحم بطونا
سندس تمتمت بابتسامه : قلتيلي !! يعني الظاهر أخوك بيتعبني شوي
ميس : تقريبا ههههههههههههه وتمتمت في خاطرها .. أوف الظاهر مشت عليها
سندس تمتمت في خاطرها بغضب : لا يا رائد حسبالك أني مو فاهمة اللي جالس يصير .. بس أبا أتأكد وبعدها لكل حادث حديث .. دامك أرتبط فيني صعب أخليك تتركني بالسهوله هذي
رائد نسى وجود سندس بجانبه وظل يفكر بموضوع تركي ونجود : معقولة يكون تركي ابو نجود .. بس العلامة اللي في إيده نفس العلامة في إيد نجود ؟ ودي أفهم اللي جالس يصير .. كانت أمور كثيرة انحلت ولا تزوجت نجود بسليمان .. آآآه يا رائد الضيم اللي تحس فيه نجود بزواجك من سندس بكرة راح تحس فيه ..
سندس وهي تقطع حبل افكاره : رائد وش فيك وقفت جمب بيتكم .. امممم لا يكون تبيني أتغداء معاكم
رائد تمتم سريعا مجاملا لها : كان زين ..........
ميس وعيناها تتسع تمتمت بذهول : مستحيل ما اصدق
سندس وهي تنظر إليها بغضب : وش اللي مستحيل ؟!!
ميس وهي تلاحظ سويرة تتجه إلى منزلهم أشرت عليها بأصبعها : خالتي سويرة تروح بيتنا لا نجود أكيد فيها شيء
سندس وهي تنظر إلى رائد : إذا العرض قائم ترى أنا موافقة
رائد وهو يترجل من سيارته : إيه العرض قائم .............
سندس نزلت بسرعة ثم مشت بجانب رائد وضمت يدها في يديه حتى اشتبكت الأصابع مع بعضها البعض
رائد حاول أن يبعد يديه عنها ولكن سندس كانت تضغط على يده بقوة وهذا ما جعلة يتوتر
نجود كانت تقف امام تلك النافذة التي اعتادت على الوقوف امامها كل مساء لتسترق بعض النظرات لرائد
ولكن بمجرد أن شاهدت الأيادي قد اشتبكت ببعضها أغلقت النافذة سريعة وعادت لتكمل بكائها وقد زاد قلبها اشتعالا
رائد بمجرد ان سمع صوت النافذة تغلق علم ان نجود كانت تختلس النظر إليه وهذا ما أغضبة لأنها شاهدته في وضع كهذا ضغط على يديه بقوة ثم أنتبه سريعا بأنه كان يضغط على يدي سندس التي شعرت بالسعادة
سحب يده بهدوء وتمتم بجدية : تفضلي سندس أكيد أمي راح تفرح كثير بشوفتك
سندس : وانا بعد مشتاقة لها كثير
سويرة جلست تتبادل أطراف الحديث مع أم رائد وأخبرتها عن خبر زواج نجود من سليمان وهذا جعلها سعيدة
ميس تمتمت بابتسامه : خالتي هنا ما اصدق .. من وين طالعة الشمس
سويرة : ام رائد بنتك هذي يبيلها قص لسان .. لسانها كأنه أكبر منها
ميس رسمت على شفتيها أبتسامة وتمتمت وهي تعض على أطراف شفتيها : .. عن إذنكم بروح أبدل ملابسي
سويرة وهي تعتدل في جلستها : سمعي يا أم رائد أنا جاية هنا اليوم عشان موضوع ثاني
ام رائد : وش فيه تراك خوفتيني ؟. عسى ما شر
سويرة : لا خير أن شاء الله .. نجود في هالكم يوم متغيره كثير.. وتصرفاتها صايرة تخوفني .. وخايفه تكبر راسها وترفض فكرة الزواج .. واللي أبيه منك تمنعين ميس تجي بيتنا على الأقل في الفترة هذي
ام رائد : طيب ليش
سويرة : يعني ما تعرفين بنتك وتفكير البنات .. البنت لازم تتزوج واحد من سنها عشان يدلعها وحركات زي كذا
ام رائد : طيب إذا ما شافوا بعض في البيت بيشوفوا بعض في الجامعه
سويرة : لا من الناحية هذي تطمني ..نجود دام في الموضوع أختبار طول الوقت بتحط عينها في كتبها أهم شيء ميس
ام رائد : لا بخصوص ميس أنا راح أضيق عليها شوي وما راح اخليها تخطي عتبة الباب
سويرة : زين ما تسوي إذا أخليك انا بروح اشوف نجود .. طول الوقت تبكي رجة راسي
ام رائد تمتمت بمكر : هيه هيه يا أم رائد وهذا اللي تبيه صار .. نجود اللي بلا أصل راح تنزاح عن طريق رائد
سويرة همت بالخروج ولكنها اصطدمت برائد وسندس وتمتمت بابتسامه : الله يكمل عليكم وعقبال نجود
سندس قاطعتها : إيه سمعنا أنه زواجها بيكون قريب
سويرة : إيه لا خلصت امتحاناتها راح ازوجها .. البنت كبرت ومحتاجة من يداريها ويدللها
رائد تمتم بصوت منخفض : وين يداريها بالأول يداري نفسة
سندس قاطعته بحب : حبيبي كلمتني
رائد : لا انا بروح ابدل ملابسي عن إذنك
سندس وهي تقترب من سويرة : خالة سويرة أنا اقول لو تزوجي نجود بأسرع وقت .. بيني وبينك مو مرتاحة لوضعها
سويرة : إيش قصدك
سندس ابتسمت ابتسامة صفراء وتمتمت بخبث : سمعت أنه مصعب ناوي يخطبها .. و مصعب واحد يحب يلعب وما بيفيدك .. بيتعبك وبيتعب نجود بتصرفاته الطائشة .. فزوجيها من سليمان قبل لا تفكر نجود بمصعب
سويرة : زين علمتيني .. لا الحين راح أروح أتصل بسليمان واخليه بعجل موضوع الزواج
سندس وهي تنظر إلى سويرة وهي تبتعد : أووووووووووووووووووووف واخيرا برتاح منك .. باقي بس اشيلك من راس رائد وميس .. راح أخلي الكل يكرهك .. بس كل شيء راي يجي بالهداوة
قاطعتها ام رائد بابتسامه : يا حي الله بزوجة ولدي .. إلا أقولك ما شفتي ميس .. فجأة اختفت ما لقيتها في غرفتها
سندس : لا والله ما شفتها .. كل اللي شفته أنها كانت تمشي قدامنا
ام رائد : اجل سوتها وراحت تشوف نجود .. طيب يا ميس أنا أوريك
رائد قاطعهم من بعيد : عسى خير يمه إيش اللي صاير
ام رائد تمتمت بغضب : الظاهر أختك طلعت من الباب الخلفي وراحت تشوف ست الحسن والدل نجود
رائد وهو يضع المنشفة على راسه : إيه يمه طيب وش فيها
ام رائد : اختك هذي شيء تحت راسها .. الحرمة تبا تزوج بنتها وش له تدخل نفسها في شيء ما يخصها
رائد : يمه ميس ونجود مو بس صديقات هذيلا تربوا مع بعض .. يعني طبيعي يخافوا على بعض
ام رائد : لا أنا ما علي من هـ الكلام .. الحين أروح أجيبها
سندس ابتسمت من تصرف ام رائد لأنها أخيرا وجدت الفرصة التي ستبقى فيها مع رائد على انفراد ..
رائد قاطعها سريعا : يمه لا تنسين سندس هنا ضيفه .. وما يصير تخلينا فمكان واحد لحالنا
ام رائد : إيه طيب أنا بجلس هنا بس الحين تروح وتناديها ..
سندس وهي تضغط على يدها بقوة تمتمت وهي تحاول أن تخفي غضبها : لا رائد أنت سير غسل وجهك وانا بناديها
رائد قاطعها بابتسامة : لا ما يصير إنتي ضيفتنا .. ريحي نفسك وانا اغسل وجهي وبروح أناديها
سندس تمتمت بابتسامها تخفي خلفها ملامح كثيرة الناجمة عن غضبها : طيب يا رائد اللي يريحك .. انا بساعد عمتي في المطبخ يمكن تكون محتاجة لشيء . بس هاه التأخير ممنوع هذا أنا قتلك ..
ام رائد : لا ما عليك منه كلها دقيقة ويرجع .. ونكون انا وأنتي جهزنا الاكل
رائد كان مشتاقا كثيرا لنجود أغمض عينيه وهو يتذكر ما حدث بينه وبين شقيقته ميس أمام الجامعة

ميس وهي تركض نحوه تمتمت بخوف : رائد فيه شيء مهم ودي اقوله لك .. وزوجتك هذي كاتمة على نفسي ..
لا جينا الجامعة الصباح جت معانا ولا رجعنا بترجع معنا .. أوف ما تعرف شيء أسمه ثقل .. المهم ما علينا سندس الحين بتطلع وما ودي تحس على شيء ... نجود يا رائد نجود شفتها اليوم حالتها كانت تقطع القلب ..كله تبكي
ولما سألت سندس قالت أنها ما حلت بالأمتحان زين .. لكن أقص يميني إذا دموع نجود ما وراها خطيبتك سندس
رائد والكثير من الخوف يتملكه : طيب نجود كيفها ؟!! صار لي كم يوم ما شفتها .. وقلبي متوله عليها كثير
ميس : طيب أنا عندي خطة . لا وصلنا البيت أنا أروح عندها .. وماما بتعصب وبتزعل .. وبتقولك سير نادها
رائد تمتم بغيض : لا أمي مستحيل تقول كذا .. راح تروح ترجعك وهي شاده شعرك بنص الشارع
ميس : لا ما عليك .. نسيت اقولك خطيبتك المصون متصلة بماما وعازمة نفسها ع الغداء مستحيل تخليكم لحالكم
رائد : بصراحة فكرة .. ثم طبع قبلة على خد ميس وتمتم بسعادة . تسلمي لي يا أم الأفكار
ميس تمتمت بحزن : مو جالسة أسوي هذا عشانك .. بس أبيك تشوف نجود على شان تطمني على صحتها

سندس خرجت من المطبخ ووجدت رائد يقف أمامه فتوجهت إليه مباشرة وتمتم بحب : رائد بعدك هنا
رائد وهو يفتح عينيه سريعا تمتم وهو يتظاهر بالأعياء : ما أدري بس حاس بآلام فضيعه فراسي
سندس وعيناها تتسع : فيني ولا فيك .. طيب يلا خلنا نروح المستشفى
رائد ابتسم ابتسامته ساحرة وتمتم بحب : لا والله .!! نسيتي أني دكتور .. الحين أخذ كم حبه واريح .. يلا أنا بروح اشوف ميس أخاف امي تسوي لنا سالفة ......
سندس وهي تنظر إليه وهو يبتعد تمتمت بحزن : رائد
رائد وهو يدير برأسه نحوها : أمري
سندس تمتمت بحب : لا تتأخر



/::\


مصعب كان يتمشى في أروقة الجامعة مع صديقة عبدالله الذي كان شاردا أغلب الوقت
مصعب : عبدالله على فكرة ترى أنت صاير ممل
عبدالله : إعذرني بس فيه موضوع شاغل بالي ولازم أحلة في اقرب وقت
مصعب : وانا قلبي يعورني ودي أروح أخطب نجود عشان ألعب عليها فـ ايام الخطبة ولا خذيت اللي بغيته رميتها
عبدالله : طيب وش اللي مخرب عليك روح وتقدم لها
مصعب : امي حالفه يمين أنه ما فيه أحد راح يزوجني غيرها وهي اللي راح تختار لي البنت
عبدالله : إيه شكل امك صعبة
مصعب : بس مو مشكلة نجود بتتزوج من شايب يعني أنت عارف الباقي
عبدالله : حتى بعد ما تتزوج ما راح تتركها لحالها
مصعب : لو أحد جاء وقال لك في يوم راح تقدر تمسك القمر إيش راح تسوي ؟! أكيد ما بترفض
عبدالله : طيب يا مصعب سوي اللي يريح بالك
مصعب : وأنت بعد لا تجلس تفكر كثير
عبدالله : بصراحة موضوع شجن شاغل بالي كثير
مصعب قاطعه بغضب : ردينا ؟!!!!!!!!!!!!!!!!!!
عبدالله : طيب لو تعلمني إيش قصتها بس
مصعب : أسمع يا عبدالله هذي أخر مره اسمح لك تجيب طاري وحده خايسة مثل هذي عن إذنك
عبدالله وهو يقف أمامه : مصعب اللي عرفته أنه رحاب صديقة شجن .. يمكن تقدر تساعدك وتطلع براءة
مصعب تمتم بغضب : انا طلعت براءة من زمان .. ودي أعرف شيء واحد بس ؟! ليش مهتم بالموضوع كذا
عبدالله وهو يحاول أن يخفي توتره : لا ولا شيء بس كنت حاب اساعدك يمكن أهلها يفكروا ينتقموا منك
مصعب قاطعة بسخرية : ينتقموا مني ..!!
عبدالله قاطعه بثقة : مصعب شجن علمتني أنه أهلها صار لهم فترة يدوروا عليك .. وطلبوا من شجن تساعدهم
مصعب ابتسم ابتسامة سخرية : هههههههه مساكين ما يعرفون أنه شجن هي ساس البلاء
عبدالله وعيناه تتسع : إيش اللي تقصده يا مصعب
مصعب : انا اكتشفت الحقيقة بعد ما تسجلت القضية بأنها عملية انتحار وأنتهى كل شيء .. ساعتها بس عرفت أنه رحاب تصير صديقة شجن .. وبعدين رحاب أول مره أشوفها وتفاجأت وساعتها بس بديت أشك انه شجن لها يد
عبدالله وعيناه تتسع أكثر وهو يضغط على يده بقوة تمتم في خاطرة : بعد ما قتلت أختي تقول أنه شجن قتلتها .. ما تعرف أنه رحاب كانت تموت في شيء أسمه شجن والعكس صحيح .. يمكن القانون أعتبرها عملية أنتحار .. لكن قانوني أنا بيكون مختلف وما راح أرحم أبدا قاتل أختي .. راح أخلية يحس بالمرارة والعذاب اللي حسينا فيها
مصعب وهو يصدر ضجيجا : عبد الله أصحى وش صار عليك
عبدالله وهو يضغط على يده بقوة أنسحب بهدوء دون أن يتفوه باي كلمة ........
مصعب وهو ينظر إليه بتعجب تمتم بغرور : وش فيه هذا ؟!!
قاطعه صوت رنين هاتفه ففتح على المكالمة سريعا دون ان يهتم من يكون المتصل فتمتم بتملق : الو
شجن تمتمت بسخرية : عرفتك كذا ؟ّ! واحد مغرور وأناني .. وأعتقد راح تنتهي حياتك وأنت على ذي الحال
مصعب بمجرد ان سمع صوت شجن أصابته نوبة من الجنون وتمتم بغضب : إنتي إيش تبين بالضبط
شجن تمتمت بمكر : ههههههههه إنت عارف إيش أبي منك بالضبط
مصعب : انا ما صدقت أنك تشيليني من بالك وتسافري .. وش اللي رجعك مره ثانية
شجن : رجعني رغبتي في الانتقام .. الذل اللي عيشتني فيه طول السنين هذي .!! ودي تعيشة ولو لحظة وحده
مصعب : والله اللي صار كان برضاك .. أنا ما أجبرتك على شيء ما تبيه
شجن تمتمت وهي تصك على أسنانها بغضب : طيب يا مصعب أقراء على نفسك الفاتحة .. لأن النهاية قربت
مصعب تمتم بغضب : ولييييييييييييييه ترى تعبت من هألموال .. تمتم بهذه العبارة وأغلق الهاتف
شجن وهي تنظر إلى الهاتف تمتمت بغضب : طول عمرك كذا وبتم كذا .. ودي لو مره تواجه .. واحد جبان



/::\



مملكـــــة البحرين


//

'file://\\[/Uنزلت"]\\'file://\\[/U

نهآية آلـــــــــــــبآرت

اتمنى تعذروني حبايبي والله مو قادره اكتب شيء تعبانه شوي
ونزلت البارت بــآلعـــآفية ..
دعوآتكم ..

موعدنــــــــآ آلسبت المقبل

الجــــ جروح من عبق الماضي ــزء الثآمــنـ, عشـــــــــر kesat 3thab


//

\\


إني حزيـن
إني سجيـن
~لكل ذكرى لك معي~
وأبغى أقول:
إني أنــا
أشكي العنا
~وأقول للذكرى ارجعي~
وأرجع أقول:
ليت الهوى
يجمع سـوى
~أهل القلوب اللي تعي~
ونسيت أقول:
من الفراق
الصدرضـاق
~والعين هلت مدمعي~


/::\


نبدأه بسلطنـــــــــــــة عمان

كان ابا سعد ينظر إلى تركي بحب وهو غير مصدق لما يحدث .. كان قد فقد الامل بان يراه مرة أخرى
ام سعد ودمعه عرفت طريقا إلى خدها : كافي يا بو سعد خلنا نروح تركي خلاص دخل مع بنته
ابو سعد تمتم سريعا : راح يرجع ويطلع ... إذا ما أنتظرت هـ الدقايق البسيطة .. راح أندم طول عمري
ام سعد : سعود هذا أنت كحلت شوفتك بعينه .. بس تتوقع تركي لو شافك إيش راح يصير . هو قال ما يبيك
بو سعد : ما ينلام لو قال كذا يا نصرى ..!! أنا أخوه الكبير تخليت عنه وهو في اعز حاجته لي .. يعني لو كرهني أو حتى صرخ في وجهي وقال انه ما يبي يشوفني .. صدقيني ما راح ألومه او حتى اعتب عليه .. خليني انتظره ..
ما يندرى يمكن هذي اول واخر مره اشوفه فيها بعد كل هـ السنين


/::\

تركي بعد ان علم بمكان جود توجه إلى هناك بسرعه .. ولم ينتبه إلى وجود لمياء وميساء
تركي وعينه تذرف دمعه وهو يطبع قبلة في يد أبنته : إيش اللي صار فيك يا الغالية
جود وهي تمسح على رأس والدها بحب ثم قبلته : ما صار إلا الخير يا الغالي .!! بس إنت هدي نفسك
تركي وهو يضمها إلى صدرة : جود أنا مالي أحد بالدنيا هذي غيرك .. إيش راح يصير فيني لو تركتيني
جود تمتمت بحب : بابا ما راح اتركك ... صدقني راح أضل معاك عمري كله
تركي وهو ينظر إلى أثار الحروق في يديها : ليته فيني ولا فيك يا الغالية
جود وهي تضع يدها على شفتيه تمتمت بخوف : الله يبعد عنك كل شر بابا .. أنت وين رحت وتركتني اشتقت لك كثير
تركي وهو يضمها إلى صدرة بقوة : أوعدك يا جود أني ما راح اخليك مره ثانية .. سرت أدور على شيء ضيعته من زمان .. بس أكتشفت أنه الوقت تأخر كثير .. وصعب نرجع الماضي بسهولة
جود قاطعته بخوف : عسى ما شر بابا
تركي وهو يطبع قبلة على رأسها : بكره ولما أحس أني قادر اصارحك راح أعلمك بكل شيء
ميساء تمتمت بصوت منخفض : الله يديم المحبة بينهم .. شكله يحبها بجنون ..
لمياء قاطعتها بابتسامه : جود أنسانه رقيقه وتستاهل كل خير .. الله يسعدهم
جود تمتمت بسعاده : بابا الظاهر من كثر شوقك لي ما شفت انه عندي ضيوف
تركي وعيناه تتسع : وينهم ما شفت أحد
ميساء تمتمت بصوت مرتفع : صد وراك وانته تشوفنا .!! وش له تتعب نفسك من كثر الأسئلة
لمياء وهي تضغط على قدمها بقوة تمتمت بغضب : اوف منك يعني إنتي ما تجوزين عن سوالفك
ميساء تمتمت ببراءة : هذا كبر ابوي يعني بيكون عمي صح
تركي بمجرد ان نطقت ميساء تلك العبارة سرى شيء غريب في جسده .. تذكر شقيقه سعود .. علم أنه قد يكون أصبح لدية الكثير من الابناء .. فلطالما كان يردد على مسامعه بأنه سينجب أكثر من ستة ابناء .. دمعت عينه ثم مسح تلك الدمعه سريعا .. واطلق زفرة عميقة نابعة عن حزنه ثم أدار برأسه وتمتم بابتسامه : سمحولي ما شفتكم
ميساء كانت تريد ان تتمتم بحماس : لا ...........................................
قاطعتها لمياء سريعا : لا عمي عادي .. جود أنا مضطرة أروح وبمر عليك بكرة .. يلا مع السلامة
جود بابتسامه ": مع السلامة لمياء .. ومشكورة على هـ الزيارة
لمياء تمتمت بحب : ولو أنتي أكثر من أختي .. المهم ديري بالك على نفسك .. عن إذنكم
ميساء بعد أن أغلقوا الباب خلفهم تمتمت بغضب : أنتي بأي حق تقاطعني
لمياء : ترى أنتي كبرتي وبعد كم يوم بيصير عمرك 18 سنه .. يعني حركاتك هذي لازم تحسبيلها الف حساب
ميساء وهي تضع يديها على خاصرتها : ما فهمت
لمياء : ميساء الزمن هذا يبيله بنت قوية تشوف وتسكت .. وتختار الوقت المناسب عشان تتكلم .. مو طول الوقت مزح
ميساء : أوووووووووووووووف يا ربي أنا ليش كبرت .!! ليتني تميت صغيرة .. كل شيء ممنوع وحرام
لمياء وهي تشدها من يدها : يلا تعالي أكيد ابوي وامي خلصوا وجالسين ينتظرونا مع سعد
ام سعد : بو سعد هذيلا بناتك وطلعوا .. ما يصير نجلس أكثر .. يلا خلنا نتوكل ونروح
بو سعد وهو يمسح دموعه : يكفيني شفته ولو ثواني .. يلا هذا قدرنا ومجبورين نرضى فيه ..
ام سعد تمتمت بصوت منخفض : الله يصلح القلوب ويلملم الشتات اللي سببه الماضي




/::\




الدكتور صالح خرج من غرفة عمران وكان لون وجهه شاحبا .. أنتبه إياد لملامحه وتوجه إليه بسرعه
إياد والخوف مرسوم على وجهه : عسى ما شر دكتور ؟!! وش فيه لو وجهك مخطوف كذا
صالح وهو ينظر إلى إياد بشفقة : إنته بعدك هنا ما رحت ؟!
إياد : لا ما رحت .. مطلوب مني أجمع معلومات عن جود وعن سبب اللي صار .. فأنتظر الوقت المناسب
صالح : زين ما تسوى .. المفروض الجاني يحاسب على اللي سواه .. أهم شيء يا إياد ابيك تحط جود فعيونك
إياد تمتم بحيرة : ما فهمت ؟!! ترى أنته كذا تخوفني .. إيش فيها جود
صالح تمتم بابتسامه شاحبة : إياد يمكن أكون دكتور وما أفهم لحركات الشباب لهالأيام بس جود تحبك وانت تحبها
إياد وعيناه تتسع :: إيش؟!
صالح وهو يضرب على كتف إياد ضربات خفيفة : دام الوقت من صالحك صارحها .. عشان لا تندم بعدين عن إذنك
إياد والكثير من الحيرة تملكته تمتم بخوف : يا ربي إيش فيه الدكتور صالح ؟! ووش هـ الألغاز اللي سمعتها من شوي
وإيش قصده أنه الوقت من صالحي .. لا الموضوع فيه شيء ولازم أعرفه .. قاطعه صوت جوالة
فتمتم بتوتر : هلا خالد
خالد : هلا إياد الدنيا هنا مخبوصة فوق التحت .. ما قدرت تعرف شيء عن الموضوع .. من جود
إياد : لا ما قدرت أتكلم معها كل مره يجي معها حد .. انا بروح الجامعة وبرجع عند جود نهاية الدوام
خالد : طيب انا راح أشوف بعض الطلبة وأحاول أفهم أذا شافوا شيء يمكن نوصل لحاجة تنفعنا بعدين
إياد : خلاص انا الحين جاي وبنشوف أيش اللي نقدر نسوية



/::\



سعد ذهب يبحث عن نور في كل أرجاء المشفى حتى شاهدها تجلس على إحدى الكراسي فهرول إليها مسرعا
نور تمتمت بغضب وهي تغلق الهاتف : اووف ليش ما يرد ؟! صار لي ساعه أتصل . ولا حياه لمن تنادي
هو لازم يعرف بأنه قبل لا يسافر زرع بذرة في بطني .. ولازم يتحمل نتيجة هـ الشي
سعد وهو يضمها من الخلف .. ظل يبكي بحرقة ولم يتفوه بأي كلمة
نور لم تتحمل الموقف فأبعدت يديه وتمتمت بغضب ضنا منها بأنه شخص غريب : أنت ما تستحي ع ....................
وبمجرد ان شاهدت سعد ابتلعت كل ما أرادات قولة بداخلها
سعد وهو يضمها إلى صدرة ويبكي بحرقة : واخيرا يا نور واخيرا
نور وعيناها تتسع : سعد هذا مكان عام ما يصير اللي جالس تسويه
سعد تمتم بصوت منخفض ممزوج بتشنجات : صار لي سنين أنتظر هـ الخبر واخيرا سمعته واخيرا يا نور
نور وهي تبتعد عنه تمتمت بخوف : أي خبر ؟َ
سعد وهو يمسح دموعه تمتم بسعادة : نور زميلتك علمتني أنك حامل .. ما تعرفي شكثر هـ الخبر فرحني كثير
نور وهي تحاول أن تتظاهر بالسعادة تمتمت بحب : اوف خربت المفاجأة كان ودي تسمعها مني .صدق ملقوفه هالبنت
سعد وهو يطبع قبلة على راسها : أهم شيء سمعتها وخلاص .. مو مهم من من ؟!! المهم أنك حامل بولدي
نور ارتبكت وتمتمت لا شعوريا : إيه ولدك .. اكيد بيكون ولدك أجل ولد من
سعد ضمها إلى صدره وتمتم بسعادة : شفتي حتى أنتي من الفرحه اللي فيك مو عارفه تقولي شيء .. اه يا نور وأخيرا .. وأخيرا بيصير عندنا ولد .. ولد راح يكون ثمرة حبي لك وثمرة حبك لي .. اليوم قدمتي لي أروع هدية
ميساء وهي تنظر إلى سعد ونور تمتمت وهي تضرب بيديها على خدها : يمه لحقي على ولدك فضحنا ..
لمياء وعيناها تتسع : وش فيه سعد ناسي نفسه هو وين
بو سعد : يمكن يكون مشتاق لزوجته .. بس للبيت حرماته .. يلا خلونا نروح صوبهم ونصحيه من غفلته
نور وهي تبتعد قليلا عن سعد تمتمت وهي تتظاهر بالحب : سعد حبيبي مقدرة فرحتك .. حتى أنا فرحانه وحاسه نفسي بطير من الوناسة بس ما يصير الناس صارت تشوفنا .. خلنا نأجل الفرحة هذي في البيت طيب
سعد وهو يمسح دموع السعادة : سامحيني يا نور بس من الفرحة نسيت نفسي أنا وين
نور تمتمت بداخلها : وهذا اللي مخلني أكرهك ؟ لأنك واحد غبي وما تعرف تختار الوقت المناسب للفرحة
ام سعد وهي تقطع حبل أفكار نور وهي تصرخ غاضبة : وش فيك أنته وهي أنهبلتوا .. كل الناس جالسة تشوف المصخرة اللي مسويينها هنا ؟!! وش فيك يا سعد قلنا مشتاق لزوجتك بس عاد مو كذا
سعد وهو يقاطعها : الموضوع أكبر من اشتياق يمه .. نور نور
نور قاطعته سريعا : سعد حبيبي في البيت نقولهم .. ترى جد مو وقته
ميساء تمتمت صارخة : يــــــــــــس واخيرا .. ماما بابا راح تصيروا جد وجده .!! وانا ولمياء عمات صح
نور تمتمت في خاطرها : أوف هذا اللي ناقصني أني أتظاهر بفرحة وانا مو حاسه فيها .. هذا ولدي أنا وبس
سعد وهو يحضن ميساء : ايه يا ميساء نور حامل .. وأخيرا نور حامل ..
ميساء وهي تضمه إلى صدرها : كنت عارفة أنه بنسمع خبر حلو هالكم يوم .. أعتبروها هدية عيد زواجكم
لمياء وهي تطبع قبلة على خد نور : الف مبروك الغلا تستاهلون خبر ما في أحلى منه
بو سعد وهو ينظر إلى سعد بحب : ألف مبروك يا وليدي صبرت ونلت عسى تفرح بسلامتها
ام سعد بمجرد أن سمعت بالخبر ظلت تبكي بحرقة ولم تستطع التفوه بأي كلمه ..
سعد وهو يطبع قبلة على رأسها : الله يهديك يمه هدي نفسك ..
ام سعد : هذي دموع فرح يا وليدي .. واخيرا راح اقدر اشوف عيالك والعب معاهم قبل لا أموت
بو سعد قاطعها سريعا : يومي قبل يومك ..
ميساء : وليييييييييييييه قلبوا الفرحة حزن .. شوفوا أنا عندي فكرة وش رايكم نروح نتغداء برا وبكذا نغير جو البيت ونحتفل بهذا الخبر الأكثر من رائع .. فكره فمحلها صح
لمياء : لا حبيبتي أنا عندي محاضرة .. إذا أنتوا حابين تحتفلوا براحتكم بس انا أعذروني
نور تمتمت بقهر : يعني لا بتكون أول ولا أخر مره أحمل وش له الحفلات والرسميات .. وبعدين أنا عندي دوام
لمياء رمقتها بنظرة غريبة جعلت نور ترتبك
نور تمتمت سريعا : بصراحه انا مصدومه للحين من الخبر ممكن تخفوا علي شوي وتخلوني أستوعب اللي صار
لمياء وعيانها لا زالت مركزة على نور : خلاص خلونا نأجل موضوع الحفلة لوقت ثاني .. نور لازمها راحه.. وبعدين لا تنسون نور ما صار لها كم ساعه رادة من السفر والأخبار جاتها فوق بعضها عشان كذا أعذروها
نور ابتسمت ابتسامه شاحبة : مشكورة لمياء محد حاس باللي فيني كثرك أنتي ..
سعد : خلاص نور وش له المظاهر .. أهم شيء فرحة القلب .. وحفلات ما حفلات طز فيها
لمياء والحيره تتملكها : آآآه يا نور خايفه يكون خوفك وحزنك هذا بس لأنك حملتي بطفل ما كان ودك تحمليه




/::\



وصلت خلود إلى الجامعة برفقة أماني وتهاني وكان الوضع مستقرا
أماني بصوت منخفض : تتوقعين أحد عرف بالموضوع
خلود : وانا وش عرفني ؟ دام وصلنا الجامعة كل شيء بيتوضح ..الحين لازم أشوف شجون وعبير
أماني وهي تشدها من يدها : لا خلود تكفين ؟!! كذا راح تزيدين الطين بلة ..!!
خلود : لا يا حلوه نفس ما أنا ودي أكلم شجون وعبير تأكدي أهمه بعد يفكرون بنفس الشيء ..
تهاني تمتمت بحزن : وش فيكم تتوشون مع بعض .. ترى جود بعد صاحبتي إذا فيها شيء صارحوني ولا تخبوا
خلود وهي تطبع قبلة على خدها : تهاني حبيبتي أنتي شفتي جود بعينك ما عليها إلا العافية .. لا تشغلين بالك
تهاني : طيب ليش تتوشوشون .!!
خلود : أماني عندها مشكلة صغيرة بالبيت وتبيني أحلها .. يلا تهاني سيري محاضراتك ولا تفكري بشيء
تهاني بعدم أقتناع : ولو أني حاسة أنه الموضوع فيه شيء بس مو مشكلة بصدقك هـ المرة .. عن إذنكم
اماني وهي تأخذ نفس عميق : أوف ما بغت ..مو قادرة أصبر خلاص ودي أفهم شو صار بغيابنا
خلود : الحين راح نفهم لا تستعجلي ..!!



/::\



شجون وهي تفرك أصابعها بطريقة هستيرية : أووووووووووف هذي ما رجعت من المستشفى أخاف تفضحنا
عبير قاطعتها باطمئنان : ههههههههههه ما راح تقدر .. وبعدين وين الدليل كلها حبة سيجارة وتلاشت
شجون : يا ليت عندي قلب قوي مثل قلبك .. مآخذه الأمور عادي وكأن شيء لم يكن
عبير : المشكلة مو عندي المشكلة عندك .. أوقات احسك غبية .. يعني معقول اماني بتفضح نفسها وبتعترف ؟ّ!
شجون قاطعتها بغضب : وش دراني انا ..؟!!
عبير : شغلي مخك وكل شيء بيصير أوك .. أماني جبانه ومستحيل تسوي شيء يضرنا .!!
شجون وهي تأشر بأصبعها إلى البعيد : عبير شوفي أماني وخلود جايات صوبنا ..
عبير وهي تضع أحدى قدميها فوق الاخرى : الحين بنتسلى صدق .. خلود أم لسان طويل جاية لين عندنا
خلود وهي تنظر إلى عبير باشمئزاز : طلباتكم ..!!
عبير وهي تعتدل في جلستها : أممممم الظاهر عصفورتنا الجبانة علمتكم بكل شيء ..
أماني قاطعتها بخوف : خلود صديقتي وكان المفروض توقف معاي وتعرف بكل شيء
شجون قاطعتها بغضب : قولي الجبن اللي فيك خلاك تعلميها عن كل شيء صار
خلود : هي إنتي هدي نفسك .!! كل اللي ابي أعرفه طلباتكم .. ولو تقولوها بسرعة أفضل كذا محد راح يشك
عبير بابتسامة صفراء : نعتبر اللي صار ما صار . كل اللي بغيناه جود تتأدب وتعرف تتعامل مع عماتها
خلود وهي تضحك ضحكة أستهزاء : هههههههه عماتها ..
شجون : إيه عماتها وغصبا عليك ... وهذي هي قطوه بسبعة أرواح طلعت من كل هذا حتى جرح ما فيها
خلود : وليش ما تقولي أنه ربها يحبها وهو اللي خلاها تنفذ من مؤامراتكم الوسخة ؟!!
عبير : المهم أنتي حبيتي تسمعي مطالبنا وهذي هو مطلبنا الوحيد .. نعتبر اللي صار ما صار فهمتي
خلود : نحن بعد عندنا شرط ؟!!
اماني قاطعتها بحماس : أيه ولا نفذتوا شرطنا راح نعتبر اللي صار فعلا كأنه ما صار
شجون : عبير انا تقريبا عارفة أيش هو طلبهم ..
عبير تمتمت بابتسامه : إذا قصدكم أنه جود ما تعرف عن مؤامراتك انتي وهذي فأشارت على اماني .. أحلموا ..!!
خلود قاطعتها بثقة : انا راح أخسر صديقة مثل جود وبعد كم يوم أحصل وحده غيرها .. لكن أنتي راح تنطردي من الجامعه يا حلوة والفرق اللي بيني وبينك أنتي راح تخسري كل شيء جامعتك مستقبلك وحتى أهلك
شجون قاطعتها بخوف : عبير تكفين وافقي على شرطهم .!! ترى أنا وأنتي في خطر
عبير تمتمت بغضب : والله وطلعتي ذكية يا خلود .!! بس مو غريبة على وحده تغدر بصاحبتها
خلود تمتمت بسخرية : حبيبتي أنا ما غدرت بأحد وترى أنتوا فاهمين الموضوع غلط .. بتوافقي على شرطي ولا !
عبير وهي تصك على أسنانها بقوة : خلاص اللي تبغية صار .. ممكن تفارقي الحين
خلود وهي تضع يدها على يد أماني تمتمت بثقة : شفتي أماني هذولا بس المفروض تعرفي إيش نقطة ضعفهم وساعتها بكل سهولة تقدري تزيحيهم من طريقك .. خلينا نروح .........
عبير تمتمت بغضب : انا عبير وحده مثل هذي تهزأني !! طيب يا خلود أنا أوريك

.إياد وصل إلى الجامعه وبمجرد أن شاهد خلود واماني مع شجون وعبير ساوره بعض الشك وتوجه إليهم

أماني وهي تأخذ نفس عميق : أوف وأخيرا أنزاح عن صدري هم كبير
خلود : بس انا قلبي مو مطمن .. عبير إيدها واصلة لا تغرك ثقتي وقوتي أللي أظهرتها قدامها .. بس بداخلي خوف
أماني : لا حبيبتي تطمني إنتي ما شفتيها كيف تنتفض .......!!
قاطعهم إياد بجدية : خلود أماني إيش اللي صاير .. وش عندكم عند شجون وعبير !! مو على أساس ما تحبوا سيرتهم
خلود وهي تنتفض : بسم الله دكتور أنته من وين طلعت
إياد تمتم بثقة : يقولوا ما يخاف غير المذنب ؟!!
خلود : لا دكتور أنا كنت أفكر في جود وأنت طلعت في وجهي فجأة .. بس حبيت أتطمن أنه مالهم إيد باللي صار
إياد : طيب وش اللي خلاك تشكين فيهم ..!!
خلود : الكل عارف العداوة بين عبير وشجون وجود .. إذا أهلهم متعاديين تتوقع كيف البنات بيطلعوا
إياد : قصدك أبهاتهم
خلود : إيه عمي تركي دومه بمشاكل مع ابو شجون وابو عبير يعني قلت الغيرة تسوي عمايل
إياد : طيب واكتشفتي شيء
خلود : لا على حسب اللي فهمته انه عبير كانت بعيد عن موقع الحادث يوم صار
إياد : طيب بس حبيت أتطمن .. ومصير المتخبئ يطلع .. عن إذنكم
أماني وهي تشاهد إياد يبتعد مسكت بيد خلود وهي ترتعش : خلود إيش اللي صار من شوي
خلود : تكفين أماني انا بروحي دايخة ما أعرف كيف قدرت أخذ واعطي معاه .. حاسة أنه بنتورط
أماني : انا بعد قلبي مو مطمن ؟!!



/::\




المملكـــــــــة العربيـــــــة السعودية


//

\\


وصل ابا مهند وعائلة إلى أرض المملكة .. مهند كان سعيدا لأنه عاد إلى ديارة أخيرا
مهند : واخيرا رجعت لأرضي وبلادي ..!! ما تعرفون شكثر كنت مشتاق لها
راكان : كل هذا بس لأنك راح ترتاح من شوفة لمياء .. أعترف
مهند : بصراحة أيه . وامك وابوك طول الوقت يحنون على راسي يبوني أتزوجها وانا بصراحة مليت !!
راكان : مهند فكر زين .. لمياء بنت عاقلة ورقيقة .. صدقني لو تلف وتدور ما راح تحصل وحده تداريك مثلها
أروى : راكان لا تتعب نفسك .. مهند راسة يابس وما راح يتزوج الأ اللي في بالة
مهند : أقول انتي الظاهر ناسية نفسك إنتي وين .!! يلا أشوف غطي وجهك بدل الكلام الفاضي هذا
ام مهند : مهند خف على أختك شوي .. وش اللي صاير بينكم
أروى : ماما لا تشغلين بالك .. بس عارفة طبايع ولدك أشلون ... يعني أنا متعودة لا تفكري فيني
راكان تمتم بصوت منخفض : مهند عارفين أنك مو حاب لمياء . ولا ودك تسمع بطاريها بس أروى مالها ذنب
مهند : ما بيدي شيء يا راكان .. كل ما أشوف أختك تذكرني بلمياء وودي أخنقها بيدي . مآخذة كل تصرفاتها
راكان : بالعكس مهند يمكن وجهة نظري مختلفة عنك تماما ؟!! و أنا بصراحة ودي أتزوج وحده نفس شخصية لمياء
مهند تمتم بسخرية : طيب يا فالح حلال عليك لمياء ؟!! انا عن نفسي ما تناسبني
بو مهند : مهند لا وصلنا البيت ودي نجلس مع بعض .. عندي كلام كثير ودي أقوله لك
مهند قاطعه سريعا : يبه أنا اليوم واعد الشباب ودهم يحتفلون برجعتي .. وإذا الكلام يخص لمياء فأنا ما فاتحتها
بو مهند وعيناه تتسع : ام مهند سمعي ولدك وش يقول ؟!! أنته غبي ولا إيش سالفتك بالضبط
مهند : يبه أعتبروني غبي مجنون .. بس مستحيل أتزوج وحده مثل لمياء .. وإذا مش ولا بد زوجوني ميساء
راكان وعيناه تتسع : إيـــــــــــــش ؟!!
بو مهند وهو ينظر إلى راكان بتعجب : وش فيك تنحت كذا ؟! دام ما وده لمياء نزوجه ميساء وش فيها يعني
راكان والحرقة تملأ قلبة : بس ميساء أصغر منك بكثير
مهند : عادي وش فيها ؟!! العمر ما يفرق بهالزمن .. وبعدين ما قتلي من شوي ودك تتزوج وحده مثل لمياء
خلاص حلال عليك خذ أنت لمياء وانا اخذ ميساء ..
راكان والصدمة أخرسته : ..........................................................................
مهند وهو يغمز له بعينه : لا يكون غيرت رايك ترى اوقات الكلام اسهل من الفعل
راكان وهو يضغط على يدية بقوة تمتم بغضب : أنته واحد غبي ولا راح أخذ وأعطي معاك أكثر عن إذنكم
بو مهند : وش فيه هذا ؟! ما عليك منه مهند دام ودك بميساء راح أزوجك منها طيب
أروى بمجرد ان شاهدت راكان يبتعد ذهبت خلفة راكضة : راكان وقف .. وقف شوي خلنا نتفاهم
راكان وهو يقف تمتم بألم : تكفين أروى خليني لحالي
أروى وهي تقف امامة وتنظر إلى الدموع التي أنهمرت على وجهه تمتمت بحزن : راكان أنته تبكي ؟!
راكان وهو يمسح دموعه بسرعة : ما سمعتيهم إيش يقولون .. راح ياخذون مني ميساء
أروى : راكان بس أنته غافل عن نقطة مهمه .! يمكن ميساء ما تحبك ولا حاسة باللي فيك
راكان وهو يغمض عينيه بقوة تمتم بألم : راح أخليها تحبني .. وبعدين أفكارنا متقاربة يعني سهل ترضخ لي
أروى : بس إنت مو ملاحظ أنه جالس تبنى كل هذا على توقعات ؟!
راكان أنفجر غاضبا : يعني لو تزوجها اخوك بيكون يحبها .. ابوي طول عمره يحب المال والجاه وطامع بفلوس عمي
أروى : عارفه أبوي بإيش يفكر ويمكن يكون معاه حق .!! أنتوا أحق بميساء ولمياء
راكان : طيب علميني لا تزوج مهند بميساء انا كيف بتكون حالتي .. احبها يا أروى احبها ولا ودي احد ياخذها مني
أروى تمتمت بحزن : ما ودي اشائمك بس ابوي كل همه الفلوس وتوقع منه أي شيء
راكان : بس انا ما راح اسكت ... ميساء راح تكون من نصيبي انا وبس .. ومهند هذا أنا بكسر راسة
مهند وهو ينظر إلى راكان تمتم بسخرية : يبه ترى ولدك يحب ميساء عشان كذا عصب وراح
ام مهند : من صدقك ..!! هذي الساعة المباركة أنته تاخذ لمياء وهو ميساء
مهند تمتم بحقد : انا ما راح أتزوج غير ميساء ..!! هذا إذا تبوني أتزوج
ام مهند : مهند أنا أموت وأعرف القسوة اللي بداخلك ورثتها من من ؟!! حرام عليك فكر بأخوك شوي
مهند قاطعها بسخرية : تبوني أنا أفكر بأخوي .!! وانتوا ولا واحد فيكم حاس بوضعي .. يا ميساء ولا بلاش




/::\




نجود بعد معاناه طويلة مع البكاء قررت ترك كل هذا خلف ظهرها .. فنهضت سريعا ثم غسلت وجهها بماء بارد
وفجأة بدأت تسمع خطوات تقترب منها .. علمت أنها والدتها وستعيد عليها أسطوانة زواجها من سليمان
ولكنها شعرت بالسعادة عندما سمعت صوت ميس وهي تناديها فتمتمت بابتسامه : هذي ميس
ميس : نجود وينك يلا اشووف أطلعي ما عندي وقت ؟!!
نجود خرجت سريعا ثم أرتمت في صدرها وتمتمت بحزن : ميس حبيبتي توقعت ما راح اشوفك مره ثانية
ميس وهي تعقد حاجبيها : وليش إن شاء الله
نجود : ماما كانت رايحه بيتكم وعلمتني أنها راح تطلب من أمك تمنعك تجي هنا .. وعاد أنا حاسة نفسي بختنق
ميس قاطعتها بابتسامه : لا حبيبتي .! ولا الجني الأزرق يقدر يبعدني عنك زين كذا
نجود : صدقيني أمك قوية ولا راح تخليك تعتبي هذا البيت لحد ما موضوع زواجي من سليمان يتم
ميس : آآآآآآه يا نجود أحس امك هذي قلبها قاسي .. وبتجيب نهايتك
نجود قاطعتها سريعا : لا يا ميس .. مو كافي أنها تعبت علي لما كنت صغيرة والحين جاء دوري أرد المعروف
ميس : المهم علميني ليش كنتي تبكين .!! ولا تقولين أنه دموعك عشان الاختبار .. ترى ما راح أصدقك
نجود تمتمت بابتسامه : بصراحة موضوع سليمان كان مضايقني كثير .. عشان كذا طول الوقت جالسة ابكي
ميس وهي تمسح على رأسها بحب : صدقيني أزمه وبتعدي ..!!
نجود : إن شاء الله
قاطعهم صوت طرقات خفيفة على الباب ..
فتمتمت بخوف : من بيجي يزورنا لا ومن الباب الخلفي ؟!! ليش ما جاء من الباب الرئيسي .. أوف وش لي بصدعة الراس أروح اشوف من أحسن
ميس بابتسامه عريضة : إيه روحي أحسن شيء تسوية
نجود وهي تفتح الباب أغمضت عينيها وتمتمت بخوف : يا رب ما يكون سليمان .. مالي خلق أشوفه ..
رائد وهو ينظر إليها وهي مغمضة عينيها ابتسم من تصرفها وتمتم بحب : كيفك نجود
نجود وهي تعقد حاجبيها : معقولة هذا صوت رائد .. لا أكيد انا بسبة اللي شفته اليوم صايرة ما قادرة افرق بين الاصوات .. وبعدين رائد وش اللي راح يجيبه هنا .. اصحي يا نجود إنتي قدرك سليمان وبس
رائد وهو يقطع حبل افكارها : نجود عسى ما شر
نجود تمتمت بحيرة : أيه هذا رائد هذا صوته وبدأت تفتح عينيها ببطء وتمتمت بخجل اسفة على بالي سليمان
رائد وهو ينظر إليها بحب : كيفك نجود .. صار لي كم يوم ما شفتك .! وأنشغل بالي عليك
نجود طأطأت برأسها خجلا : ما فيني إلا العافية .. ميس هنا لحظات الحين راح أناديها
رائد وهو يضع يده فوق يديها : نجود لحظة
نجود سرت رعشة غريبة في جسدها ولم تستطع التفوه بأي كلمة
رائد تمتم بعد تردد طويل : نجود سمعت بزواجك من سليمان .. صدقيني محد يقدر يجبرك على شيء ما تبيه
نجود والدموع بدأت تغرغر في عينيها قاطعته بحزن : هذا نصيبي يا رائد .. ما كل شيء نتمناه نحصل عليه
رائد قاطعها سريعا : لا يا نجود غلطانة .. أوقات نشوف الأمور صعبة بس هي أسهل من ما نتصور
نجود وهي تنظر إليه بحيرة : وش اللي ودك توصله لي يا رائد .. خلاص هذا قدري وصدقني بكرة اتعود
رائد : كذابة .. ما راح تتعودي على هـ الوضع خصوصا إذا واحد ثاني شاغل قلبك
نجود وعيناها تتسع لم تتوقع أن يتفوه رائد بهذه العبارة شعرت وكأنه يعلم شيءً .. مشاعرها أصبحت مفضوحة فخشيت أن يستغل رائد هذا لمصلحته ويكسر شموخها وكبريائها فتمتمت بغضب : لا تطمن ما فيه أحد بقلبي
رائد قاطعها بحب وبرود تام : بس الدموع اللي في عينك تقول شيء ثاني
نجود هي تمسح دموعها سريعا تمتمت بغضب : الدموع مو مقياس باللي حاسة فيه فاهم ؟!!
رائد : نجود تكفين صارحيني بكذا راح تسهلي علينا الموضوع أكثر
نجود تمتمت بتعجب : ما فهمت
رائد : هي كلمة وحده إذا قلتيها في أمور كثيرة راح تتغير .. وأهمها المستحيل راح يصير ممكن .!
نجود : رائد أنا مو فاهمه شيء .. أي أمور اللي تتكلم عنها ..
رائد وهو يضغط على يديها برفق : نجود انا كنت غبي .. عميت عيوني عن شوفة حقيقة مشاعري أتجاهك .. كنت دايما اقول هي مشاعر أخوه وخوف عليك لا أكثر.. بس الحقيقة عكس كذا .!! أوهمت نفسي أني أحب سندس .. وأنه إنتي في حياتي مجرد عابر سبيل .. بس في ليلة خطوبتي كل اللي رسمته تحول لكابوس .. تمنيت اللي كانت جالسة جنبي هي إنتي مو سندس .. عارف أني اكتشفت هـ الشي متأخر كثير .. بس شوفي غروري وثقتي بنفسي خلت حياتي تتوقف عند نقطة وحده .. واللي هي إنتي يا نجود .. نقطة ما عرفت لها بداية ولا نهاية
نجود سحبت يدها بهدوء تذكرت الكلمات التي تفوهت بها سندس والحب الذي كان رائد يطرب مسامعها به
تذكرت كيف اشتبكت الأيادي ببعضها وكأنهم عشاق يترنم الحب بين اصابعهم ويعزفون من خلالها سيمفونية الحب
صدمت مما قالة رائد .. شعرت وكأن كلامه أهانها أكثر .. انتظرت هذه الكلمات طويلا ولكن رائد جاء بها متأخرا
قررت أغلاق الباب بهدوء دون أن تنطق بأي كلمة ولكن يد رائد أمتدت لتمنع حدوث ذلك
رائد : نجود تكفين كلمة وحده بس وراح أنهي كل شيء بيني وبين سندس
نجود ودمعه رسمت على خدها : قرارك متأخر كثير يا رائد وانا ما تعودت أبني حياتي على تعاسة غيري
رائد قاطعها سريعا : نجود تكفين لا تروحي
نجود وهي تسند جسدها على الباب تمتمت بقهر وغيض : رائد لا توهم نفسك أني أحبك .. أنت كنت بالنسبة لي أخ عزيز لا أكثر .. وحزني مو عليك أنت .. وبما أني كنت أصارحك بهمومي لما كنت صغيرة أسمع الحقيقة هذي اللي خفيتها عنك طول الأشهر اللي راحت .. يمكن يكون اللي سويته غلط بس هذي مشاعر ونقدر نتحكم فيها
رائد وعيناه تتسع تمتم سريعا : إيش اللي صاير يا نجود ..!!
نجود قاطعته سريعا : انا عمري ما فكرة فيك كـ حبيب .. ثم ضحكت وتمتم بسخرية .. أصلا كيف احبك وانا أفكر بشخص ثاني .. شخص صار ما يفارق خيالي ولا لحظة ..
رائد وقلبة ينقبض وجسدة أصبح يرتعش : نجود إنتي إيش تقولين ..؟!!
نجود وهي تأخذ نفس عميق وتحاول أن تخفي حزنها والمها قدر المستطاع ": هذي الحقيقة يا رائد عن إذنك
رائد وهو يحاول أن يمنعها من الذهاب وقد خارت قواه مما سمعه .. لكنه لم يستطع ذلك لأن نجود كانت أقوى منه
نجود أغلقت الباب سريعا ثم اسندت جسدها بالكامل علية وظلت تبكي بحرقة وتمتمت بألم : آآآآآآآآآه يا رائد كان لازم أسوي كذا .. وش له تتعذب ؟!! لازم تنساني لازم تكرهني عشان تقدر تحب سندس وتخلص لها
رائد هو الأخر اسند بظهره على الباب وتمتم بصوت شبة مسموع : هذي فرصتنا الوحيده ليش حرمتينا منها ليش
رميت كل شيء وراي وجيتك ! وفي النهاية ما الاقي منك غير الصد! انا ما أنكر اني غلط بس ودي اصلح الغلط هذا
بس كل هذا طلع كذب يا نجود .. إنتي الأنسانة البريئة يطلع بحياتك واحد ثاني طيب ليش ؟! ومن يكون
نجود سمعت ما تفوه به رائد فأغمضت عينيها وتمتمت بألم : سامحني يا رائد سامحني الله العالم شقد أحبك والله أحبك

دخــــــيل الله ياوقتي كفايه **
اعيش الضيم الى مالا نهايه

ابـــذكر فعلتك ياوقت فيني **
وابســتر ماضي ٍ زوّد عنايه

كفيــــل الجرح الآخر يامّعنا **
علـى توضيح طعنات البدايه

انا من يوم ربي قد خلقني **
اخــاف الحب وارقبها خطايه
اخافه سبة اللي كنت اشوفه **
بـــكت عيني قبل ياتي بلايه

كبــرت ولا سكرت الا غلاها **
تعـــاظم حبها داخل حشايه

اذا اقبل ليلي المظلـم عليّـه **
يجي طيفه ينور لي مسايـه

عشقته كثر ماشافت عيوني **
وعشـــقني كثر مابالكون آيه

فلا هو من يعيش اليوم دوني **
ولاني من يــبــــــيعـك ياهوايه

ولكــــن وقتي القاسي خذلني **
الا ياوقــــــت قلي وش خطايه

تفرّقنـآ .. تبي ننســـى بعضنا ! **
حشى مانساه لو غابت سمايه

يقــــــــــولون القهر دايم موّزع **
واقول ان الــــــقهر كله معايـه

حبيبي لو تفــــــارقنا احبــــك **
مدام الــــــحب الى مالا نهايه

انا اسفه جد واتمنى تعذروني
يمكن تحصلوا وايد اغلاط .. بس والله كتبته ع السريع ..

ما كان ودي انزله اليوم كنت بأجلة لبكره بس كنت متأكده أنكم تنتظروني
وما حبيت اكسر بخواطركم ..
مزجمه وحاسه نفسي منتهية ع آلآخر . ويادوب مبطله عيوني ومستحمله عشانكم ..
.دعواتكم